Levítico 26:16 - Bible in Tzotzil de Chamula

¹⁶ ja' jechun ec unbi, xi s'elan ta jpas ta atojolic jech c'u cha'al li'e: Ta xcac'boxuc ava'iic ti sibtasele, ti jmilvanej sic c'oq'ue, ti ta xva'i ac'ac'alique, ti satilale, ti lubul pich'il ti abec'talique. Mi ja'uc oy c'usi bal o ti ta xats'unubajique, yu'un ja' ta sve' avajcontraic ti ats'unubique.

Bible in Tzotzil de Chenalhó with Deuterocanon

¹⁶ Me jech chapasique, li vu'une ja' jech ta jpasboxuc ec jech chac li'i: Ta jtac tal muc'ta xi'el ta atojolic; ta jtac tal tsatsal chamel, xchi'uc c'ac'ubel, xchi'uc xchamel asatic, xchi'uc chamel ti c'unc'un ta slajes stsatsal abec'talique. Altic chavac' avocolic ta sts'unel li c'usitic chats'unique; mu'yuc chabalinic yu'un ja' chtal slajesic li avajcontraique.

Levítico 26:16 Iomraidhean Croise

1 Reyes 8:37

“C'alal ta x'ayan vi'nal ta jteclum li'e, mi ja' ti chamele, mi ta scoj ti va'iem ti c'ac'al ti ta xtaquij ti c'usitic yoxique, mi ta xlaj ta uch'e, mi ta xlaj ta c'ulube, mi ja' ta scoj ti xchanultaque, c'alal ti jcontrainvanejetic ta sjoyobtaic ta stsaquel ta c'op ti jteclumalcutique, mi xchamel, c'usiuc no'ox yan ti ta xtale,

Job 18:11

Sibtasbil ta xa'i ta jujujot; q'uelbil no'ox ta xa'i ti jujuteq'uel ta xanav batele.

Job 20:25

Ts'apluj jelavel ta sbec'tal ti sni' yolob ti ta x'ech' jombatuc ti secube. Toj batel xch'ulel ta xi'el xchi'uc.

Job 31:8

stunicuc slajesicuc yan ti c'usi jts'unojane, sbulicuc c'alal ta yibel ti c'usitic tec'ajtic cu'une.

Salmos 109:6

Ti buch'u mu'yuc xch'ulel xa'i sbae, c'otuc ta jchapanvanej yu'un, ta sbauc stuc, joybijuc ti yajc'opojele.

Salmos 73:19

Mu xa ta sjaliluc ta xc'otic ta tsutsel. Ta xi'el no'ox xbat o xchi'uquic.

Salmos 78:33

Jech o xal un, jech c'u cha'al junuc jic' o'ntonal, tubbat xcuxlejalic yu'un Dios ta sventa ti mu no'ox albajuc xi'elal ti sibtasel c'ot ta stojolic une.

Éxodo 15:26

Xi albatique: “Mi ta xats'etan lec achiquinic ta ya'yiel ti c'usi ta xcal ti vu'un Ajvalil Diosun avu'unique, mi ja' ta xapasic ti c'usi lec ta xquile, mi ta xc'ot ta ch'unel avu'unic ti jmantaltaque, mi ta xc'ot ta pasel avu'unic ti oy c'usi tsots sc'oplal albil cu'une, mu'yuc ta jtac talel jtosuc ta atojolic ti c'usi chopol jech c'u cha'al laj jpas ta stojol ti egipcioetique. Yu'un vu'un jpoxtavanejun, jcoltavanejun, ti Ajvalil Diosun avu'unique.”

Proverbios 3:33

Ti Diose ta sbisbe ta cotol chaval sna ti buch'u mu'yuc xch'ulel xa'i sbaique, ja'uc ti buch'u oy stuq'uil sjol yo'ntone, sva'anoj sba ta stojol.

Isaías 10:4

Ti mi mu'yuc ta xa'aq'ueic ta xq'uexlale, mi mu'yuc chucbil ta xabatique, ta xc'ot ta atojolic jech c'u cha'al ti buch'utic ta xlajic ta milele. Jech ec ti Diose mu'yuc to lamajem ti sc'ac'al yo'ntone, staoj to yav ta sibtasvan.

