Levítico 26:41 - Bible in Tzotzil de Chamula

⁴¹ jech ti vu'un ec une, ta xicap avu'unic. Ta jtacoxuc batel ta slumal ti avajcontraique. Ti chopol snopbenal avu'unic ti oy c'usi laj avich'ic ta muq'ue, ja' to jech ta x'och ta be. Ta xavich'beic lec stojol ti amulique.

Bible in Tzotzil de Chenalhó with Deuterocanon

⁴¹ ti jech lic jcontrainoxuc eq'ue, ti laj quic'oxuc batel ta yosilal li avajcontraique, ja' svinajeb ti chasutes avo'ntonique, ti chavotquin li amulique.

Levítico 26:41 Iomraidhean Croise

1 Reyes 21:29

“¿Mi laj xa avil ti Acab ti biq'uit yac'oj sba ta jtojole? Ti jech biq'uit yac'oj sba ta jtojole, mu'yuc ta xcac'be svocol ti li' to cuxule, ja' xa smacoj ta xc'ot ti xnich'nabe.”

2 Crónicas 12:12

Ti jech laj sbic'tajes sba ti Roboam une, lamaj sc'ac'al yo'nton ti Dios ta stojole. Mu'yuc xtubbat sc'oplal ta j'ech'el. Manchuc mi jech un, ta Judá une, oy c'usitic lec ta xc'ot ta pasel ta j'ech'el.

2 Crónicas 32:26

Manchuc mi jech ti toyobba une, ti Ezequiase laj sbic'tajes sba ta stojol ti Diose. Jech laj spasic ec ti jnaclejetic yu'un Jerusalene. Jech mu'yuc laj sloq'ues sc'ac'al yo'nton ti Dios ta stojolic ti c'alal cuxul to ox ti Ezequiase.

2 Crónicas 33:19

Ti c'u s'elan tac'bat talel yu'un Dios ti c'alal laj sta ta c'oponele, scotol ya'yejal ti smul ti c'alal yanijem ti yo'ntone, ti laj smeltsanan ti ch'ulnaetic ti ma'uc ta sventa ti Diose, ti bu laj sva'anan sloc'obbail ti Aserae, xchi'uc ti yan meltsanbil diosetic ti c'alal mu'yuc to ta sbic'tajes sba ta stojol ti Diose, ts'ibabil com ta slo'il ya'yej ti j'alc'opetic yu'une.

2 Crónicas 33:23

Ja'uc le' une, mu'yuc laj sbic'tajes sba jech c'u cha'al laj spas ti Manasés ti ja' stote. C'ajomal no'ox lic sbusanbe sba ti svocole.

Esdras 9:13

“Ti jech c'ot xa ta pasele, yu'un ta scoj scotol ti c'usitic laj c'otuc ta jtojolcutic yu'un ti jtoyobbailcutique, xchi'uc ti jmul jcolo'cutique, lic vinajuc un, mu ta jloq'ueluc avo'nton laj atsutsesuncutic ti c'u s'elan xu' sta ta xquich'cutic ta scoj ti jmulcutique, yu'un laj quilcutic ti laj jta ti jcolelcutic avu'une.

Esdras 9:15

“Cajval, Dios yu'un Israel, laj avac' ta q'uelel yutsil avo'nton ta jtojolcutic. Yu'un laj avac' ave ati' ti oy to jvoc' cuxul licomcutic jech c'u cha'al ta xvinaj li'e. Ti vu'uncutique, bats'i ech'em jsa'muliluncutic ta aba ta sat. Jech o xal mu xu' ta jva'an jbacutic ta atojol.”

Nehemías 9:33

Ti le' une, mi juteb ja' amul scotol ti c'usi laj c'otuc ta jtojolcutique. Ti c'usi laj apase, ta stuq'uil avo'nton. Ti vu'uncutique, chopol ti c'usi laj xa jpascutique.

Salmos 39:9

“Co'ol s'elan uma' laj jpas jba, mu'yuc c'usi loc' ta que ta jti', yu'un yacalot ta spasel ti c'usi lec ta xavile.

