Levítico 26:42 - Bible in Tzotzil de Chamula

⁴² Va'i unbi, ta jvules ta jol ti jtrate ti laj jpas xchi'uc ti Jacobe, xchi'uc ti Isaaque, xchi'uc ti Abrahame. Jech xtoc ta jvules ta co'nton ti banomile

Bible in Tzotzil de Chenalhó with Deuterocanon

⁴² Jech chlic t'abuc ta co'nton li c'usi jchapanoj jchi'uc Jacob, jchi'uc Isaac, jchi'uc Abrahame. Xchi'uc chlic t'abuc ta co'nton noxtoc li banamil bu cac'ojboxuque,

Levítico 26:42 Iomraidhean Croise

Génesis 15:18

Ti jech c'ac'al taje, ja' o ti Diose laj yac' strate xchi'uc ti Abram ti xi laj yalbee: —Ti banomil li'e, ja' ta xcac'be ti anitilultaque. Ta xlic ta yuc'umal Egipto, ta x'ech' ta muc' ta uc'um yoc ti uc'um Eufratese.

Génesis 26:2

Ti bu taje, laj svinajes sba ti Dios ta stojolale, ti xi albate: “Mu xabat ta lum Egipto, ta xcom naclan ti bu ta xlic cac'bot avile.

Génesis 26:24

Ta yac'ubalil taje, laj yac' sba iluc ti Dios ta stojolale, ti xi albate: “Diosun yu'un ti atot Abrahame. Mu xaxi', yu'un li' jchi'inojote. Ta sventa ti cajtunel Abrahame, ta jva'an jba ta atojolal, yu'un ta xcac' epajuc ti anitilultaque.”

Génesis 26:5

Yu'un ti Abrahame laj xch'unbun, jech c'ot ta pasel yu'un ti c'u s'elan laj calbe ya'ie, ti jmantaltaque, ti oy c'usi tsots albil sc'oplale, ti c'u s'elan laj jchanubtase.”

Génesis 28:13

Ja' jech xtoc laj yil va'al ti Dios ta sts'ele, ti xi albate: “Vu'un ti Ajvalilune, Dios yu'un ti amuc'tot Abrahame xchi'uc ti atot Isaaque. Ti vo'ote xchi'uc ti anitilultaque, ta xcac'boxuc ti banomil bu puch'ulote.

Génesis 28:15

Li' jchi'inojote. Ta jchabiot ti buyuc no'ox ta xabate. Ta xcac' sutan batel ta banomil ti bu lalic talele. Ta xc'ot ta pasel cu'un jech c'u cha'al ta xcalbote. Mu xa xquictaot comel.”

Génesis 35:11

xi albate: “Vu'un Diosun ti scotol xu' cu'une; ta xcac' epajuc anich'nabtac xchi'uc anitilultac. Ta aventa vo'ot ta xlic ayanuc muc' ta lum xchi'uc epal jteclumetic, ta sventa ti anitilultaque, ta xlic ayanuc talel ajvaliletic.

Génesis 35:12

Yu'un ti banomil laj cac'be yich' ti Abrahame xchi'uc ti Isaaque, ta xcac'bot avich' ec. Ts'acal to un, ta xcac'be yich' ec ti anitilultaque.”

Génesis 9:15

Va'i un, ja' to jech ta jvules ta jol ti jtrate laj jpas ta atojolique, xchi'uc ta stojol scotol ti chon bolometique. Ja' yu'un un, mu xa xtal yan velta nojel ta vo' ta stub ti ats'unubalique.

Génesis 9:16

C'alal ta xquil oy ta toc ti jvacnac'obale, ta jna' ta j'ech'el ti cac'oj lec jtrate ta stojol scotol ti jnaclejetique, xchi'uc ta stojol scotol ti chon bolometic oyic ta sjoylej banomile.

Ester 4:14

Mi xach'ayet no'ox avi tanae, mi mu'yuc c'usi ta xavale, oy nan bu ta xlic talel spojel scoltaelic ti judíoetic ta yane. Albo xa no'ox ava'i avo'nton ti ta xacham xchi'uc ti yuts' yalal ti atote. ¡Ti lac'ot ta me' ajvalile, yic'al nan ti ja' c'ot ta pasel ta xacoltauncutic ti vi s'elan chapal jc'oplalcutique!”

Salmos 106:45

laj svules ta sjol ti strate spasoj ta stojolique. Laj sjel ti c'u s'elan snopoj oxe, yu'un xi s'elan yepal ta j'ech'el ti syail xc'uxul yo'ntone:

Salmos 136:23

Colaval, utic ti Buch'u ta xisvulesotic ta yo'nton c'alal mu xa xnel x'ech' ca'itic ti vocole, yu'un sbatel osil oy syail xc'uxul yo'nton.

Éxodo 2:24

Lic chapanbaticuc ti svocolique. Laj svules ta yo'nton ti strate laj spas xchi'uc ti Abrahame, ti Isaaque, ti Jacobe.

Éxodo 6:5

Avi tana une, quiloj xa ti oyic ta vocol ti israeletique. Yu'un tsots ta sujatic ta abtel yu'un ti egipcioetique. Ja' yu'un un, t'ab ta co'nton ti jtratee.

Isaías 14:1

Jech, ti Diose c'ux ta xa'i ti Jacobe. Ta ach' ta xlic st'uj Israel yo' ta xc'ot ta yu'untac ti ta xc'ot ta pasel ta xic' sutel talel ti ta xnaquiic yu'un ta sbanomilic yan veltae. Ta xnopajic talel ti jyanlumetic ta stojolic ti ta svol sbaic xchi'uc slumal ti Jacobe.

Ezequiel 16:60

Ti vu'une, bejel ta jol ti trate laj jpas ta atojol c'alal atsebal to oxe. Ti trate laj jpas ta atojol un, j'ech'el ta xcom o.

Joel 2:18

Jech o xal un, ti Diose laj yac' iluc ti syail xc'uxul yo'nton ta stojol ti slumale, yu'un c'uxubaj yo'nton yu'un ti steclumale.

San Lucas 1:72

Ti oy ono'ox syail xc'uxul yo'nton ta stojol ti jmolmuc'totique, mu'yuc laj xch'ay ta yo'nton ti xch'ul trate laj spase.

Deuteronomio 4:31

ja'uc ti stuc une, ti jech mu albajuc ti yutsil slequil yo'ntone, mi ja'uc xastenoxuc comel. Mi ja'uc ti ta xastsutsesoxuc ta j'ech'ele. Mi ja'uc ta xch'ay ta yo'nton ti strate laj spas xchi'uc ti amolmuc'totic ti laj ech'icuc ta vo'nee, ti laj sva'an sba ta yalel ti ta xc'ot ta pasel yu'une.

Deuteronomio 9:27

Vuleso ta avo'nton ti avajtuneltac Abrahame, ti Isaaque, xchi'uc ti Jacobe. Mu xavac' ta avo'nton spochanilic ti jteclum li'e, mi ja'uc ti xchopolalique, ti smulique,

Jueces 2:1

Ti yaj'ánjel Diose loc' batel ta Gilgal, bat ta Boquim, ti xi laj yalbe ya'iic ti israeletique: “Laj jloq'uesoxuc talel ta Egipto. Laj quic'oxuc talel ta banomil li'e, ti calojbe ono'ox ya'iic sc'oplal ti amolmuc'totic ti xichie: ‘Mu xch'ay ta be cu'un ti jtrate ti laj cac' ta atojolique.