Levítico 26:25 - Bible in Tzotzil de Chamula

²⁵ Ta xc'ot ta pasel cu'un ti ta xcac'oxuc ta milel ta junuc espada, spacol sutel ti mu xc'ot ta pasel avu'unic ti jtratee. Xabitetic batel ta anil, xba anac' abaic ta ateclumalic. Ja' no'ox un, ta xcac' taluc chameletic. Ta xa'ochic ta c'abal yu'un ti avajcontraique.

Bible in Tzotzil de Chenalhó with Deuterocanon

²⁵ Ta jtac tal boch'otic chasmiloxuc; ja' spacol ta sventa ti mu xach'unic li c'usi chapanbil cu'une. Ac'o me chbat anac' abaic ta lumetic avu'unic, pero ta jtac tal chamel ta atojolic; xchi'uc chacac'oxuc o ta sc'ob li avajcontraique.

Levítico 26:25 Iomraidhean Croise

2 Samuel 24:15

Va'i un, ti Diose laj stac talel chamel ta stojolic ti Israele, ti lic no'ox ta sacubele, ja' to ti c'uxi c'ot ti bu c'alal albil ti sc'oplale. Lic talel ta Dan ti c'ot c'alal to ta Beersebae, ti chamic lajuneb xchanvinic ta mil (70,000) ta vo' ti jnaclejetique.

1 Reyes 8:33

“C'alal mi tsalbil ta xc'ot yu'un yajcontra ti ateclumal Israele, ti ta scoj ti laj sta smul ta atojole, mi ta xlic ya'i sba ti bu mu lecuc bat yu'une, ti ta xlic slequil-c'optaote, ti ta xtal vocoletuc li' ta ch'ulna avu'une,

1 Reyes 8:37

“C'alal ta x'ayan vi'nal ta jteclum li'e, mi ja' ti chamele, mi ta scoj ti va'iem ti c'ac'al ti ta xtaquij ti c'usitic yoxique, mi ta xlaj ta uch'e, mi ta xlaj ta c'ulube, mi ja' ta scoj ti xchanultaque, c'alal ti jcontrainvanejetic ta sjoyobtaic ta stsaquel ta c'op ti jteclumalcutique, mi xchamel, c'usiuc no'ox yan ti ta xtale,

2 Reyes 17:3

Ti Salmanasar ajvalil yu'un ti Asiriae, lic stsac ta leto ti Osease. Taje, och ta jtunel, ti laj stoj patan jujun jabile.

2 Crónicas 24:24

Juteb no'ox uni soldado sirioetic ti c'otique. Ti le' une, ac'batic ta yoc ta sc'obic yu'un Dios ti epal soldadoetique. Ja'uc le' une, aq'ueic ta c'abal ta scoj ti laj svalopatinic comel ti Ajvalil Dios yu'unic ti smolmuc'totic ta vo'nee. Laj stoj ta sjol Joás ti tsitsel ti lamal c'ot ta stojole.

Salmos 94:1

Cajval, ac'o ta ilel un ti jpac-c'opot Diosote.

Éxodo 5:3

Jech ti stuquique xi laj yalique: —Ti Dios yu'un ti hebreoetique tal sa'uncutic. Jech o xal un, ta xibatcutic ta sbajtical banomil ti ja' oxibuc c'ac'al ti sbelele yo' jech ta xcac'becutic smoton ti Ajvalil Dios cu'uncutique. Yu'un mi mo'oje, xu' ta xichamcutic ta chamel, mi ta milel ta espada.

Isaías 1:20

Yan ti mi avac'ojbeic yipal ti toyobbaile, ta jbel sc'oplal unbi, ta xachamic ti c'alal xyaquet ti letovajele”, xi laj yal ti Ajvalil Diose.

Isaías 65:12

xi s'elan ma' ti lec orail ti lamal ta xc'ot ta atojolique: Ta xachamic ta espada cu'un. Yu'un lic'opoj, mu'yuc xac'opoj xati'inic. Xivulvun, mi ja'uc laj ats'et chiquintaic. Lic apasic ti c'usi mu lecuc ta xquile. Lic atamic ta spasel ti c'usi chopol ta xquile.