Éxodo 10:3

Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie: —Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'.

Jeremías 4:4

Jnaclejetic yu'un jteclum Judá, xchi'uc jteclum Jerusalén, ich'ic ti circuncísione, ojtiquinicun ti vu'un Ajvalilune. C'otuc ta avo'ntonic senyail ti jtratee, naca me ta scojuc achopolalic ta xlic tiluc ti sc'ac'al co'nton jech c'u cha'al junuc c'oc' ta xtile, ti xvo'o'et no'ox liquel ti mu'yuc buch'u xu' ta xtub yu'une.

Jeremías 6:10

Ti vu'une xichi laj jtac'bee: “¿Mi yu'un oy buch'u sc'an ta xa'i mi ta jlo'iltabeic ti a'yej taje? Mu xa'iic un, Cajval, yu'un macal ta j'ech'el ti xchiquinique. C'ajomal no'ox ta xlabajic xchi'uquic ti ac'ope. Mi ja'uc oy stu ta xa'iic.

Ezequiel 14:23

Yu'un xlaet to ta xava'iic ti c'alal ta xavilic ti c'u s'elan stamojic batele, ti c'u s'elan laj spasique. Va'i un, ja' to tey ta xvul ta avo'ntonic ti mu ta jeche'uc no'ox c'ot ta pasel cu'un scotol ti c'u s'elan laj jpas ta stojol ti Jerusalene. Ti vu'un Ajvalilune, mu me lo'iluc no'ox ta xcal.”

Ezequiel 20:43

Ti bu taje, ta xvul liquel ta avo'ntonic scotol ti c'usitic laj apasic ti laj asoques abaic yu'une, xchi'uc mu xal avo'ntonic yu'un ta spasel ti c'usitic mu albajuc xchopolal laj apasic talele.

Ezequiel 44:7

Yu'un aq'uelojic no'ox ta xasoquesic ti jch'ulnae, ti ta x'ochic batel avu'unic ta yac'belun xepu', ch'ich' ti jyanlumetique, jnaclejetic ti mu'yuc yich'oj senyail jtrate ta snopbenal, ta sbec'talic. Ta xavalopatinic ti jtrate ta scoj ti mu stac' albel sc'oplal ti c'usitic ta xapasique,

Ezequiel 44:9

“Jech o xal xi ta xcal ti vu'un Ajvalilune: J'ech'el mu stac' x'och ta jch'ulna jyanlum, mi mu'yuc c'otem ta snopbenal, ta sbec'talic senyail ti jtratee, mi junuc jyanlum manchuc mi capal ta naclej xchi'uc ti israeletique.

Ezequiel 6:9

Ti jech oyic xa ta yan muc'tiquil lum ti buch'u cuxul ta xcome, ta svulesicun ta yo'nton. Ta svules ta yo'ntonic ti c'u s'elan laj cac'be yich' ti svocolic ti mu junuc yo'nton laj sq'uej sbaic ta jtojol ta scoj ti laj snijan xchiman sba ta yich'el ta muc' ti loc'obbailetique. Ta xlic sna'le sba stuquic ti c'usi chopol laj xa spasique, xchi'uc scotol ti mu albajuc stac' alel c'usi laj spasique.

Levítico 26:24

jech ti vu'un eque, ta soc co'nton avu'unic, x'ech' to vucub velta ta xcac'boxuc tsitsel yu'un ti amulique.

Levítico 26:28

jech ti vu'un eque, ta soc co'nton avu'unic. Ta soquemal xa co'nton, x'ech' to vucub velta ta xcac'boxuc tsitsel yu'un ti amulique.

Números 5:7

Ja' yu'un un, tsots sc'oplal, ac'o ya'i sba. Ma'uc no'ox taje, ac'o stojbe sutel ti buch'u oy c'usi laj soquesbe ta sts'i'le'ele. Yu'un ja' jech yepal ta stoj ti c'u yepal laj soques ta sts'i'le'ele, xchi'uc ta to xac' jch'ac ta vo'ch'ac ti c'u yepale.

