Levítico 26:6 - Bible in Tzotzil de Chamula

⁶ Ta xc'ot ta pasel cu'un ti lamajem ti jteclume. Mi ja'uc xasiblajetic ta xi'el ti c'alal ta xavayique. Yu'un ta jchabi ti jteclume yo' jech mu xvul ta loq'uel ti te'tical jti'oval chonetique, xchi'uc ti letoe.

Bible in Tzotzil de Chenalhó with Deuterocanon

⁶ Ta xcac' ti jun no'ox avo'ntonic te oyoxuc ta alumalique; xcuxet no'ox avo'ntonic chavayic; mu'yuc boch'o chtal sibtasoxuc. Ta jloq'ues batel te ta avosilalic li jti'val bolometique, xchi'uc mu'yuc boch'o chtal stsacoxuc ta pleito.

Levítico 26:6 Iomraidhean Croise

2 Reyes 2:24

Ti Eliseoe joybij batel ta stuq'uil ti bu oyique. Laj sq'uel lec ech'el. Lic sti'ol-c'opta ta sventa ti Diose. Ta jech no'ox yepal, loc' talel cha'cot oso ta te'tic. Balatic ta ti'el ti chib yoxvinic (42) ta vo'e.

1 Crónicas 22:9

Ja'uc le' une, ta xavilbe sat jun anich'on jun vinic ti sna' spajesan ti c'ope, ti ta xc'ot ta stojol cu'un ti ch'an x'utat liquel yu'un ti yajcontra ti buyuc no'oxe. Jech o xal ta sbiin Salomón. Ti jayib c'ac'al ta x'ech'e, ta xc'ot ta pasel cu'un ti mu'yuc c'usi sna'ic ti jun no'ox yo'ntonic liquel ti Israele.

2 Crónicas 20:30

Mu'yuc c'op ti c'u sjalil stic'lej ta ajvalilal ti Josafate, c'ot ta pasel yu'un Dios ti laj slamajes c'op xchi'uc ti jteclumetic ti nabal nopol xil sbaic xchi'uque.

Job 11:19

Mu'yuc c'usi ta xasibtasot c'alal ta xacuxe; ep buch'u ta sc'anboxuc vocol ta atojol.

Job 5:23

Ti tonetic oy ta avosiltaque, mu xasmac ta be; lec xavil abaic liquel xchi'uc ti pucujil chon bolometique.

Salmos 144:14

ti naca xnab no'ox yol ti sme' jvacaxcutique, ti mu'yucuc ta syales ti yole. Ti ta beetic cu'uncutique, lajuc sc'oplal ta a'yiel ta avlajetel ta scoj ti oy no'ox c'usi ta xtal ta xa'iique.

Salmos 147:14

Ta slamajes c'op ti bu c'alal ta xpaj talel ti avosilale, ta xac'bot ave' alajes ti lequil trigoe.

Salmos 29:11

Ti Diose ta xac'be yip ti steclumale; ta sva'an sba ta yac'bel slequilal ti steclumale, mu'yuc c'usi xal yo'ntonic yu'un.

Salmos 3:5

Ta jpuch'an jba, ta xivay xtoc un, ta xijulav, yu'un yicojun sjapojun ti Diose.

Salmos 4:8

Jun co'nton ta jpuch'an jba, ta jech yepal ta x'och ti jvayele, yu'un ti Vo'ot une, Dios, avac'oj smuc'ul co'nton ti cuxulun ta banomile.

Salmos 85:8

Ts'etel jchiquin ta xca'i c'u s'elan ta xlic yal ti Dios une; ta xalbe ya'i ti ch'abal xa svulelic ti steclumal ti jun yo'ntonique yo' jech mu xlic spas ti xchuvajilique.

Éxodo 23:29

Ja' no'ox un, mu ta j'ech'eluc ti ta jun jabil ta jten loq'uele yo' mu x'epaj ta anil ti te'tical chon bolometic ti ta sibtasote.

Proverbios 3:24

Mi jutebuc xi'el ta xava'i c'alal ta xacux avo'ntone; c'alal ta xapuch'an abae, jun avo'nton ta xavay.

Proverbios 6:22

Ta stojobtasot ti buyuc no'ox ta xabat ta xanvile, chi'inbilot chabibilot yu'un ta xavay, xaschi'in xa ta lo'il mi lajulave.

Isaías 35:8

Ta xchapaj liquel ti xpolet no'ox jun be ti “ch'ul be” sbie. Ti buch'utic mu'yuc mesbil tusbilique, mu xu' x'ech'ic. Ti buch'utic mu'yuc xch'ulel xa'i sbaique, mu stac' xanavic ta stojol.

