Levítico 26:26 - Bible in Tzotzil de Chamula

²⁶ “C'alal ta jtubbe sc'oplal ti ave'el avuch'omique, lajunvo' antsetic ta sta'ajesic apanic ta jun no'ox horno. Ch'acbil pexbil ti ave'el avuch'omique, mi ja'uc xanojic yu'un.

Bible in Tzotzil de Chenalhó with Deuterocanon

²⁶ “C'alal ta xcules li ave'elic cac'ojboxuque, lajuneb antsetic ta spasic pan ta jun no'ox horno, jech chlic avoq'uilanbe abaic ti c'alal chave'ique, pero mu xnoj ach'utic o.

Levítico 26:26 Iomraidhean Croise

2 Reyes 6:25

Va'i un cha'e, lic ayanuc jun muc' ta vi'nal ta Samariae, ta scoj ti macbilic ta j'ech'el ti mu stac' xloq'uic ti jnaclejetique. C'ot ta pasel ti chanvinic (80) ta sep plata taq'uin stojol ti jbej sjol burroe. C'ot ta pasel ti vo'sep (5) plata taq'uin stojol ti jun varcha te' ti tso' paloma cheneq'ue.

Salmos 105:16

Lic vi'nal yu'un ta banomil taje; mu xa bu sta ti sve'elic yu'une.

Isaías 3:1

Q'uelo avilic lec un, ti Ajvalil ti scotol xu' yu'une, ta xch'ayboxuc sc'oplal ta Judá ta Jerusalén scotol ti ta xchonic ti c'usitic ta xtune, ta stubbe sc'oplal ti ve'liletique, ti vo'e.

Isaías 5:10

Ti vaquib ta litro yovolal sjamlej smacoj sbanomilal ti ts'unbil uvae, c'ajomal no'ox jun uni nene' barril ta xloc' ti vinoe. Ti lajunbej coxtal ts'unubile, c'ajomal no'ox uni jbej coxtal ta xloc' ti sat trigoe.”

Isaías 9:19

Ta scapemal sjol ti Dios ti scotol xu' yu'une, laj stiles ta c'oc ti muc' ta lume, mi ja'uc xa xc'uxubaj yo'nton ti vinic xchi'uc ti svinquilele.

Isaías 9:20

Ta jujun tal ta xlic yilbe sba ti svocolique, naca stsacanbe no'ox sbaic ti c'usi ta stun ta slajesique, staoj yav ta xa'iic ti vi'nale. Ta jujun tal ta sti'be sba ti xnich'onique.

Jeremías 14:12

Mi yepal no'ox ta xicta ti yotique, mu xca'ibe ti jech xvocoletique. Mi yepal no'ox ta xaq'uic ti chic'bil matanale, ti sat ts'unubaletique, j'ech'el mu lecuc ta xquil. Ta jtsutsesic ya'i ta leto, ta vi'nal, ta chamel.”

Ezequiel 14:13

“Mi ta sa' smul ta jtojol ti jun muc' ta lume, mi yan ti yo'nton ta xquile, ta jyales ti coc jc'ob ta stsitsele, ta ic' ta maj no'ox ta xbat cu'un ti c'usitic ta stun ta slajesique. Yu'un ta jtac talel vi'nal ta stojolic. Ta xcham xlajic cu'un ti jnaclejetique xchi'uc ti chon bolometique.

Ezequiel 4:10

Ti ave'el ta xatame, bisbil, jch'ac ta jujun c'ac'al ti loq'uem chanch'ac ta jun kiloe.

Ezequiel 4:16

Ts'acal un, xi laj yalbune: “Ta xcac' c'otuc ta pasel ta xjaltaj ti ve'lil li' ta Jerusalene. Ch'acbil ti ve'lile. Vul o'nton xa ti jnaclejetic ta slajes ti sve'elique. Ch'acbil ti vo' ta xuch'ic ti batem xa xch'ulelic ta xi'el xchi'uquic c'alal ta xuch'ique.

Ezequiel 4:17

Ch'abal liquel ti vo'e, ti ve'lile. Batem xa xch'ulelic ta xi'el ti sq'uel-q'uelbe sba ti satique. Ta xtaqui lajic batel ta scoj ti smulique.”

Ezequiel 5:16

Ta jtac talel vi'nal ta atojolic ti xmich'mun yipal ta j'ech'ele. Melel, ta jtac talel ta atojolic ta atsutseselic, vi'nal ti mu'yuc ta tael ti c'usitic stac' tunel lajesele.

Oseas 4:10

Yu'un ti jech loc' ayan ta yo'ntonic ti laj yicta sbaic ta tunel yu'un ti Diose, ac'o mi oy to c'usi ta staic ta lajesel, mu xa xnoj o xchi'uquic. Ac'o mi laj sa' yan yajvalic, mu xbol ti yalab xnich'nabique.

Levítico 26:27

“Mi staoj to yav atoyobbailic apimubelic yu'un ti jech ta xc'ot ta atojolic scotol ti va'i s'elan taje, ti ja' no'ox ta xasoquesbeicun ti co'ntone,

Miqueas 6:14

Ac'o mi xave' xavuch' xa vo', ja' no'ox un, mi ja'uc ta xnoj lec ti ach'ut yu'une, yu'un staoj yav xmich'mun ta xava'i ti vi'nale. Ac'o mi ta xatsobilan ti c'usitic ta xtun avu'une, mi ja'uc xapoj yu'un. Ti mi lapoj yu'un ti c'usitic oy avu'une, ta xc'ot ta pasel cu'un ti ta slilinic ti j'ac'-letoetique.

Hageo 1:6

Ti vo'oxuque, ep ti c'usitic ta xats'unique, c'u stu un, mu epuc ta xloc' c'alal ta xatsobique. Ac'o mi lec ta xave'ic, mu xanojic lec ta xava'iic. Ac'o mi lec ti c'usi ta xataic ta uch'ele, oy no'ox taqui ti'il ta xava'iic. Ac'o mi oy lec ti ac'u' apoq'uique, mu'yuc no'ox xq'uixnal ta xava'iic. Ja' jech xtoc ti buch'u ta sa' tojele, ta jatal coxtal ta stic' ti yuni tojol ta abtele.