Levítico 26:9 - Bible in Tzotzil de Chamula

⁹ Lec ta xquiloxuc ta jba ta jsat. Ta xa'epajic ta ch'iel cu'un ta j'ech'el, staoj yav ti jtrate ta atojolique.

Bible in Tzotzil de Chenalhó with Deuterocanon

⁹ Lec chaquiloxuc o. Ta xcac' bolanic, ta xcac' epajanic, xchi'uc j'ech'el te ta xcac' comuc ta atojolic li c'usi chapanbil cu'une.

Levítico 26:9 Iomraidhean Croise

Génesis 1:28

Va'i un, xi laj sts'uiltase: “Epajuc avalab anich'nabic; nojesic sjunul ti banomile, ventainic ta stuc'ulanel; ochuc ta be avu'unic ti choyetique, ti mutetique, xchi'uc scotol ti chonetic ti xquilet ta xanave.”

Génesis 17:20

Yan ta sventa ti Ismaele, laj xa ca'i ti c'usi laj ac'an ti ac'o stae. Ja' yu'un un, ta jts'uiltas, ta xcac' epajuc liquel ti yalab xnich'nabe. Ta xcac' epajuc liquel ti snitilultaque. Yu'un ti Ismaele ta xc'ot ta totil yu'un lajcha'chop banquilaletic ti tsots xu' yu'unique. Ta xc'ot cu'un ti spajeb xa no'ox ta jun muc' ta lum ta xbate.

Génesis 22:17

Ep ta jc'uxubinot. Ta xcac' bolicuc ti anitilultaque. Ta x'epajic jech c'u cha'al ta xavil ti c'analetic oy ta vinajele, jech c'u cha'al ti yi' oy ta sti'il nabe. Ja' jech xtoc ti stuquique ta ono'ox stsal yu'unic ti scontraique.

Génesis 26:4

Yu'un ta xquepajes ta j'ech'el ti anitilultac jech c'u cha'al ti c'analetic ti oy ta vinajele. Ta xcac'beic ti banomil li'e. Ta sventa ti anitilultaque, ta staic c'uxubinel scotol ti muc'tiquil lum ti oy ta banomile.

Génesis 28:14

Jech ti stuquique ta x'epajic jech c'u cha'al spucuquil ti banomile. Ta xtanijic batel ta xchanjechal banomil. Ta aventa vo'ot xchi'uc ti anitilultac eque, ta staic slequilal Dios scotol ti jujuchop jnaclejetic ta sbejel banomile.

Génesis 28:3

Ti Dios scotol xu' yu'une, ac'o sva'an sba ta atojol. Ac'o yac'bot ep anitilultac yo' jech ta xlic ayanuc epal muc'tiquil lumetic ta aventa.

Génesis 48:4

ti xi laj yalbune: “A'yio ava'i, ta xcac'bot ep anich'nab. Ja' jech xtoc ti anitilultaque ta x'epajic. Ta xc'otic ta jun muc' ta lum. Ta xcac'be yich'ic ti banomil li'e. Ta xc'ot ta yu'unic sbatel osil.”

Génesis 6:18

Ja'uc ti vo'otique, ta xcac' jtrate ta atojol, ti jmoj ta xa'ochic batel ta barco xchi'uc ti anich'nabe, ti avajnile, ti avalibtaque.

1 Reyes 3:8

Xi s'elan oyun ta o'lol yu'un ti ateclumal ti vo'ot laj at'uje: ti mu albajuc yepal ti jteclume, ti mu xa stac' na'el c'u s'elan ta chapel ti jun yepalic ta j'ech'ele.

2 Reyes 13:23

Ja'uc ti Dios une toj abol sba laj yil. C'uxubaj yo'nton ta stojolic. Ta sventa ti spasoj strate xchi'uc ti Abrahame, ti Isaaque, ti Jacobe, lic yac' sjol ta stojolic. Mi ja'uc laj stubbe sts'unubalic. Mi ja'uc laj sten loq'uel ta stojol, ti ja' to jech mu'yuc tenvanem avi tana le'e.

Nehemías 2:20

Xichi laj jtac'bee: —Ti Dios ti oy ta vinajele ta sva'an sba cu'uncutic yo' mu xch'ay ta be ti abtele. Ti yajtuneluncutique ta jliquescutic ti abtele. Ti vo'oxuque mu'yuc stunel avoc ac'obic. Mi ja'uc stac' xatic' abaic ta Jerusalén.

Nehemías 9:23

C'ot ta pasel ta stojolic avu'un ti co'ol s'elan c'anal ta vinajel yepal laj avac'be ti yalab xnich'nabique. Avic'oj batel ta yu'ninel ti muc' ta jteclum ti avalojbe ono'ox ta xavac'be ta xrextoic ti stot sme'ic ti laj ech'uc ta vo'nee.