Isaías 35:9

Ti bu taje, mu'yuc xa ma' ti león une, mi ja'uc xa xnopajic ma' ti jti'oval chonetique. Ti ta be taje, ja' me stamojic sutel talel ti buch'utic c'otic xa ta pojel colele,

Isaías 45:7

Vu'un laj jmeltsan ti saquilal osile, ti ic'al osile. Vu'un ta xcac' ta yaq'uel ti lequilale, xchi'uc ti vocole. Vu'un ti Ajvalilun ta spasel scotol ti va'i s'elan taje.

Isaías 9:7

Ta xchoti ta spasel mantal ti bu choti ti Davide; buyuc no'ox ta xpuc batel sc'oplal ti yich'oj tsots yabtel ta ajvalilale, mu'yuc xlaj sc'oplal ti lamajem ti c'op yu'une. J'ech'el ta xc'ot ta pasel ti tsots yabtel yich'oje; ti yictac yabtel ti bu stsacoj sba lec xchi'uque, ja' ti tuc' ta xchapanvane, ti ta stic' sba ta xchapel ti bu tsots sc'oplal avi tana le'e, jech o sbatel osil. Taje, ta xc'ot ta pasel ta sventa ti mu no'ox albajuc ayanem syail xc'uxul yo'nton ti Dios ti scotol xu' yu'une.

Jeremías 30:10

“Ti vu'un Diosune, mu stselbuj ti xichi ta xcale: Mu xaxi'ic, steclumal cajtunel Jacob, mu xaxi', Israel, yu'un ta jtic' jba ta apojelic xchi'uc ti avalab anich'nabic ti oyoxuc ta muc' ta namal lum ti bu bec'bil labatique. Jun avo'ntonic ta xlic naquianic. Mu'yuc c'usi xana' liquel, laj to ta alel ti oy buch'u ta sibtasote.

Jeremías 31:26

Lijulav yu'un, jviq'uel c'ot jsat xchi'uc. Ximuyubaj to yu'un ma' ti jvaiche.

Ezequiel 14:15

“Mi ta jc'an ta jtac batel jti'oval chon bolometic ta jun muc' ta lume, ti ta xmilatic ti jnaclejetic teye, ti ta xlic pasuc ta sts'ijlajan sbajtical banomile, ti mu'yuc buch'u junucal ta x'ech' ta scoj xi'elal ti jti'oval chon bolometique,

Ezequiel 14:17

“Mi ta jc'an ta xcac' taluc leto ta stojol ti muc' ta lum taje, mi ta xcal mantal ti ac'o chamuc ti jnaclejetique xchi'uc ti chon bolometique,

Ezequiel 14:21

“Ti vu'un Diosune xichi ta xcale: Ja' x'ech' to ti xi s'elan ta xc'ot ta pasel ti ta jtac talel ti chantos tsots tsitsel ta stojol ti jteclum Jerusalene: ti letovajele, ti tsots vi'nale, ti ta xvul ta loq'uel ti jti'oval chon bolometique, ti ta xvul ta loq'uel ti ep ta tos chameletic ta smilel ti jnaclejetique xchi'uc ti chon bolometique.

Ezequiel 34:25

Ta jpas jtrate ta stojolic yo' mu'yuc c'usi sna'ic ta cuxlej. Ta jtubbe sc'oplal ta j'ech'el ti jti'oval chon bolometic oy ta muc' ta lume yo' jun yo'ntonic xlamet ta yaxaltic ta xcux yo'nton ta yolon te'tic ti cuni chijtaque.

Ezequiel 34:27

Ti te'etic oy ta osiltique, ta satin lec. Oy no'ox c'usi ta xloc' lec ta banomil. Jun yo'nton ta xcuxiic ta yosilal stuquic. Ta sna'ic unbi ti vu'un Ajvalilun c'alal ta xc'ot yorail ta jpoj loq'uel ti jteclumal ta yoc ta sc'obic ti buch'u smosovinojique.

Ezequiel 5:17

Melel unbi, ta jtac talel ma' ti vi'nale, ti chamel lajele, xchi'uc jti'oval chon bolometic ti mu junuc ta xayictabeic comel ti avalab anich'nabique, ti yepal ta xalajic cu'un ta letoe. Mu stselbuj jc'op ma' ti vu'un Ajvalilun une.”

Oseas 2:18

“Ta yorail ti jech c'ac'al taje, ta jtic' jba ta spojelic ti Israele. Ta xcac' jtrate ti oy c'usi ta jpas ta stojol ti te'tical chon bolometique, ti c'usitic ta xvilic ta vinajele, ti quiletel muc'tiquil chonetique. Ti ta muc' ta lume, ta jch'aybe sc'oplal ti yolobe, ti espadae, ti letovajele yo' jech jun yo'ntonic mu'yuc sna' ta xcuxiic ti jteclumale.

