Levítico 27:2 - Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: C'alal mi oy buch'u ta sman loq'uel ti c'usi loc' ayan ta yo'nton ti laj yac'be ti Diose, tsots sc'oplal ta stoj ti c'u yepal ta xtojolin o ti c'otem ta yu'un ti Diose:

Bible in Tzotzil de Chenalhó with Deuterocanon

² “Jech xavalbe ya'yic li achi'iltac ta israelale: C'alal me oy boch'o tsc'an tstoj li c'usi yaloj ta jamal ta stojol Dios chaq'ue, ja' jech yepal ac'o stoj ti c'u yepal chapanbil ono'oxe.

Levítico 27:2 Iomraidhean Croise

2 Reyes 12:5

C'anbeic ti buch'u va'anbil ta sq'uel ti yavil taq'uine yo' jech ta xich' q'uextael ti c'usitic soquemic yu'un ti ch'ulnae.

Eclesiastés 5:3

Mi yepal no'ox ti c'usi ta xich' nopele, mu xa xchiquintaj ti c'usi ta xich' alele. Mi yepal no'ox slo'il xmaxil ti o'ntonale, mu'yuc xa stuq'uil ti c'usi ta xich' alele.

Levítico 27:1

Ti Diose xi laj yalbe ti Moisés ti c'alal laj sc'opon talele:

Números 21:2

Va'i un, ti israeletique laj yac' yeic ta stojol Dios mi ta xcoltaatic ta stsalel ti muc' ta lume, j'ech'el ta slilinic comel ti jteclumetique.

Números 30:3

“C'alal oy jun tsebal ants ti ventainbil to yu'un ti stote, ti ta xac' ti oy c'usi ta xac'be ti Diose, mi yan ti yaloj ti oy c'usi ta spase,

Números 6:2

“Xi xcholet xavalbe ya'i ti israeletic jech c'u cha'al li'e: Mi ja' jun vinic, mi ja' jun ants ti ta xac' ye sti' ta xac' sba ta tunel yu'un ti Diose, ti ja' nazareo sbie,

Deuteronomio 23:24

“Mi la'ochic ta sts'unub uva ti avinquilele, xu' xalo' ti uva ti c'u yepal xal ti avo'ntonique. Ja' no'ox un, mi ja'uc xavich' batel jbejuc ta alcu moch.

Jueces 11:39

C'alal ech' ti va'i sjalil taje, sut talel ti bu oy ti stote. C'ot ta pasel yu'un ti stuc ti yac'oj strate ta stojol ti Diose. Ti yantsil nich'on ti Jeftee, mu'yuc tabil ta junuc vinic ti c'alal chame.

1 Samuel 1:11

Xi laj yac' ti strate ta yalbele: “Ti scotol xu' avu'une, Dios, ti tauc la xava'an aba ta yet'esbel svocol ti avajtunel li'e, ti vuluc to la ta avo'nton ta yac'belun junuc jquereme, ta xcac'bot ta avajtunel ti c'u sjalil ti xch'iel sc'opojele. Ti svinajeb ta xc'ot ta avajtunele, mu'yuc ta xich' loc'bel ti sjole.”

1 Samuel 1:28

Loc' ayan ta co'nton ti ta xcac' tunuc yu'un ti Diose, ti yajtunel ta xc'ot o ti c'u sjalil ti xch'iel sc'opojele. Va'i un, ti Elie snupilan xa banomil laj spatan sba ta lumtic ta stojolal ti Diose.