Levítico 26:15 - Bible in Tzotzil de Chamula

¹⁵ ti mu tsotsuc sc'oplal ta xava'iique, ti ja' no'ox ta xabajic ti c'usi oy jbel tsots albil sc'oplale xchi'uc ti nopbil cu'une, ti mu xc'ot ta pasel junuc ti jmantaltaque, ti mu xavaq'uic ta venta ti jtratee,

Levítico 26:15 Iomraidhean Croise

Génesis 17:14

Yan ti buch'u mu xich' ti circuncisione, tsots sc'oplal ac'o yich' ch'aquel loq'uel ta atojolic ta scoj ti mu xac' ta venta ti jtratee.

2 Reyes 17:15

Laj sbajbeic ti oy c'usitic jbel tsots albil yu'une, xchi'uc ti strate ti laj spas ta stojol ti smolmuc'totique, xchi'uc ti mantaletic ti ac'batic comele. Ma'uc no'ox taje, bat yo'ntonic ta yich'el ta muc' ti jeche' loc'obbail diosetique. Laj spec'tsanbe sba sc'oplal xchi'uquic ti laj xchanic ta spasel ec jech c'u cha'al laj spasic ti lumetic ti joyol ta spat ta xoconic ti c'alal albilic ono'ox yu'un Dios ti mu xu' jech ta spasique.

2 Crónicas 36:16

Ja'uc ti stuquic une tse'ej no'ox laj ya'ibeic sc'op ti yaj'alc'optac Diose. Mu'yuc stu laj ya'iic ti c'usitic laj scaj'alique. Laj xchopol-c'optaic ti yaj'alc'optaque. Ta jech to yepal un, mu ta vocol laj syales yoc sc'ob ta sc'ac'al yo'nton ti Dios ta stojol ti steclumale, ti mu'yuc xa laj sta spojel scolelic ta j'ech'ele.

Salmos 50:17

ti mu lecuc ta xava'i ti ta jtojobtasote, mi ja'uc xavac' ta venta ti jc'ope?

Éxodo 19:5

Ja' yu'un un, mi ta xavac'beicun ta venta scotol ti c'usi ta xcale, mi ta xc'ot ta pasel avu'unic ti jtratee, xac'otic o lec ta calab jnich'nab, ja' mu sta ti yan jteclumetique. Yu'un ti banomile, ja' cu'un scotol.

Éxodo 24:7

Ts'acal to un, laj stsac svunal ti tratee. Tey laj yavtabe ya'i ti israeletique. Ti stuquique xi laj yalique: —Ta jts'etan lec jchiquincutic ta ya'yiel ta spasel ti c'u s'elan ta xal mantal ti Diose.

Proverbios 1:30

Mu xc'ot ta yo'ntonic ti bijubtasel cu'une, yu'un laj sbajic ti tojobtasel cu'une.

Proverbios 1:7

Ti bijilil ta xlic ayanuque, ja' ti ta xich' xi'tael ti Diose; ti buch'utic pimunebe ta sjip ta sten ti bijubtasel ta xich'ique xchi'uc ti chanubtasele.

Proverbios 5:12

Xachi xa ta xaval une: “¿C'u xa no'ox cha'al laj jbaj ti bijubtasele? ¿C'u no'ox cha'al laj jip laj jten ti tojobtasele?

Isaías 24:5

Ti jnaclejetique laj xa soquesic ti banomile. Mu'yuc xc'ot ta pasel yu'unic ti oy c'usi jbel albile. Laj sbajic ti mantaletique. Laj sten laj sjipic ti trate ti oy sc'oplal sbatel osile.

Jeremías 11:10

Yu'un jech laj xa sta smulic ec jech c'u cha'al laj spasic ti stot sme'ic ta vo'nee. Mi ja'uc laj xch'unic ta spasel ti c'usi ta jc'ane. C'ajomal no'ox laj sts'acliic yan diosetic, ti lic snijan xchiman sbaic ta yich'el ta muq'ue. Ti Israele xchi'uc ti Judae, co'ol c'ot ta soquel yu'unic ti jtrate ti jpasoj ta stojol ti stot sme'ic ta vo'nee.

