Levítico 26:19 - Bible in Tzotzil de Chamula

¹⁹ Ti ven atoyobbailique, ta xcotes ta be. Ta xc'ot ta pasel cu'un ti mu xcac' taluc vo' ta vinajele. Mu'yuc xa ta xch'i ti ts'unubiletic yu'un ti banomile.

Bible in Tzotzil de Chenalhó with Deuterocanon

¹⁹ Ta jbic'tajesoxuc o ta j'ech'el ta scoj li atoyobbailique. Mu'yuc xa ta xyal tal vo' ta vinajel, jech mu xa xch'i c'usitic chats'unic ta banamil, yu'un ta jbacubtas jech chac c'u cha'al ton.

Levítico 26:19 Iomraidhean Croise

1 Reyes 17:1

Ti j'alc'op Elías ti liquel talel ta Tisbe ta yosilal Galaade, xi laj yalbe ya'i ti Acabe: “¡Ta j'ech'el ta jva'an ta rextico ti Ajvalile, Dios yu'un ti Israel ti yajtunelune, ti mi mu xcale, mi ja'uc ta xac' jset'uc vo' ti jabil ta xtale, mu ja'uc ta xbaj jset'uc ts'ujul!”

1 Reyes 8:35

“C'alal mi va'i ti c'ac'al ti li' ta banomile, ti mu'yuc ta xac' ti vo'e, yu'un laj sta smul ta atojole, ts'acal to un, mi ta xtal yalbot alequilale, mi ta xtal sc'anbot vocol ta ch'ulna li'e, ti ta sbic'tajes sba ta scoj ti yacal ta xich' tsitsel yu'un ti laj sta smule,

Isaías 2:12

Ti c'ac'al taje, ja' sc'ac'alil ta sliques yabtel ti Dios ti scotol xu' yu'une, ta scontrainel scotol ti toyobba viniquetique xchi'uc ti buch'u cajal xa'i sbaique, ta scontrainel scotol ti tsots yo'ntonique yo' jech ta spec'tsanbe ti sc'oplale,

Isaías 25:11

Ti Moabe sjimolan xa sc'ob jech c'u cha'al ta spas ti jnuxinajele. Yantic xa stsul yalel ti stoyobbail ti jujucoj ta syobilan sbae.

Isaías 26:5

Ta stubbe stoyobbailic ti buch'utic cajal xa'i sbaique. Ta spec'tsanbe sc'oplal ti jteclum ti toyobba xa'i sbaique, ti j'ech'el ta sjip ta lume.

Isaías 28:1

Mu xa ono'ox cha'bel un, jteclum Samaria, ti cajal toyol c'otem ti mu'yuc xa buch'u jech xtaun o ta xa'i ti c'otem ta xnichimal sronail sjol ti Efraine, ti batem yo'nton ta yacubel ti lum taje. ¡Laj to c'op ma' ti ch'alalic ta jun yutsil nichime, yu'un taquij xa ti jun yutsil q'uiil ta stenlejal ve'ebal banomile, lum ti uninbilic ta yuch'el ti vinoe!

Jeremías 13:9

ti xi laj yalbune: “Ti jech le'e, ja' jech ta xc'ot ta tsutsel stoyobbail ti jteclum Judae, xchi'uc ti jteclum Jerusalene.

Jeremías 3:3

Jech o xal un, ta acoj mu xtal ti vo' ta yorail sique, xchi'uc ta yorail corixmae. Avich'ojbe spimil sat ti jchonbail antse, q'uexavan ti jech a'elane.

Ezequiel 24:21

‘Xi xavalbe ya'i ti lum Israele: Ti Diose xi ta xale: Ta jsoques ti jch'ulnae, ti c'upil sba ta q'uelel ta xavilic ti mu tuch'baj ta avo'nton ta xava'iique, ti atuc xa no'ox mu'yuc buch'u xtaun ta xava'iic yu'une, ti yip avo'nton ta xava'iic yu'une. Ti avalab anich'nabic laj avictaic comel ta Jerusalene, milel xa'i xcham xlajic.

