Levítico 26:22 - Bible in Tzotzil de Chamula

²² Ta xcac' taluc ta atojolic te'tical jti'oval chonetic ti ch'abal junuc anich'nabic ta xictaboxuc comel ta scoj ti ta sbal ta ti'ele. Ta sbal ta ti'el scotol ti achon abolomique. Ta xajutebajic batel ja' to ti c'uxi sts'ijlajan ta xcom ti be avu'unique.

Bible in Tzotzil de Chenalhó with Deuterocanon

²² Ta jtac tal noxtoc jti'val chonbolometic; ja' chtal sti'ic li anich'nabique xchi'uc li ats'unub avovolique. Ja' jech ta c'unc'un chabic'tajic o batel; mu'yuc xa boch'o chanov ta bebetic avu'unic.

Levítico 26:22 Iomraidhean Croise

2 Reyes 17:25

Ti jech mu snijan xchiman sbaic ta yich'el ta muc' Dios ti c'alal c'otic ti jnaclejetic taje, jech o xal ti Diose laj stac batel jti'oval leonetic ta stojolic ti lajic ta ti'el jun chibuque.

2 Reyes 2:24

Ti Eliseoe joybij batel ta stuq'uil ti bu oyique. Laj sq'uel lec ech'el. Lic sti'ol-c'opta ta sventa ti Diose. Ta jech no'ox yepal, loc' talel cha'cot oso ta te'tic. Balatic ta ti'el ti chib yoxvinic (42) ta vo'e.

2 Crónicas 15:5

Ti le' tal ta vo'ne taje, mu'yuc buch'u lamajem ma' ti yo'nton une. C'ajomal no'ox stsic'tsun yo'nton yu'un ilbajinel ta xa'iic ti jnaclejetic ti buyuc no'ox oyic ti jteclumetique.

Isaías 24:6

Jech o xal un, laj sta bac vocol ti banomil ti c'ot ta stsutsel yu'une. Ti jnaclejetic yu'une ta xich' svocolic yu'un ti tsitsele. Ja' yu'un un, jutebaj xa ti jnaclejetique, jun chib xa no'ox oy.

Isaías 33:8

Yu'un sts'ijlajan ta j'ech'el ti beetique. Mi junuc xa oy buch'u ta xanav ti bu taje. Yu'un ju'bil ta teq'uel ta xc'ot ti trate pasbile. Ti c'usi nopbile, mi ja'uc xa ta xich'an sbaic ta muc'.

Jeremías 15:3

“Ti vu'un Diosune, mu stselbuj ti xi ta xcale: Xi s'elan ta jtac talel chantos atsitselique: ta xavich'ic milel ta leto. Xajochetic ta ti'el yu'un ti ts'i'etique. Xulemetic xve' avu'unic, xchi'uc yan jti'oval chon bolometic xve' avu'unic.

Jeremías 42:2

ti xi laj yalbeic ti j'alc'op Jeremiase: “Mu yauc c'uxuc xava'i ti xi s'elan ta jc'an ta xa'abolaj cu'uncutique: Vocoletan cu'uncutic ta stojol ti Ajvalil Dios avu'un ti c'u xa yepal licomcutique. Yu'un tanae, laj avil xa lec ti jun chib xa licomcutic ti c'alal mu albajuc to ox ti quepalcutique.

Lamentaciones 1:4

Sts'ijlajan ta j'ech'el sbelel ti Sione, mi junuc xa oy buch'u ta xtal ta q'uin. Sti'tac ti jteclume, sts'ijlajan ta j'ech'el, x'oq'uic xa ti paleetique, mu x'ech' svocol ta xa'i ti jva'lej tsebetique. Stuc xa no'ox jech svocol ta xa'i ti Jerusalene.

Ezequiel 14:15

“Mi ta jc'an ta jtac batel jti'oval chon bolometic ta jun muc' ta lume, ti ta xmilatic ti jnaclejetic teye, ti ta xlic pasuc ta sts'ijlajan sbajtical banomile, ti mu'yuc buch'u junucal ta x'ech' ta scoj xi'elal ti jti'oval chon bolometique,

Ezequiel 14:21

“Ti vu'un Diosune xichi ta xcale: Ja' x'ech' to ti xi s'elan ta xc'ot ta pasel ti ta jtac talel ti chantos tsots tsitsel ta stojol ti jteclum Jerusalene: ti letovajele, ti tsots vi'nale, ti ta xvul ta loq'uel ti jti'oval chon bolometique, ti ta xvul ta loq'uel ti ep ta tos chameletic ta smilel ti jnaclejetique xchi'uc ti chon bolometique.

Ezequiel 33:28

Sts'ijlajan, stuc slilijemal busul ta xcom cu'un ma' ti muc' ta lume. Ta jlilin ta j'ech'el ma' ti yip xa yo'ntonic stoyoj sba xchi'uquique. Sts'ijlajan ta xcom ma' ti vitsetic yu'un ti Israele. Mi junuc oy buch'u ta x'ech'.

Ezequiel 5:17

Melel unbi, ta jtac talel ma' ti vi'nale, ti chamel lajele, xchi'uc jti'oval chon bolometic ti mu junuc ta xayictabeic comel ti avalab anich'nabique, ti yepal ta xalajic cu'un ta letoe. Mu stselbuj jc'op ma' ti vu'un Ajvalilun une.”

Levítico 26:6

Ta xc'ot ta pasel cu'un ti lamajem ti jteclume. Mi ja'uc xasiblajetic ta xi'el ti c'alal ta xavayique. Yu'un ta jchabi ti jteclume yo' jech mu xvul ta loq'uel ti te'tical jti'oval chonetique, xchi'uc ti letoe.

Miqueas 3:12

Ja'uc tana le' une, ta acojic ta xjoybij ta jun yavil locbilal osil ti Jerusalén ti ja' jun ch'ul jteclum ti oy ta vits Sione, ti stuc xa no'ox xch'uch'ulil busul ta xcome. Ta xlic ch'iuc momoletic ta ch'ul vits yu'un ti ch'ulnae.

Zacarías 7:14

Ja' yu'un un, co'ol j'elan junuc sutub ic', tan puc laj jtaniic batel ti ta muc'tiquil lum ti mu ja'uc jutebuc xojtiquinique. Sts'ijlajan xa com, joybijem xa ta sbajtical banomil com ta spatic ti slumalic ti c'alal loq'uic batele, ti c'ot ta pasel ti mu'yuc xa xnaqui teye. ¡Ja' ta scoj stuquic ti jeche' xa xme'inaj com yu'unic ti c'upil sba jteclum to oxe!”

Deuteronomio 32:24

Ta vi'nal, ta sic c'oc', ta xchamic; tsots ta j'ech'el ti vocoletic ta xtal ta stojolique, ja' to ti c'uxi xc'otic ta tsutsel yu'une. Ta jtacbeic talel ta stojolic jti'oval te'tical chonetic xchi'uc venenoal chonetic.

Jueces 5:6

C'alal yorail ochem ta pas mantal ti Samgare, xnich'on ti Anate, c'alal ja' o tiq'uil ta spas mantal ti Jaele, jech ti jxanviletique laj yictaic comel xaniel ti muc'tiquil beetique, ja' laj stamic batel ta xaniel ti chopol bic'tal beetique.