Levítico 27:8 - Bible in Tzotzil de Chamula

⁸ Yan ti mi ja' jun me'un mu'nat ta j'ech'el ti mu xtoj yu'un ti c'u yepal albil sc'oplale, taje, ja' ta xcom ta sventa ti palee yo' jech xu' ta xnopbat ta ach' ti c'u yepal xtoj yu'un ti yaloje.

Bible in Tzotzil de Chenalhó with Deuterocanon

⁸ Pero me solel toj me'on, me mu xtoj yu'un ti c'u yepal sc'oplal chaq'ue, ac'o yich' iq'uel batel ta stojol pale, yu'un ac'o yal c'u yepal xu' tstoj, ja' ti c'u yepal xu' yu'un li boch'o oy c'usi yaloj ta stojol Diose.

Levítico 27:8 Iomraidhean Croise

2 Reyes 7:5

Ja' yu'un un cha'e, xyabet xa osil laj stam batel sbeic c'alal to ti bu vololic ti sirioetique. Laj yilic ti mu'yuc buch'u oy ti c'alal nopol xa oyique.

Jeremías 5:7

Ti Diose xi ta xale: “¿C'u ono'ox la xachi ta jch'aybot amul yu'un scotol le'e? Laj xa svalopatinun comel ti anich'nabe, ti utsuc xa sva'anic ta rextico ti diosetic ti ma'uc diosetique. Busul no'ox ti sve'el laj cac'beique. Ti stuquic une, yan ti sjol yo'ntonic ta jtojole, ti xvoletic no'ox ta yaq'uel sbaic ta stojol ti ants ti sna' sbolomalin sbae.

Levítico 12:8

Ti mi mu stabe stojol jcot chij ti ta xac' ti me'ile, xu' ta xac' jcot tortola, mi mo'oje, xu' ta xac' cha'cot ch'iom paloma. Jcot ta xac' ti ta xich' chiq'uele. Ti jcot xtoque, ta xich' svocol ta milel ta scoj ti mulile. Jech ti pale une ta sc'an ti ac'o ch'aybatuc ti smul scolo'e, ja' to jech mesbil tusbil ta xc'ot ti antse.

Levítico 27:7

Yan ti buch'u x'ech' xa ta oxvinic (60) jabil yich'oje, vo'lajunsep (15) plata taq'uin ta xac'anbe stojol ti mi ja' vinique. Ja' lajunsep (10) plata taq'uin ti mi ja' jun antse.

Levítico 27:9

“Sc'oplal ti chon bolometic ti xu' ta xich' ac'bel ti Diose, ja' ta xc'ot o ta yu'un ta j'ech'el scotol ti chon bolometic ti laj xa yich' ac'bele.

Levítico 5:11

“Yan ti mi mu'yuc c'usi x'ayan jutebuc yu'un yo' ta sman o cha'cotuc tórtolae, mi cha'cotuc ch'in palomae, ac'o yac' chibuc kilo harina ti lec t'ujbile ti ta xc'ot ta sventa xch'ayobil mulile. Mu me xac'be aceite, mi ja'uc pom ta sba, yu'un ja' jun xch'ayobil mulil.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

Marcos 14:7

Yu'un ti buch'u abol sbaique, li' ono'ox oy ta atojolique. Xu' xacoltaic ti c'usiuc ora xal avo'ntonique. Ja'uc ti vu'une mu li'uc no'ox oyun ta atojolique.

2 Corintios 8:12

Buch'uuc no'ox ti ta sjunul yo'nton ta sc'an ta xcoltavane, ich'bil ta venta ta xc'ot yu'un Dios ti c'u yepal xu' yu'un ta xaq'ue. Yu'un ti Diose mu yu'unuc ta sc'anbe ti buch'u ch'abal c'usi x'ayan yu'une.