Jeremías 19:7

Ti c'usi chapal xa yu'un ti Judae, xchi'uc ti Jerusalene, li' ta xc'ot ta soquel ta lilijel une. Ta xc'ot ta pasel cu'un ti ta stsutsesatic yu'un ti jtsutsesvanej jcontrainvaneje. Xulem xchi'uc jti'oval chonetic xve' yu'un ti sbec'tal stacopalique.

Jeremías 24:10

Ta banomil ti bu laj cac'beique, ti cac'ojbeic no'ox ti stot sme'ic ta vo'nee, ta xcac' taluc ti letoe, ti vi'nale, ti chamele, ja' to ti c'uxi mu junuc ta xcomic ta muc' ta lume.”

Jeremías 50:28

(Ti jnaclejetic ti cuch to loq'uel yu'unic jatobal ta Babiloniae, c'otic ta Sión, slo'iltaic xa ti ac'bat xa stojic yu'un Ajvalil Dios cu'untic ti c'u s'elan laj spas ti babiloniaetic ta stojol ti ch'ulnae.)

Jeremías 51:11

Ti Diose oy ta yo'nton ti ta stubbe sc'oplal ti jteclum Babiloniae. Tijbil xa sjol yo'ntonic yu'un ti ajvaliletic ti ta xliquic talel ta Media ti jech c'otuc ta pasel taje. Taje, ta spac sutel ti Dios ti soquesbat ti xch'ulnae. Chaplanic xa xchi'uc ti ayolobique. Tsaquic lec ti amacobbailique.

Jeremías 9:16

Yu'un ta xa jtaniic batel ta yan muc'tiquil lumetic ti mu ja'uc xojtiquinique, ti mu ja'uc laj yojtiquinic ti stot sme'ique. Yu'un tsacbil yespadailic ti nutsbil ta xloq'uique, ja' to ti c'uxi mi junuc xa ta xcome.”

Lamentaciones 2:21

Xvinaj ti buyuc no'ox telel ta bebetic ti jva'lej viniquetique, ti moletique. Ti jquerem jtsebtac une lajic ta milel ta espada. Yorail lic ti c'ac'al sc'ac'al avo'ntone, jloq'uel abtel laj ayayijes, mu xa na'etuc laj amil.

Ezequiel 14:17

“Mi ta jc'an ta xcac' taluc leto ta stojol ti muc' ta lum taje, mi ta xcal mantal ti ac'o chamuc ti jnaclejetique xchi'uc ti chon bolometique,

Ezequiel 20:37

‘Ta jtuc'ulanoxuc c'u a'elanic jech c'u cha'al ta spas ta stojol xchijtac ti j'il-chije, c'otuc ta pasel avu'unic ti jtratee.

Ezequiel 29:8

‘Jech o xal xichi ta xcal ti vu'un Diosune: Egipto, ta xc'ot ta pasel cu'un ta atojol ti espada xve' avu'une. Ta xich'ic milel ti jnaclejetic avu'une xchi'uc ti chon bolometique.

Ezequiel 33:2

“Yojtot, xi xavalbe ya'i ti avinquileltac ti c'opojan ta jventae: ‘C'alal ta jtac talel j'ac'-leto ta jun muc' ta lume, ti jnaclejetic une st'ujicuc loq'uel junuc xchi'ilic ta scotolic yo' ta x'och ta jq'uel-osil.

Ezequiel 5:17

Melel unbi, ta jtac talel ma' ti vi'nale, ti chamel lajele, xchi'uc jti'oval chon bolometic ti mu junuc ta xayictabeic comel ti avalab anich'nabique, ti yepal ta xalajic cu'un ta letoe. Mu stselbuj jc'op ma' ti vu'un Ajvalilun une.”

Ezequiel 6:3

ti xi xcholet xavalbe ya'ie: ‘Vitsetic yu'un Israel, pach'al stselejtic, uc'umetic, stenlejaltic, a'yio ava'iic ti xi ta xa'albatic yu'un ti Diose: Ta jtac talel leto ta atojolic, ta slilinel ta j'ech'el ti jujun c'opojebal ti'inebal avu'unic ti oy ta toyolaltic ti yan yajvale.

Oseas 11:6

Espada xa'i xcham xlajic ti jteclumetic yu'une. Ta xc'ot ta tsutsel xchi'uc ti nac'obbailetic yu'une. Ta xtub sc'oplal ta scoj ti c'usi ta snopic ta spasele.

