Levítico 26:39 - Bible in Tzotzil de Chamula

³⁹ Mu xa no'ox cha'bel ta j'ech'el, ti buch'u cuxul ta xcom ta yosilal ti scontrae. Ta xcham ta j'ech'el ta scoj ti xchopolale ¡Yu'un jmoj ta xchamic xchi'uc ti stot sme'ic ta scoj ti oy xchopolalique!

Bible in Tzotzil de Chenalhó with Deuterocanon

³⁹ Li boch'o cuxul to chcom avu'unic te ta yosilal avajcontraique, te xa no'ox ta xchamic ta scoj li smulique. ¡Ta scoj xa no'ox smul stotic co'ol chcham xchi'uquic!

Levítico 26:39 Iomraidhean Croise

2 Crónicas 34:24

Xichi ta xcal ti vu'un Diosune: Ta xcac' taluc vocol ma' ti ta jteclum li'e, ta stojol ti jnaclejetic yu'une jech c'u cha'al ti bac vocoletic ts'ibabil ta jpoc svunal laj yich' avtael ta stojol ti ajvalil yu'un Judae.

Esdras 9:7

Jech staoj o yav ti mu x'ech' xjelav oyuncutic ta mulile, ti vo'ne xa sliquel talele. Ta scoj ti jelavem ti jtoyobbailcutique, co'oluncutic xchi'uc ti ajvaliletic cu'uncutique, ti paleetique, li'aq'uecutic ta yoc ta sc'ob ti yan ajvaliletic yu'un ti muc' ta lumetique. Laj jtacutic yayijesel. Bec'bil liloc'cutic batel. Lipojbatcutic ti c'usitic oy cu'uncutique. Ilbajinbiluncutic ti jech to oyuncutic tanae.

Nehemías 1:9

Yan mi ta jcha'naban jbacutic ta atojole, mi ta xc'ot ta pasel cu'uncutic ti amantaltaque, mi ta xlic cabtelancutic ta spasel ti c'usi ta xale, manchuc mi tanijemuncutic xa batel ta spajeb ti banomile, ta xbat atsobuncutic talel c'alal to ti bu taje. Ta xlic acha'ic'uncutic sutel ta ch'ul banomil ti bu laj at'uj ta sventa avich'el ta muq'ue.

Éxodo 20:5

Mu xanijan xachiman aba ta stojolic. Mi ja'uc xamuyubta ta yich'el ta muc', yu'un vu'un ti Ajvalil Diosun avu'unique. Yu'un ti jech Diosune, mu lecuc ta xca'i ti buch'u ta spec'tsanbun jc'oplal ta yich'el ta muc' ti yane. Ta jtsitsic ya'i ta scoj smulic ti totil me'iletic ti xti'et xcapet sjolic ta jtojole, ti ta staic ta maquiel ti yalab xnich'nabique, ti smomique, ti syialmomique.

Éxodo 34:7

Yu'un sbatel osil staoj yav ta xcac' ta ilel ti syail xc'uxul co'ntone. Ta jch'ay ti toyobbail yu'un ti mulil colo'ile. Ja' no'ox un, mu teyuc no'ox jq'ueloj ti buch'u jech ono'ox ti smule. Yu'un ta ono'ox cac'be stoj xtoc ti c'usi chopol ta spasic ti totil me'iletique, ti c'usi ta spasic ti alab nich'nabiletique, ti momiletique, xnich'nab ti momiletique, xchi'uc smom ti momiletique.

Isaías 14:21

Chapano abaic ta smilbel ti xnich'nabique ta scoj milvanic ti stotique, yo' jech mu teyuc no'ox ta yo'ntonic ta yu'ninel ti banomile, ta snojesel ta banomil ti jteclumetique.”