Salmos 107:38

Ta sva'an sba ta c'uxubinvanej, ta xc'ot ta pasel ti lec ta xch'ie, ta x'epaj ti xchon sbolomic yu'une.

Salmos 89:3

Laj apas atrateic xchi'uc ti Davide, ti xachi laj avalbe sc'oplal ti avajtunel t'ujbil avu'une:

Éxodo 1:7

Ja' no'ox un, ti israeletique ep ti yalab xnich'nabique. Ja' yu'un un, epajic ta jmec. Tsalvanic comel ta j'ech'el, yu'un naca israeletic xc'uletic ti ta lume.

Éxodo 2:25

Laj sq'uel, laj yil Dios ti c'u s'elan oyique.

Éxodo 6:4

Ac'o mi jech taje, ja' no'ox un, laj jpas jun jtrate ta stojolic. Laj cal ta xcac'beic ti Canaán banomil bu co'ol s'elan jyanlum xanavic c'uc sjalile.

Isaías 55:3

La'ic ta jtojol, ts'ijano ava'i abaic lec. Chiquintabeicun lec ava'iic yo' jech ta xacuxiic. Sbatel osil ta xcom o ti jtrate ti ta jpas ta atojolique, ti mu xch'ay ta be ti c'usi loq'uem ta alel cu'un ti laj jpas ta syail xc'uxul co'nton ta stojol ti Davide.

Jeremías 23:3

Ta jva'an jba ta yiq'uel talel scomelal ti jteclumal bu c'alal tan puc batic cu'un ta yan muc'tic lumaltic c'alal laj jatviltas batele. Ta jtsob talel ta lequil yaxaltic bu oy ti sve'ebique yo' jech ta x'epaj liquel ti yolique.

Jeremías 23:4

Ta xlic jva'anan jq'uel-chijetic ti q'uelbilic yu'une, yo' mu xa'iic xi'el. Scotolic mu'yuc c'usi sna'ic. Mu lo'iluc no'ox ta xcal ma' ti vu'un Diosun une.”

Jeremías 33:3

C'oponun ti'inun un, ta jtac'bot ti ac'ope. Oy c'usi ta jcaj'albot ava'i ti muc'tic no'ox ta xc'ot ta pasele, ti chucul ta a'yiel ti mu to xana'e.

Ezequiel 16:62

Ta xcach'ubtas ti jtrate ta atojole. Ta xlic ana' ti vu'un Ajvalilune.

Ezequiel 36:9

Ta jbain ta xchabiel. Ta jventa licuc yich' abtelanel ta sts'unbel ti sbele.

Levítico 26:15

ti mu tsotsuc sc'oplal ta xava'iique, ti ja' no'ox ta xabajic ti c'usi oy jbel tsots albil sc'oplale xchi'uc ti nopbil cu'une, ti mu xc'ot ta pasel junuc ti jmantaltaque, ti mu xavaq'uic ta venta ti jtratee,

San Lucas 1:72

Ti oy ono'ox syail xc'uxul yo'nton ta stojol ti jmolmuc'totique, mu'yuc laj xch'ay ta yo'nton ti xch'ul trate laj spase.

Deuteronomio 28:11

Yu'un ti Ajvalil Diose ta xac' avil ti yutsil slequil yo'nton ti naca xac'bot no'ox ti anich'one, ti naca xvoc' no'ox yoltac ti achije, ti avacaxtaque, ti yepal no'ox ta j'ech'el ti ts'unubaletic ti c'usitic ta xloc' ta banomil ti bu yalojbe ono'ox ti amolmuc'totac ti laj sva'an sba ta rextico ti ta xac'bote.

Deuteronomio 28:4

Ataoj ti sva'anoj sba ti Dios ta stojol ti anich'nabe, ti ats'unube, ti yoltac ti avacaxe, ti achijtaque, xchi'uc xa scotol ti yan chon bolometic avu'une.

Deuteronomio 7:13

Ta xa xc'uxubinoxuc. Yu'un ta sva'an sba ta atojolic ti tey ta lum ti bu albatic ti amolmuc'totic ti laj ech'icuc ta vo'ne ti ta x'ac'batique. Ta xa sbolesoxuc. Ta sva'an sba ta stojol ti avol anich'nabique, ti c'usitic xloc' x'ayan avu'unique, ti atrigoique, ti avinoique, ti avaceiteique, ti yoltac avacaxique, xchi'uc ti achijique.

Hebreos 8:9

Ti trate ta jpas ta stojolique mu xa jechuc jech c'u cha'al laj jpas ta stojol ti smolmuc'totique, ti c'alal laj jnitbe loq'uel talel sc'obic ta Egipto banomile. Yu'un laj jip laj jtenic comel ta scoj ti mu'yuc xc'ot ta pasel yu'un ti jba'yel tratee.