Levítico 26:6

Ta xc'ot ta pasel cu'un ti lamajem ti jteclume. Mi ja'uc xasiblajetic ta xi'el ti c'alal ta xavayique. Yu'un ta jchabi ti jteclume yo' jech mu xvul ta loq'uel ti te'tical jti'oval chonetique, xchi'uc ti letoe.

Amós 4:10

“C'ot ta pasel cu'un ta atojolic ti oy c'usi chopol laj jtac talel ta atojolic jech c'u cha'al laj jtac ta stojolic ti egipcioetique. Laj cac' chamicuc ti jva'lej viniquetic avu'unic ti c'alal xyaquet ti letoe. Laj cac'be yu'nin aca'ic ti avajcontraique. Laj ava'ibeic stuil cu'un ti animaetic ti bu lamalic ta avaxibalnaique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Habacuc 3:5

Ta xti'van ta j'ech'el ti bu ta slaman vulel ti vocole. Mi laj une, nabal xa talel un ti lum ach'el xal oe.

Números 14:12

Ta xcac' taluc jtsutsesvanej chamel ta stojolic yo' jech ta xmacatic ta be ta yu'ninel ti banomil taje. Yan ti vo'ote ta xa'epajic cu'un yo' jech ta xac'otic ta jun muc' ta jteclum ti x'ech' to xu' avu'unique, ti ja' mu sta ti stuquique.

Números 16:49

Ti jech taj une, chamem xa ox yu'un chanlajunmil xchi'uc vucub ciento (14,700) ta vo' ti jnaclejetique. Ja' slecoj xtoc ti laj chamuc ba'yel ti c'alal liquem sjolic ta contrainvanej ti Coree.

Números 31:3

Ti Moisese xi laj yalbe ti jteclume: —Chapano abaic xchi'uc avabtejebic jlomuc ta yaq'uel ti letoe. Batanic ta yac'bel ya'i ti madianitaetique, ti ch'aybil c'otuc sc'oplal avu'unic ta sventa ti Diose.

San Lucas 21:11

Buyuc no'ox oy muc' ta niquel. Ta xtal muc'ul vi'nal. Buyuc no'ox ta xlic chamel. Mu no'ox albajuc oy c'usitic ta xac' xi'el ta vinajel xchi'uc mu albajuc senyailetic.

Deuteronomio 28:21

Yu'un ti Diose ta stacbot talel jun lajel tubel ta atojol, ti ta j'ech'el ta xac'ot ta tsutsel yu'un ta lum ti bu ta xavu'nine.

Deuteronomio 32:25

Ti xnich'nabique ta xlajic ta milel ta espada ta calleetic; c'ajomal xa no'ox mu xnel mu x'ech' ti xi'el ta xa'iic ta snaique. Ta xc'ot ta pasel ti ta xcham ep ti jva'lej viniquetique, ti tsebetique, ti mol me'eletique, xchi'uc ololetic ti ta xchu'unique.

Deuteronomio 32:35

Ta xcac'beic lec stoj ti c'alal ta sta yorail ta jpac sutele, ti c'alal ta sta yorail ta xyalic ta lume. Jutuc xa sc'an ta sta yorail ti ta xtub sc'oplalique, yu'un jutuc xa sc'an ta sta yorail.’

Deuteronomio 32:41

ti c'alal ta sta yorail ta juxbe ye ti jts'ayetel quespadae, ti ta xlic lequilal chapanvancune, ta jpacbe ya'iic sutel ti cajcontrataque. Ta xcac'be stojolic ti buch'utic laj sti'-joltaicune.

Jueces 15:11

C'alal laj ya'iic snitilultac ti Judá ti va'i s'elan taje, laj stsob sbaic oxmil (3,000) ta vo' viniquetic. Batic c'alal to nail ch'en ti oy ta lican ch'entic yu'un Etame, ti xi c'ot yalbeic ti Sansone: —¿Mi mu xana' ti ja' ech'em to xu' yu'unic ti filisteoetique, ti ja' mu sta ti vo'otique? ¿C'u cha'al ya'yel ta xavac'otic ta vocol? Xi tac'batic yu'un ti Sansone: —C'ajomal no'ox ta jpacbeic sutel ya'iic jech c'u cha'al laj spasbeicune.