Levítico 26:7 - Bible in Tzotzil de Chamula

⁷ Ta xjatav avu'unic ti avajcontraique. Jech ti stuquique, ta xlajic ta milel ta espada avu'unic.

Bible in Tzotzil de Chenalhó with Deuterocanon

⁷ Xchi'uc xu' avu'un chanutsic batel li avajcontraique; te no'ox chamilic ta espada scotolic.

Levítico 26:7 Iomraidhean Croise

1 Crónicas 19:15

C'alal laj yilic ec ti amonitaetic ti jatavic xa ti sirioetique, jech ti stuquique jatbil loq'uic ta stojol ti Abisai xchi'il ta voq'uel ti Joabe. Bat stic' sbaic ta jteclum. Va'i un, ti Joabe sut ech'el ta Jerusalén.

Ester 9:16

Ti judíoetic nacalic ta yan jteclumetique laj stsob sbaic ec ta sc'ac'alil oxlajuneb (13) yual ti Adar ono'oxe, ta spojel sbaic ta spaquel ti sc'oplalique, ta stsutsesel ti yajcontraique. Laj smilic vo'lajuneb xchanvinic mil (75,000) ta vo' ti yajcontraique. Mu'yuc laj spicbeic jutebuc ti c'usitic x'ayan yu'unique.

Salmos 81:15

Ti buch'u xti'et sjolic ta stojol ti Diose, ch'abal xa ma' ti xch'ulelic ta xlomic ta lum une, staoj yav xcuchoj ti svocolique.

Levítico 26:36

“Mu xa no'ox cha'bel un, ti buch'u cuxul ta xcomic ti oy ta yosilal ti scontraique. Ta jtic'be ep xi'el ta yo'ntonic ti xbitet xa batel ta anil ta jatbil ac'o mi ja' no'ox xchajluj ti yanal te' ta xbaje. Co'ol xa s'elan nutsbil ta espada xbitet ta anil ta xjatav ti c'alal ch'abale. Taj to banajtic ta xc'otic yu'un jatvil ta scoj ti xi'el c'alal mu'yuc nutsbilique.

Levítico 26:6

Ta xc'ot ta pasel cu'un ti lamajem ti jteclume. Mi ja'uc xasiblajetic ta xi'el ti c'alal ta xavayique. Yu'un ta jchabi ti jteclume yo' jech mu xvul ta loq'uel ti te'tical jti'oval chonetique, xchi'uc ti letoe.

Levítico 26:8

Ta vo'oboxuc (5) no'ox, ta xjatav avu'unic vo'vinic (100) ta vo'. Ti vo'vinicoxuc (100) ta vo'e, ta xjatav avu'unic lajunmil (10,000) ta vo'. Ta xlajic ta milel ta espada avu'unic ti avajcontraique.

Deuteronomio 28:7

“Yu'un ti Ajvalil Diose ta xac' ta avoc ta ac'ob ti avajcontra ti c'alal ta xastsacot ta letoe. Manchuc mi lec xa nopbil yu'unic ti c'u s'elan ta xvolvanique, ja'uc le'e, ta jech no'ox yepal tan puc ta xjatavic batel ta atojol.

Deuteronomio 32:30

¿C'uxi laj yutic ti ta jun no'ox vinic laj sjatviltas ech'el jmil ta vo'e? ¿C'uxi laj yutic ti ta cha'vo' no'ox vinic laj sjatbiltas ech'el lajunmil ta vo'e? Taje, ja' no'ox ta sventa ti Dios ti ja' jpojvanej yu'unique, ti c'ot ta nopel yu'un ti ta x'aq'ueic ta yoc ta sc'obic ti yajcontraique.

Josué 23:10

Ta junoxuc no'ox ti vo'oxuque, xu' ta xjatav batel avu'unic lajuneb ciento (1,000) ta vo'. Yu'un ti Ajvalil ti ja' Dios avu'unique ja' sva'anoj sba ta letovajel ta spojeloxuc jech c'u cha'al yaloj ono'oxe.

Jueces 15:15

Laj taj une, javal laj sta jot sbaquil yolon ye burro ti yox toe, ti ja' laj smil o ep ta mil filisteoetic xchi'uque.

Jueces 4:16

Ja'uc le' une, ti Baraque snutsoj batel c'alal to Haróset-goim ti soldadoetic xchi'uc ti scarretaique. Ti jech c'ac'al taje, mu junuc cuxul com ti epal soldadoetic yu'un ti Sisarae, ti xi s'elan cham scotolique:

Jueces 7:23

Va'i un, taatic ta iq'uel ti israeletic snitilultac ti Neftalie, ti Asere, xchi'uc ti Manasese, yo' jech xba slubiic ta be ti madianitaetique.

1 Samuel 14:13

Ti Jonatane stsoyet no'ox muyel ta sa' ti bu ta stec'an ti yoque. Ti bu ta stsac muyel ti yicobe, nabal muyel ec ti yajcoltaobbae. Ti Jonatane naca stacoltaan no'ox yalel ti xch'amoj ta xc'ot ta be ti yajcoltaobba ti ta stsutses o ta j'ech'ele.