Ezequiel 30:6

‘Xi s'elan ta xal ti Diose: Ti buch'u ta stic' sba ta spojel ti Egiptoe, leto xa'i xcham xlaj, ta xlic ta Migdol, ta xc'ot c'alal ta jteclum Asuán. Ti xcajet xchi'uc stoyobbail ti Egiptoe, ta xac' sba ta q'uexlal xchi'uc un. Laj xa cac' que jti' ma' ti vu'un Ajvalilune.

Ezequiel 33:28

Sts'ijlajan, stuc slilijemal busul ta xcom cu'un ma' ti muc' ta lume. Ta jlilin ta j'ech'el ma' ti yip xa yo'ntonic stoyoj sba xchi'uquique. Sts'ijlajan ta xcom ma' ti vitsetic yu'un ti Israele. Mi junuc oy buch'u ta x'ech'.

Ezequiel 7:24

Ta jtac talel jnaclejetic ti mu'yuc xch'ulel xa'i sbaic ta yu'ninel ti naetic yu'un ti jteclume. Ta jtsutsesbe stoyobbailic ti buch'utic tsots xa'i sbaique. Jq'ueloj no'ox soquesbaticuc ti c'opojebal ti'inebal yu'unique.

Daniel 4:37

“Avi tana une, ti Nabucodonosorune ta jlequil-c'opta, ta jnijan jba ta yich'el ta muc', ta xcac' ta toyol sc'oplal ti Ajvalil yu'un ti vinajele. Yu'un scotol ti c'usi ta spase, ja' melel, tuc' scotol. Yu'un xu' ta spec'tsanbe sc'oplal ti buch'u ta snop ti xu' xa yu'un ti yaloje.”

Sofonías 3:11

Ti c'ac'al taje, jteclumal, ta xtub sc'oplal avu'un ti q'uexlalot yu'un ti c'usitic chopol laj apas ti laj atoy aba ta jtojol xchi'uque. Ta jch'ac loq'uel ta atojol ti buch'utic toj jchopolique, ti jelavem ti stoyobbailique, ti j'ech'el mi ja'uc xa ta xavac' ta ilel ti atoyobbail ta ch'ul vits cu'une.

San Lucas 4:25

Ta xcalboxuc ava'iic, yepal no'ox me'unal antsetic ta Israel c'alal yorail xanav ti Eliase, c'alal ja' o yorail mu'yuc xac' vo' oxib (3) jabil xchi'uc o'lol ti mu no'ox albajuc lic vi'nal ta sjunlej ti banomile.

Deuteronomio 11:17

Yan ti mi jech taj une, ta xlic ilinuc ta atojolic ti Diose. Mi ja'uc ta xayac'boxuc talel ti vo'e. Ja'uc ti banomil une, mu'yuc c'usi ta satin yu'un. Ta anil ta xachamic ti ta lequil banomil taje, ti bu ta xayac'boxuc ti Diose.

Deuteronomio 28:23

Ti le' ta ac'ole, ti vinajele ta sjaltabot ti vo'e. Ti li' ta olone, ti banomile ta sjaltabot ti c'usitic ta xch'i yu'une.

1 Samuel 4:11

Ja' jech xtoc och ta yoc ta sc'obic xcaxa ti Diose, xchi'uc laj smilic ti Ofnie, ti Fineese, ti xchibal xnich'nab ti Elie.

1 Samuel 4:3

C'alal sutic batel ti j'ac'-leto israeletic ti bu svoloj sbaique, xi laj yalic ti moletic yu'un ti Israele: “¿C'u cha'al laj yac' ye sti' ti Dios ti jech tsalbil lijc'ot yu'un ti filisteoetic avie? ¡Ba quich'tic talel ta Silo xcaxail strate ti Diose yo' jech poybil ta xbat ta o'lol cu'untic, ti mu tsalbiluc ta xijc'ot yu'un ti cajcontratique!”