Isaías 24:16

Ta jot to xchiquin banomil, ta xca'itic ti oy buch'u xi ta xq'uejintae: “Ich'biluc ta muc' ti buch'u xa'ibe ti sni' xchiquinale.” Ja'uc le' une xichi laj cale: Mu xa ono'ox cha'bel un, mu cha'bel ti ch'abal ti jlequil cutsilale. Ti jpayvanejetique mu'yuc xch'ulelic ta x'ac'vanic ta milel.

Jeremías 29:12

Ti vo'oxuc une, xavocoletic liquel ta jtojol, xac'opoj xati'inic xa, ta xca'iboxuc un.

Jeremías 3:25

Nijanun chimanuncutic, yu'un q'uexlal sba vinaj ti bu xa c'alal ti jtoyobbailcutique. Ta jbic'talcutic ono'ox, jech o j'elancutic talel ti laj jsa'ilan ti jmulcutic ta atojol ti vo'ot Ajvalil Diosot cu'uncutic ti mu'yuc laj jch'unbecutic ti c'usi ta xacane, jech c'u cha'al laj ech'uc ti jmolmuc'totcutic ta vo'nee.”

Jeremías 31:29

“C'alal mi c'ot yorail taje, laj to ta alel yu'unic ma' ti xi ta xalique: ‘Ti totil me'iletique naca pajal uva ta slo'ic. Ti ololetic eque ta stsiq'uesbat yeic yu'un ta j'ech'el.’

Lamentaciones 1:3

Ti xyaquet tsots ilbajinele, ti tsots ta x'aq'ue abtejuque, ta xich' svocol tana ti Judá ti bu mosovinbil une. Ti sbainoj to ox ta sventainel ti jteclumetic ta vo'nee, tana le' une, laj to c'op ma' ti ta xcux yo'ntone. Ti jnutsvanejetique loc'obinvanic, j'ech'el mu xcoltavanic.

Lamentaciones 4:9

Ti buch'u cham lajic ta letoe, ech' xa ti svocolique. Ti buch'u ta xchamic ta vi'nale, mu x'ech' ta xa'i ti svocolique, yu'un naca xcham ta scoj ti mu'yuc c'usi staic ta lajesel ti c'usi x'ayan ta banomile.

Ezequiel 18:19

“Xachi ta xajac'be abaic une: ‘¿C'u cha'al ti nich'onile, mu x'abolaj ta stojbel smul ti stote?’ Yu'un xi s'elan laj spas ti nich'onile: Laj spas ti c'usi leque, ti c'usi oy stuq'uile. Laj yabtelan, c'ot ta pasel yu'un scotol jech c'u cha'al ta xal ti oy c'usi jbel albile. Jech o xal j'ech'el ta xch'i xc'opoj un.

Ezequiel 20:43

Ti bu taje, ta xvul liquel ta avo'ntonic scotol ti c'usitic laj apasic ti laj asoques abaic yu'une, xchi'uc mu xal avo'ntonic yu'un ta spasel ti c'usitic mu albajuc xchopolal laj apasic talele.

Ezequiel 24:23

Oy no'ox sts'ot ti ajole. Alapoj no'ox ti axonobe. Nom to ta xc'ot ti me'unale, ti oq'uel avanele. Ta scoj ti mu stac' albel sc'oplal ti c'usi laj apasic une, ta xlaj yipal avu'unic, xaq'uel-q'uelbe aba asatic ta xcha'na'el un.

Ezequiel 33:10

“Yojtot, xi xavalbe ya'i ti jteclum Israele: ‘Ti vo'oxuque xachi ta xavalique: Ech'em jcuchoj jmultic. Mu lecuc bu laj jtamtic batel. Tana li' une, cuxul ta x'och jc'a'emaltic. ¿C'usi xu' ta jpastic yo' to ta xijcuxi?

Ezequiel 36:31

C'alal ta xavules ta ajolic c'u s'elan ti atalelique, ti c'usitic laj apasique, ta xlic ava'iic q'uexlal yu'un ti amulique, xchi'uc ti c'u s'elan ti atalelique.

