Levítico 3:1 - Bible in Tzotzil de Chamula

¹ “Ti mi oy buch'u ta xac' ta matanal ta stojol Dios jcotuc me' vacax, mi tot vacax, ti ta xich' svocol ta sventa ti lajesobil o'ntonale, ti chon bolom ti ta xich' aq'uel ta matanale, tsots sc'oplal ti mu'yuc jutebuc ti xchopolile.

Bible in Tzotzil de Chenalhó with Deuterocanon

¹ “C'alal chamilbicun jmoton sventa chanopajic ta jtojole, xu' chavaq'uic avacaxic, me stot, me sme', pero tsc'an ja' chavac'bicun, ti bu ven leque.

Levítico 3:1 Iomraidhean Croise

1 Crónicas 21:26

Ti bu taje, lic sva'an jun altar ta sventa ti Diose. Laj yac' chic'bil matanaletic, milbil matanaletic ta sventa lajesobil o'ntonal. Ta jech yepal un, lic sta ta c'oponel ti Diose. Laj stac talel c'oc' ta vinajel ti vul ta sba bu oy ti chic'bil matanal ti oy ta altare.

Éxodo 20:24

Ja' yu'un un, meltsanbeicun junuc altar ti meltsanbil no'ox ta latsbil lume. Cajanic tey ti chon bolometic ti oy ta acorralique, ti avacaxique, ti ta xich' svocol ta chiq'uel ta sventa ti lajesobil o'ntonale. Ta xtal jts'uiltas ta jujun ti bu ta jc'an ta xich' na'el ti jbie.

Éxodo 24:5

Laj taj une, laj yalbe mantal jun chibuc querem israeletic ti ac'o smilic tot vacaxetic ti ta xac'beic ta smoton ti Diose, ti ta xchiq'uic ta sventa ti lajesobil o'ntonale.

Éxodo 29:28

Ti matanaletic ti ta xich'ic talel ti israeletique, na'bil ta xcom o yu'unic ti c'ot ta jbel mantal ti ja' yu'unic ti paleetic ti xpechel sti' yo'ntone, ti sbec'tal yo'tac ti laj yich' aq'uel ta sventa ti lajesobil o'ntonale.

Proverbios 7:14

“Le' xa talele, cac'oj que ta yaq'uel milbil matanal ta sventa ti lajesobil o'ntonale, ti c'ot ta pasel cu'un tana li' une.

Ezequiel 43:27

Vucub (7) c'ac'al ma' ti jech sjalil ta spasique. Ta xvaxaquibal (8) c'ac'al un, ta xlic yaq'uic chic'bil matanal ta yich'el svocolic sventa ti lajesobil o'ntonale. Jun xa co'nton ta xacomic ta jtojol unbi. Xc'ot xic'opoj ma' ti vu'un Ajvalilune.”

Ezequiel 45:15

Sc'oplal ti chije, ch'ac xi loq'uel jcot ta jujun lajunvinic (200) ti jubemic lec ti oy ta yosilal ti Israele. Ti jaytos taje, ti matanal sat ts'unubal ta xich' chiq'uele, ti c'usi ta xich' svocol ta milel ta sventa ti lajesobil o'ntonale, ti c'usi ta xich' aq'uel ta sventa stubobil ti mulile. Vu'un ta xcal mantal ti Ajvalilune.

Levítico 1:10

“Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 17:5

Taje, ja' sc'oplal ti israeletic ti buch'utic laj xa smilic ti chon bolometic buyuc no'ox ta osiltic ti yalojic ta xc'ot ta smoton ti Diose. Avi le'e, ac'o yiq'uic batel ta ochebal sti' ti Axibalna ti bu nupel ta bee yo' jech ta xich' ti pale ti ta xac'be yich' svocol ta sventa ti lajesobil o'ntonale.

Levítico 3:6

“Mi oy buch'u ta xac'be ta smoton Dios jcotuc ti yuni chij ti ta xich' svocol yu'un ta sventa ti lajesobil o'ntonale, tsots sc'oplal ta xac' mi jcot stot, mi ja' jcot sme' ti mu'yuc jutebuc xchopolile.

Levítico 9:18

Ti tot vacaxe xchi'uc ti tot chij ti ta xac'beic yich' svocol ta milel yu'un ti israeletic sventa ti lajesobil o'ntonale, ti Aarone laj sc'ocbe snuc'. Ti xnich'nabtaque ta xet'esic jelavel ti ch'ich' ta stojole. Jech ti stuque laj smalbe ta sba ti altare xchi'uc ta sjoylejal.