Isaías 62:8

Yu'un xi laj sva'an sba ta yalel ti Dios ti scotol xu' yu'un ti laj sva'an ta toyol ti sbats'i c'obe: “Ta j'ech'el mu xcac' que jti' ta sve'bot atrigo ti avajcontrae, mi ja'uc ti jyanlumetic ta xuch'bot avino ti slubel xchamel avoc ac'ob laj ameltsane.

Isaías 7:2

Ti yorail taje, xi bat yich' albel ya'i ti ajvalil Acaz xchi'uc ti c'u yepal oy ta snae: “Ti sirioetique laj xa sco'oltas sjolic xchi'uc ti Efraine.” Ti ajvalile xchi'uc ti jteclume, xt'el-t'unic no'ox liquel ta xi'el jech c'u cha'al ta xc'uyet ta jujujot ti te'tic ti ta xvuq'ue yu'un ti iq'ue.

Jeremías 12:13

Ti laj sts'unic ti trigoe, naca ch'ix laj staic ta tsobel. Jeche ech' ti svocol xlub xcham ti yoc sc'obique. Mu'yuc c'usi laj sbalinbeic ma' ti ts'unubajique ta scoj ti tilem ti sc'ac'al co'ntone.”

Jeremías 15:3

“Ti vu'un Diosune, mu stselbuj ti xi ta xcale: Xi s'elan ta jtac talel chantos atsitselique: ta xavich'ic milel ta leto. Xajochetic ta ti'el yu'un ti ts'i'etique. Xulemetic xve' avu'unic, xchi'uc yan jti'oval chon bolometic xve' avu'unic.

Jeremías 15:8

X'ech' to yepal jech c'u cha'al yi'al nab ti stuc xa me'unal antsetic xcha'q'uet laj quictabeic comele. Bats'i yutsil to xchi'il sc'opojel ti queremetic vul ta stojolic ti laj yich'ic milile, ti mu ts'icbaj ta xa'i svocol ti me'iletique. Ta jech yepal vul ta stojolic cu'un ti cuxul j'ilbajinvanej vocole, ti chamebal xa xal o yu'un ti xi'elale.

Jeremías 20:4

Yu'un ti Diose xi ta xale: ‘Ta xc'ot ta pasel cu'un ti atuc no'ox ta xasibtas abae, xchi'uc ti ta xi'ic avu'un ti buch'utic lec xavil aba xchi'uque. Ta aba ta asat, ta xavil ta xlajic ta milel yu'un scontraic ti buch'utic lec xavil aba xchi'uque. Scotol ti jnaclejetic yu'un ti jteclum Judae, ta xcac' ech'el ta yoc ta sc'ob ti ajvalil yu'un ti Babiloniae yo' jech bec'bil ta xbatic ta Babilonia, mi mo'oje, espada xve' yu'unic.

Jeremías 5:17

Ta stun ta slajesic ti c'usi xloc' x'ayan avu'une, ti ave'el avuch'ome. C'alal ta aquerem atsebtac, ta stsutses ta j'ech'el. Ta ye ta sti'ic, ta stsutsesic ti achijtaque, ti avacaxtaque, ti a'uvataque xchi'uc ti aicuxtaque. Ti nac'obbail jteclumetic ti apatoj avo'nton yu'une, mu ta sc'obicuc ta xa'i ta slilinic xchi'uc ti abtejebaletic yu'unique.”

Ezequiel 24:23

Oy no'ox sts'ot ti ajole. Alapoj no'ox ti axonobe. Nom to ta xc'ot ti me'unale, ti oq'uel avanele. Ta scoj ti mu stac' albel sc'oplal ti c'usi laj apasic une, ta xlaj yipal avu'unic, xaq'uel-q'uelbe aba asatic ta xcha'na'el un.

Ezequiel 33:10

“Yojtot, xi xavalbe ya'i ti jteclum Israele: ‘Ti vo'oxuque xachi ta xavalique: Ech'em jcuchoj jmultic. Mu lecuc bu laj jtamtic batel. Tana li' une, cuxul ta x'och jc'a'emaltic. ¿C'usi xu' ta jpastic yo' to ta xijcuxi?