Ezequiel 4:17

Ch'abal liquel ti vo'e, ti ve'lile. Batem xa xch'ulelic ta xi'el ti sq'uel-q'uelbe sba ti satique. Ta xtaqui lajic batel ta scoj ti smulique.”

Ezequiel 6:9

Ti jech oyic xa ta yan muc'tiquil lum ti buch'u cuxul ta xcome, ta svulesicun ta yo'nton. Ta svules ta yo'ntonic ti c'u s'elan laj cac'be yich' ti svocolic ti mu junuc yo'nton laj sq'uej sbaic ta jtojol ta scoj ti laj snijan xchiman sba ta yich'el ta muc' ti loc'obbailetique. Ta xlic sna'le sba stuquic ti c'usi chopol laj xa spasique, xchi'uc scotol ti mu albajuc stac' alel c'usi laj spasique.

Oseas 5:15

“Ta xisut batel ti bu ono'ox oyune, ja' to ti c'uxi ta xa'i sbaic ti oy smulique, ti ta xlic sa'icune. Yu'un ja' to ta xlic sa'icun ti c'alal x'oc' x'avanic yu'un ti svocole.”

Zacarías 10:9

Tan puc batic cu'un ta yan muc'tiquil lumetic. Manchuc mi jech un, ti c'alal nom xa oyique, tey ta xlic svulesicun ta yo'ntonic. Oy bu jun c'ac'al ti xvoletic no'ox sutel talel xchi'uc ti yalab xnich'nabique.

Números 14:18

ti mu xana' xacap ta anile, ti jelavem ti xc'uxul avo'ntone, ti xana' xatub ti toyobbaile, ti c'usi chopole, ac'o mi ta ono'ox xavac'be stoj ti buch'u chopole. Yu'un ta ono'ox xavac'be stoj smulic ti totil me'ile, ti ta sta ta maquiel xtoc ti nich'nabile, ti momiletique, ti yialmomiletique, ti smomic xtoc ti yialmomiletique.

Deuteronomio 28:65

Ti c'alal jech nacaloxuc ta muc' ta lumetic taje, ma'uc ma' ti mu junuc xa avo'ntonic ta xacuxe, ti mu'yuc xa c'usi xana'e. Oy no'ox xi'el ta xava'i ta avo'nton ta xac'bot ti Diose. Ta xvinaj ta asat ti at-o'ntone, ti oytic no'ox achamel xava'i abae.

Deuteronomio 30:1

“Laj xa jcaj'alboxuc ava'iic sc'oplal ti c'uxubinele, xchi'uc sc'oplal ti bac vocol ti laj cac' ana'ic snopel ta st'ujele. C'alal ta xvul ta loq'uel ta atojolic scotol ti va'i s'elan taje ti ta lumetic bu ta stenoxuc ech'el ti Ajvalil Dios avu'unique, ta xvul ta avo'ntonic ti laj cac' ana'ic snopel st'ujele.

Deuteronomio 5:9

Mu xaquejan abaic ta stojol. Mi ja'uc xamuyubtaic ta yich'el ta muc'. Yu'un vu'unun ti Ajvalil Dios avu'unique. Yu'un ti jech Diosune, mu jutebuc sts'ic cu'un ti buch'u ta xac' sba ta sc'ob ti yane, ti ta jtsits ti totil me'iletic ta scoj ti smulic ti xti'et sjolic ta jtojole, ti ta sta ta maquiel ti xnich'nabique, ti smomique, ti syialmomique.

Deuteronomio 8:20

Va'i un, ti Diose, ti c'u s'elan ta stubbe ech'el sc'oplal ti muc'tiquil lumetic ti ta xataic batel ti bu ta xa'ech'ique, ja' no'ox jech ta xavich'ic tsutsesel ta j'ech'el ec ta scoj ti laj abajic ti c'u s'elan ta xac' ana'ic ti Ajvalil Dios avu'unique.