Oseas 2:20

Ta xajbisot lec ta jnup jchi'il, ti tuc' jol co'nton ta atojole, jech ti vo'ot une ta xlic avojtiquinun ti Avajvalune.

Levítico 25:18

C'otuc ta pasel avu'unic ti oy c'usi jbel tsots albil sc'oplale. Chanic ta spasel ti c'usi caloje. C'otuc ta pasel avu'unic yo' jech jun avo'ntonic ta xach'i xac'opojic ti ta lum taje.

Levítico 25:19

Jech ti banomile lec ta xac'be sat ti ts'unubile. Jun avo'ntonic xtoc ta xacuxiic yu'un, ja' to ti c'uxi ta x'ech' lec avo'ntonic ti ta xalo'beic ti sate.

Levítico 26:22

Ta xcac' taluc ta atojolic te'tical jti'oval chonetic ti ch'abal junuc anich'nabic ta xictaboxuc comel ta scoj ti ta sbal ta ti'ele. Ta sbal ta ti'el scotol ti achon abolomique. Ta xajutebajic batel ja' to ti c'uxi sts'ijlajan ta xcom ti be avu'unique.

Levítico 26:25

Ta xc'ot ta pasel cu'un ti ta xcac'oxuc ta milel ta junuc espada, spacol sutel ti mu xc'ot ta pasel avu'unic ti jtratee. Xabitetic batel ta anil, xba anac' abaic ta ateclumalic. Ja' no'ox un, ta xcac' taluc chameletic. Ta xa'ochic ta c'abal yu'un ti avajcontraique.

Levítico 26:7

Ta xjatav avu'unic ti avajcontraique. Jech ti stuquique, ta xlajic ta milel ta espada avu'unic.

Miqueas 4:4

Scotolic nom c'ot ti xi'el ta xa'iic ta xch'iel sc'opojelique; jujun tal xu' ta xcux yo'ntonic ta yolon yaxinal ti s'uvaique, ti yicuxique. Ti va'i s'elan taje, ja' ta xal ta ye ta sti' stuc ti Dios ti scotol xu' yu'une.

Sofonías 3:13

Ti c'u xa yepal cuxul com ti jteclum Israele, mi ja'uc xa ta xlic spasic ti c'usi mu'yuc smelole, mi ja'uc ta sjutic c'op, mi ja'uc xa oy ta ye ta sti'ic ta yalel ti c'usi ta soquesvane. Ta sta lec ti sve'el yuch'omique, mi ja'uc oy xi'el ta xa'iic ti ta xcux yo'ntonique.”

Hageo 2:9

Ti xcha'q'uexelal ti ch'ulna li'e, ja' x'ech' to spajeb yutsilal ta xc'ot, ja' mu sta ti ta ba'yele. Va'i un, ta xc'ot ta pasel cu'un ti ta xlamaj ti c'op li'e. Ti vu'un Diosun ti scotol xu' cu'une, mu me lo'iluc no'ox ta xcal.”

Zacarías 9:10

Ti stuque ja' ta slilinbe scarretatac ti Efraine, ti ca'etic yu'un ti jteclum Jerusalene, xchi'uc ti ac'ob-leto yolob yu'une. Yu'un ta scaj'al ti ta slamajes c'op yu'un ti muc'tiquil lume. Ta jujujot to nab, ta xc'ot yu'un ti ta xventainvane; ta xlic yu'un ta uc'um Eufrates, ti ta xc'ot ti bu xa c'alal jujuti' oy ti banomile.

San Juan 14:27

“Ta xcac' comel ta atojolic ti slamajemal o'ntonale. Mu xco'olaj xchi'uc jech c'u cha'al ta xaq'uic ti buch'u li' oyic ta banomile. Mu me xatsiq'ues avo'ntonic, mu xaxi'ic.

Hechos 12:6

Ti Herodese snopoj xa ox ti ta sva'an ta sba ta sat jteclum ta yoc'lomal ti Pedroe. Ti ta yac'ubalil taje, ti Pedroe chabibil lec ta cha'vo' soldado ta xvay ti chucul ta cha'bej cadenae xchi'uc oy yan soldadoetique xchabiojic lec sti' ti chuquinabe.

Romanos 5:1

Ti jech laj jtatic ti lec xij'ile yu'un Dios ta sventa ti c'ot ta o'ntonal ta xch'unele, jun co'ntontic xchi'uc ti Dios ta sventa ti Cajvaltic Jesucristoe.