Levítico 9:4

Jech xtoc, ac'o stsaquic talel jcotuc tot vacax xchi'uc jcotuc tot chij yo' jech ta xich' milel ta stojol ti Diose, ti ta xich' aq'uel ta sventa ti lajesobil o'ntonale. Ac'o yich'ic talel xtoc matanal juch'bil sat ts'unubaletic ti vots'bil ta aceitee, yu'un ti Diose ta xac' sba iluc ta jtojoltic ti c'ac'al avi tana li'e.”

Amós 5:22

Mi ja'uc jutebuc ta jc'an ta jq'uelbe sat ti chic'bil matanal ti ta xavaq'uic ta sventa quich'obil ta muq'ue, mi ja'uc ti matanal sat ts'unubil ta xavaq'uique. Mi ja'uc ta jtsac ta xquich' ti jubemic ch'in vacax ti ta xich' svocol ta milel ta sventa ti lajesobil o'ntonale.

Malaquías 1:14

Bac svocol xa'i o ti buch'u xac' xa ye yilel ti ta xac' jun lequil matanal chon bolom ti oy ta corral ti c'alal ja' ta xac' ti oy xchamele. Ti jech banquilal Ajvalilune, xi'tabilun yu'unic jlomuc ti muc'tiquil lumetique.” Ti va'i s'elan taje, ja' ta xal stuc ti Dios ti scotol xu' yu'une.

Malaquías 1:8

Ta xavaq'uic ta matanal ti chon bolom ti tubem sate, ti coxove, ti oy xchamele. Ta xanopic ti ma'uc chopole.” Ja' yu'un un, ich'beic batel ti ajvaliletic avu'unique. Jq'ueltic quic mi xmuyubaj xa ta stsacboxuc ti matanal ta xavac'beique.

Números 15:8

Ti mi ja' jcot ch'iom tot vacax ta xich' svocol sventa ta xich' chiq'uele, mi ja' sventa ta xich' svocol yu'un ti lajesobil o'ntonale, mi ja' sventa ti yaloj ti c'usi ta xaq'ue,

Números 6:14

Yu'un ta xac' ta stojol Dios jcot ch'in tot chij ti mu'yuc jutebuc ti xchopolile, ti jun yutsil smuil ta xich' chiq'uele. Ta xac' xtoc jcot me' chij ti mu'yuc jutebuc ti xchopolile, ti yich'oj xa jun jabile, ti ta xich' svocol ta scoj ti mulile. Ta xac' xtoc jcot to tot chij ti mu'yuc jutebuc ti xchopolile, ti ta xich' svocol ta sventa ti lajesobil o'ntonale.

Números 7:17

Ti ta xich' svocol ta sventa lajesobil o'ntonale, laj yac' ta matanal cha'cot tot vacax, vo'cot ch'iom tot chij, vo'cot tot tentsun, xchi'uc vo'cot ch'iom tot chij ti yich'oj jun jabile. Taje, ja' matanal yu'un ti Naasone, xnich'on ti Aminadabe.

Deuteronomio 12:27

Ti bu taje, ta xavac' ta sba yaltar ti Ajvalil Dios avu'unic ti c'usi ta xachiq'uique. Ja'uc xch'ich'el ti chon bolometic ti ta xavaq'uique, malic ta sba yaltar ti Ajvalil Dios avu'unique. Ja'uc ti sbec'tale, xu' xati'ic.

Colosenses 1:20

yu'un ta sventa Cristo, ti Diose lecub yo'nton xchi'uc scotol ti c'usitic oy li' ta banomile, ti oy ta vinajele, ta sventa ti laj smal xch'ich'el ta curus ti Cristoe.

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

Jueces 20:26

Va'i un, scotol ti soldado israeletique xchi'uc scotol ti jteclume, yan to velta, sutic batel ta yoq'uitael sbaic ta stojol ti Diose. Sjunul c'ac'al mu'yuc ve'el yu'unic. Laj yac'beic chic'bil matanal xchi'uc milbil matanal sventa lajesobil o'ntonal yu'un ti Diose.

Jueces 21:4

Ti israeletique sob xa liquic ta yoc'omal. Lic smeltsanic jun altar. Laj yac'beic chic'bil matanal xchi'uc milbil matanal sventa lajesobil o'ntonal yu'un ti Diose.