Amós 5:11

Ti jech ta xavilbe svocol ti me'un mu'nate, ti ta xac'anbeic spatanil ti strigoe, mi ja'uc ta xac'upinic ta snainel ti anaic ti naca ta ton laj ameltsanique. Mi ja'uc ta xava'ibeic yutsil ta uch'el ti vino ti loc' ayan ta ats'unub-uvaique.

Miqueas 6:15

Ac'o mi oy c'usitic ta xats'un, ja' no'ox un, mu'yuc ta xatsob. Ac'o mi ta xat'us ti aceitunae, ja' no'ox un, mu'yuc c'usi ta xabalinbe ti yaceiteale. Ac'o mi ta xat'us ta teq'uel ti uvae, ja' no'ox un, mu'yuc ta xavuch' ti vinoe.

Hageo 1:6

Ti vo'oxuque, ep ti c'usitic ta xats'unique, c'u stu un, mu epuc ta xloc' c'alal ta xatsobique. Ac'o mi lec ta xave'ic, mu xanojic lec ta xava'iic. Ac'o mi lec ti c'usi ta xataic ta uch'ele, oy no'ox taqui ti'il ta xava'iic. Ac'o mi oy lec ti ac'u' apoq'uique, mu'yuc no'ox xq'uixnal ta xava'iic. Ja' jech xtoc ti buch'u ta sa' tojele, ta jatal coxtal ta stic' ti yuni tojol ta abtele.

Zacarías 14:12

Ja'uc ti muc'tiquil lum ti laj stsaquic ta leto ti Jerusalene, xi s'elan ta x'ac'batic tsitsel yu'un ti Diose: Cuxul to ta xlic c'a'uc ti sbec'talic ti jnaclejetic yu'une. Lopajtic no'ox liquel ti sbec' satic ta c'a'ele. Ta xc'a' ti yoq'uique.

Malaquías 2:3

“Ta jtubbe sc'oplal ti jech tsots avabtel avich'ojique. Ta jip ta asatic xtoc ti yic'obal sbel xch'ut ti chon bolometic ti ta xavac'beic yich' svocol ta milele. Jmoj capal ta xavich'ic mesel loq'uel xchi'uc ti yic'obal sbel xch'ut ti chon bolometique.

Deuteronomio 28:51

Va'i un, ta xlic sti'ic yoltac ti chon bolometic avu'une, xchi'uc ti c'usitic loc' ayan ti laj ats'un ta abanomile, ja' to ti c'uxi mu'yuc c'usi ta xayic'tabot comele. Yu'un xquechet ta xac'be ech'el ti trigoe, ti vinoe, ti aceitee, ti yoltac ti avacaxe, ti yoltac ti achije. Ta xlic chaman ta vi'nal yu'un un.

Deuteronomio 32:25

Ti xnich'nabique ta xlajic ta milel ta espada ta calleetic; c'ajomal xa no'ox mu xnel mu x'ech' ti xi'el ta xa'iic ta snaique. Ta xc'ot ta pasel ti ta xcham ep ti jva'lej viniquetique, ti tsebetique, ti mol me'eletique, xchi'uc ololetic ti ta xchu'unique.

Hebreos 10:31

¡Toj ech'em xi'bal sba mi tsacbilotic xa yu'un ti cuxul Diose!

Jueces 6:11

Va'i un, vul ta loq'uel yaj'ánjel ti Diose. Vul chotluc ta yolon tulan ti oy ta Ofrae, yu'un ti Joás snitilul ti Abiezere. Ja'uc ti Gedeone, xnich'on ti Joase, ta nac'al ta sjic'a strigo ta yavil ti bu ta xich' pits'el ti uva sventa ti vinoe, yo' jech mu x'ile yu'un ti madianitaetique.

1 Samuel 2:33

Ja'uc le' une, ta xquicta comel jun chibuc avuts' avalaltac ta sts'el ti caltare, ti xnelet no'ox liquel ti satique, ti set'sun no'ox ti yo'ntonic ta xlic it'ixajicuque. Ja'uc ti yan avuts' avalale, ta xich'ic milel.