San Mateo 23:12

Ja'uc ti buch'u xcajet xtoyet xa'i sbae, ta spec'tsanbat sc'oplal. Yan ti buch'u biq'uit yac'oj sbae, cajal sc'oplal ta xc'ot.

San Lucas 14:11

Ti buch'u ta xac' sba ta ich'el ta muq'ue, ta xpec'tsanbat sc'oplal. Ja'uc ti buch'u biq'uit ta xac' sbae, ta xtoyesbat sc'oplal.

San Lucas 18:14

Melel ta xcalboxuc ava'iic, c'alal sut batel ta sna ti jc'an-patan-taq'uine, lec xa x'ilat yu'un ti Diose. Ja'uc ti fariseoe mu'yuc bu laj sta ti lec x'ilat yu'un ti Diose. Yu'un ti buch'u cajal ta xac' sbae, ta spec'tsanat. Ti buch'u biq'uit ta xac' sbae, ta x'aq'ue ta ich'el ta muc'.

Hechos 7:51

Xi to laj yalilan ti Estebane: —Ja'uc ti vo'oxuque staoj yav mu'yuc ach'ulelic, mu xava'ibeic xchiquinal, pucujineb ti avo'ntonique. Avac'ojbeic yipal ta scontrainel ti Ch'ul Espíritu jech c'u cha'al laj spasic ti jmolmuc'totique.

Gálatas 5:6

Yu'un ta stojol ti Cristo Jesuse, ma'uc tsots sc'oplal mi ich'bil circuncisión, mi mu'yuc. Ti tsots sc'oplale, c'otuc ta o'ntonal ta xch'unel ti Cajvaltique, ti vinajuc oyuc ti syail xc'uxul o'ntonal ta sventa ti yacal ta x'abtej ti oy c'usi c'otem ta o'ntonal ta xch'unele.

Deuteronomio 10:16

“Bejeluc c'otuc lec ta avo'ntonic svinajeb ti tratee. Mu me staojuc yav xacomic ti mu xava'iic ti sni' xchiquinale.

Deuteronomio 30:6

Yu'un ta stec'an ti trate ta avo'ntonique xchi'uc ta yo'ntonic ti avalab anich'nabique yo' jech c'ux ta xava'iic ta sjunul avo'ntonic, ta sjunul ach'ulelic ti Diose, yo' jech ta xc'ot ta pasel ti oy acuxlejalique.

Deuteronomio 31:21

Ja'uc le' une, c'alal lamal ta xc'ot ta sbaic ti mu albajuc ti vocole, ti ilbajinele, va'i un, ti q'uejimol une, ta xc'ot ta pasel ti ja' sc'oplal stuquic ti c'usi ta xale. Yu'un ti snitilulique ta svules ta sjolic, ta sq'uejintaic. Yu'un ti c'alal mu to ta x'ochic ta banomil ti caloj ta xcac'beique, jq'ueloj xa ono'ox ti c'usi ta snopique.”

Filipenses 3:3

Yu'un ti buch'utic yich'ojic ti bats'i circuncisione, ja' ti vo'otique. Yu'un ta xquich'tic ta muc' ti Dios ta yutil co'ntontic ta sventa ti Ch'ul Espíritue. Xijmuyubajotic ti jech oyotic ta stojol ti Cajvaltic Jesucristoe. Yu'un ma'uc ta jpat co'ntontic ti lec oyotic ta sventa ti c'usi ta xich' pasel ta spat xocon no'oxe.

Colosenses 2:11

Ti jech junoxuc xchi'uc ti Cristoe, avich'ojic c'ot ti circuncisione, ti mu xco'olaj xchi'uc jech c'u cha'al ta xich' setel ti abec'tal atacopalique. Ti circuncisión laj avich'ique, lac'otic ta pojel colel yu'un ti amulique xchi'uc ti c'usi mu'yuc smelol ta xapasique, ti ja' sbainoj c'ot ti Cristoe.