Levítico 26:44 - Bible in Tzotzil de Chamula

⁴⁴ “Ac'o mi jech laj apasic ti va'i s'elan taj une, manchuc mi oyoxuc ta slumal ti avajcontraique, mu'yuc ta xajbajoxuc. Mi ja'uc ta xajtenoxuc. Mi ja'uc ta jtsutses ac'oplalic. Mi ja'uc ta jch'ay ta co'nton ti jtrate ti laj jpas xchi'uc ti amolmuc'totic ta vo'nee. Yu'un vu'un ti Ajvalil Diosun avu'unique.

Bible in Tzotzil de Chenalhó with Deuterocanon

⁴⁴ “Ac'o me jech chc'ot ta pasel, ac'o me te oyoxuc ta yosilal li avajcontraique, muc j'ech'eluc ta jipoxuc o ta co'nton, xchi'uc muc j'ech'eluc ta jbajoxuc o, mu'yuc ta xculesoxuc o ta jyalel, yu'un mu xcac' ch'ayuc c'usi la jchapan jchi'uc li amoltotic ta vo'one, vu'un li Muc'ul Diosun avu'unique.

Levítico 26:44 Iomraidhean Croise

Génesis 17:7

Ti jtrate ti ta jpas ta atojole xchi'uc ta stojol ti anitilultac ti ts'acal to ta xch'i xc'opojic talele, j'ech'el ta xic'ot ta Dios yu'unic, yu'un lic'ot ta Dios avu'un.

2 Reyes 13:23

Ja'uc ti Dios une toj abol sba laj yil. C'uxubaj yo'nton ta stojolic. Ta sventa ti spasoj strate xchi'uc ti Abrahame, ti Isaaque, ti Jacobe, lic yac' sjol ta stojolic. Mi ja'uc laj stubbe sts'unubalic. Mi ja'uc laj sten loq'uel ta stojol, ti ja' to jech mu'yuc tenvanem avi tana le'e.

Nehemías 9:17

Mi ja'uc sc'an xch'unic. Mi ja'uc laj svules ta sjolic ti c'usitic muc'tic laj apas ti laj avac' ta ilel ta stojolique. Mu xa'ibeic xchiquinal ti pimunebic ta j'ech'ele. C'ajomal no'ox laj sva'anic jun banquilal yu'unic yo' jech ta xcha'ic'atic sutel ta Egipto, yo' ta x'ochic ta mosovil. Ja'uc le' une, jch'ay mulil Dios, jun Diosot ti jun yutsil avo'ntone, ti oy sts'iquemal xcuchemal avu'une. Mu xana' xatenvan. Oy smuc'ul avo'nton. Oy syail xc'uxul avo'nton.

Nehemías 9:31

Manchuc mi jech un, ta sventa ti yepal no'ox ti syail xc'uxul avo'ntone, mu'yuc xatsutses ta j'ech'el scotolic. Mi ja'uc laj aten comel, yu'un Diosot ti oy sts'iquemal xcuchemal avu'une.

Salmos 103:13

Jech stalel ma' ti Dios ta stojol ti buch'utic ta xich'ic ta muq'ue, co'ol s'elan jech c'u cha'al junuc totil ti oy sts'iquemal xcuchemal yu'un ta stojol ti xnich'nabe.

Salmos 89:33

Le' une, mu xquicta jba ta xc'uxubinel ti Davide. Mu sbauc no'ox que ti jun co'nton ta stojole.

Salmos 94:14

Ti Ajvalil une mu sjip sten comel ti steclumale, mi ja'uc ta scomtsan stuc ti yu'untaque.

Jeremías 14:21

Ta sventauc ti alequilal avutsilal une, mu xajip xatenuncutic un. Mu xaq'uel no'ox ti jteclum ti c'otem ta yutsil ta apasob mantale. Vuleso ta ajol ti atrate laj apas ta jtojolcutique, c'otuc ta pasel un.

Jeremías 24:5

“Ti vu'un Ajvalilune, Diosun yu'un ti Israele, xi ta xcal ava'ie: Jech c'u cha'al jun lequil sat icux ta xquil steclumal ti Judae, ti laj cal mantal ti bec'bil loq'uicuc ti bat c'alal to muc' ta lum yu'un ti caldeoetique. Staojic ti lec xquilique.

Jeremías 30:11

Ti vu'un Diosune, mu stselbuj ti jc'op ti li' oyun ta spojelote. Ta jtubbe sc'oplal scotol ti muc'tiquil lumetic bu tan puc labatic cu'une. Ja'uc ti vo'ote, mu'yuc ta jtub ac'oplal. C'ajomal no'ox ta jtsitsot ava'i ti xi s'elan loc' ta sa'el avu'une: laj ta alel ma' ti mu'yuc atsitsele.”

Jeremías 31:20

“Steclumal ti Efraine, ja' jun jnich'on ta xca'i ti c'ux ta co'ntone, nich'onil ti jelavem xc'uxubinel cu'une. C'alal ta jajantae, mu ono'ox tenbaj ta xca'i, ta ono'ox jvul co'nton yu'un. Ta xca'i ti mu'yuc spajeb ti xc'uxul co'nton ta stojole. Ti vu'un Diosune, mu lo'iluc no'ox ta xcal.

Jeremías 33:26

J'ech'el un, mu jip jten snitilultac ti Jacobe, xchi'uc snitilultac ti cajtunel Davide. Staoj yav ta jva'an ta ajvalil junuc yo' ta sventain snitilultac ti Abrahame, ti Isaaque, ti Jacobe. Ta jc'uxubinic, ta xc'ot ta pasel cu'un ta jeltabe ti yorailique.”

Ezequiel 16:60

Ti vu'une, bejel ta jol ti trate laj jpas ta atojol c'alal atsebal to oxe. Ti trate laj jpas ta atojol un, j'ech'el ta xcom o.

Levítico 26:11

“Yu'un ta xajchi'inoxuc ta naclej, mi ja'uc xajtenoxuc.

Romanos 11:2

Ti israeletique, ta sliquebal no'ox, biseic talel yu'un Dios ta steclumal. Mu'yuc sjipoj stenoj avi tanae. ¿Mi mu xana'ic ya'yel ti xi laj stic'be smul israeletic ti j'alc'op Elías c'alal c'opoj ti'in ta stojol ti Diose?

Romanos 11:26

C'alal jech ta xc'ot ta pasel taje, scotol israeletic ta staic ti scolelic jech c'u cha'al ti xi ta xal ti ch'ul c'ope: “Ti Jpojvaneje ta xlic talel ta Sión, ta xch'aybe smul ti israeletique.

Jueces 2:1

Ti yaj'ánjel Diose loc' batel ta Gilgal, bat ta Boquim, ti xi laj yalbe ya'iic ti israeletique: “Laj jloq'uesoxuc talel ta Egipto. Laj quic'oxuc talel ta banomil li'e, ti calojbe ono'ox ya'iic sc'oplal ti amolmuc'totic ti xichie: ‘Mu xch'ay ta be cu'un ti jtrate ti laj cac' ta atojolique.