Levítico 26:43 - Bible in Tzotzil de Chamula

⁴³ ti ja' to jech xocol xc'ot avu'unic ti laloq'uic batele, ti xcuxet xa xa'i ta xcux ti c'alal ch'abal xa nacaloxuque. Yu'un ta xatojic lec ti c'usi chopol laj apasique. Yu'un laj abajic ti c'usi caloje. Mu'yuc laj avaq'uic ta venta ti oy c'usi jbel tsots albil cu'une.

Bible in Tzotzil de Chenalhó with Deuterocanon

⁴³ ja' ti bu xocol icom avu'unique, jech te to chcux li avosilic c'alal mu'yuc te nacaloxuque. Ja' jech chatoj amulic ta scoj ti mu'yuc tsots sc'oplal laj ava'yic li c'usitic calojboxuque, xchi'uc ti laj abajic li mantaletic cu'une.

Levítico 26:43 Iomraidhean Croise

2 Crónicas 33:12

Ja'uc le' une, c'alal yacal xa ta xich' ti svocole, xvocolet liquel ta stojol ti Ajvalil Dios yu'une. Biq'uit xa laj yac' sba ta stojol Dios yu'un ti smolmuc'totaque.

2 Crónicas 36:21

C'ot ta pasel un ti c'u s'elan yaloj ti Dios ta sventa ti j'alc'ope, ti ta sta ti mu'yuc c'usi sna' ta xcux ti banomile, ti mu'yuc stijel ta c'op lilijem ta xcome, ja' to mi x'ech' xa ox ti lajuneb xchanvinic (70) jabile.

Job 5:17

Xmuyubaj no'ox ti buch'u ta xtojobtasat yu'un ti Diose; mu xabaj ti tojobtasel yu'un Dios ti scotol xu' yu'une.

Salmos 119:67

C'alal mu'yuc to ox ta jbic'tajes jbae, ep ti bu mu lecuc bat cu'une, tana un, ta jch'un ti ac'ope.

Salmos 119:71

Toj lec c'ot ta jtojol yu'un ti jech lic jbic'tajes jbae, ja' lic jchan ti c'usitic ta sc'an ti oy c'usitic jbel albil avu'une.

Salmos 119:75

Cajval, jna' lec ti tuc' scotol ti c'usitic nopbil avu'une, ti oy smelol ti c'alal ta xavac'bun quich' ti jvocole.

Salmos 50:15

Taun ta c'oponel ta ti'inel ti c'alal oy c'usi chopol ta xc'ot ta atojole, ta jtic' jba ta apojel, ja' to jech ta xlic alequil c'optaun.”

Salmos 50:17

ti mu lecuc ta xava'i ti ta jtojobtasote, mi ja'uc xavac' ta venta ti jc'ope?

Isaías 26:16

C'alal yacal ti ilbajinele, laj jsa'otcutic, Cajval, ti laj atojobtasuncutique, naca ta uni coscos c'op no'ox.

Jeremías 31:19

Oy bu laj jch'ac jba ta atojol, tana li' une, laj jna' jba sutel tal. Laj ca'i jba ti oy jmule, utsuc xa jt'en jba ta majel, ti spajeb nijil chimil licom ta q'uexlal apun ta scoj ti jmul jcolo' lic talel ta jch'iebale.’

Daniel 9:14

Jech o xal un, Dios, laj achapan ti laj atac talel ta jtojolcutic ti c'usi chopole. Yu'un ti vo'ote, Cajval, ti Diosot cu'uncutique, yu'un tuc' scotol ti c'usi ta xapase. Ja' no'ox un, ti vu'uncutique mu'yuc xloc' x'ayan ta co'ntoncutic ta xchiquintabelot ti ac'ope.

Levítico 26:11

“Yu'un ta xajchi'inoxuc ta naclej, mi ja'uc xajtenoxuc.

Levítico 26:15

ti mu tsotsuc sc'oplal ta xava'iique, ti ja' no'ox ta xabajic ti c'usi oy jbel tsots albil sc'oplale xchi'uc ti nopbil cu'une, ti mu xc'ot ta pasel junuc ti jmantaltaque, ti mu xavaq'uic ta venta ti jtratee,

Levítico 26:30

Ta jlilinbe xch'ulnaic ti meltsanbil adiosique. Ta jpas ta cha'jav yaltaril ti xchic'obil pome. Chamemoxuc ta jbusanoxuc jmoj xchi'uc ti avajdiosic ti mu'yuc cuxule. Ta xcac' ta ilel ti bajbiloxuc cu'une.

Levítico 26:41

jech ti vu'un ec une, ta xicap avu'unic. Ta jtacoxuc batel ta slumal ti avajcontraique. Ti chopol snopbenal avu'unic ti oy c'usi laj avich'ic ta muq'ue, ja' to jech ta x'och ta be. Ta xavich'beic lec stojol ti amulique.

Amós 5:10

Mu xa ono'ox cha'belucoxuc un, ti xti'et ajolic yu'un ti buch'u ta spacbe sc'oplal ti oy c'usi lec ta xich' chapele, ti ta xachopol-c'optaic ti lequil rexticoe.

Zacarías 11:8

Ta jun no'ox u, laj jtuch'be yabtel oxib j'il-chijetic ta scoj ti xcapet no'ox sjolic ta jtojole, yu'un laj ti sts'iquemal xcuchemal cu'une.

San Juan 7:7

Yu'un ti buch'utic co'ol avo'ntonic xchi'uque, mu'yuc xti'et sjolic ta atojolic. Ja'uc ti vu'une ta xiscontrainicun, ja' ti jamal ta xcalbe ya'iic ti c'usi chopol ta spasique.

Romanos 8:7

Ti buch'u ta stalel stuc ta snopilan ti c'usi ta spasique, ta xc'otic ta yajcontra ti Diose, yu'un mu sc'an ta xich'ic ta muc' ti oy c'usi tsots sc'oplal albil yu'un ti Diose, mu ja'uc xtojobic ta xch'unel.

Deuteronomio 32:36

“Ti Diose ta xloc' talel ta spojel ti slumal ti c'alal ta xil ti mu'yuc xa ti yipal yu'unique. Yu'un ti Diose ta xlic xc'uxubaj yo'nton yu'un ti yajtuneltac ti c'alal ta xil ti mu ja'uc xa junuc ta xcom ti buch'u tsotsique, ti mu ja'uc xa junuc ta xcom ti buch'u ch'abal ti yipic ono'oxe.