Jeremías 31:32

Ti jtrate taje, mu xa jechuc ta xc'ot ta pasel ta stojolic jech c'u cha'al laj jpas ta stojol ti stot sme'ic ta vo'ne c'alal laj jnitbeic talel ta sc'obic ti laj jloq'ues talel ta jteclum Egiptoe. Ac'o mi jbisojic ta cu'un un, stselbunic no'ox ti jtratee. Mu lo'iluc xcal ma' ti vu'un Diosune.

Jeremías 6:19

Banomil, a'yio ava'i ti xi ta xcale: Ti jteclum li'e, ta jtacbe talel svocol ta scoj ti bat yo'nton ta spasel ti chopole, yu'un mu'yuc laj yac'beicun ta venta ti jc'ope. C'ajomal no'ox bajbil c'ot yu'unic ti chanubtasel cu'une.

Ezequiel 16:59

“Xichi ta xcal ti vu'un Diosune: Ta xcac'bot atoj ava'i ti c'u s'elan loc' ta sa'el avu'une. Mu'yuc xc'ot ac'op, tselbuj avu'un ti tratee.

Levítico 26:11

“Yu'un ta xajchi'inoxuc ta naclej, mi ja'uc xajtenoxuc.

Levítico 26:43

ti ja' to jech xocol xc'ot avu'unic ti laloq'uic batele, ti xcuxet xa xa'i ta xcux ti c'alal ch'abal xa nacaloxuque. Yu'un ta xatojic lec ti c'usi chopol laj apasique. Yu'un laj abajic ti c'usi caloje. Mu'yuc laj avaq'uic ta venta ti oy c'usi jbel tsots albil cu'une.

Levítico 26:9

Lec ta xquiloxuc ta jba ta jsat. Ta xa'epajic ta ch'iel cu'un ta j'ech'el, staoj yav ti jtrate ta atojolique.

Malaquías 2:2

Tsotsuc sc'oplal xava'iic ti ch'unbeicun ti c'usi ta xcale, c'otuc ta pasel avu'unic ti quich'el ta muq'ue. Yan ti mi mu jechuc ta xapasic une, ta me xajbisoxuc ava'iic ta cotol chaval, ja' ti mu'yuc laj avaq'uic ta venta ti oy jc'oplal ti quich'el ta muq'ue. Ta joybin ta avocolic no'ox xtoc ti oy c'usi lec ataojic ti jech oyoxuc ta paleale.

Números 15:31

Yu'un laj sbaj ti jc'ope, mu'yuc xc'ot ta pasel yu'un ti jmantaltaque. Laj sc'oplal ti oy to c'usi xu' ta stic' sba ta spasel jtosuque, ac'o xcuch ya'i ti smul scolo'e.”

Hechos 13:41

‘A'yio ava'iic, jna'levanejetic, ch'ayal avo'ntonic xacham xalajic, yu'un oy c'usi yacalun ta spasel ti jech cuxuloxuc li'e, ti mu ch'unbaj ta xava'iic mi oy buch'u ta xalbote’ ”, xi ti Pabloe.

Romanos 8:7

Ti buch'u ta stalel stuc ta snopilan ti c'usi ta spasique, ta xc'otic ta yajcontra ti Diose, yu'un mu sc'an ta xich'ic ta muc' ti oy c'usi tsots sc'oplal albil yu'un ti Diose, mu ja'uc xtojobic ta xch'unel.

Deuteronomio 31:16

Va'i un, ti Diose xi laj yalbe ti Moisese: “Ti jech jutuc sc'an xc'ot yorail ta xachame, ti lum li'e, ta jech yepal ta xlic syanijes sbaic. Ta xich'ic ta muc' sdiosic ti jteclum ti bu ta xu'ninique. Va'i un, ta xlic yictaicun comel. Ta xlic soquesbeic sc'oplal ti jtrate ti laj jpas ta stojolique.

1 Tesalonicenses 4:8

Ja' yu'un un cha'e, mi oy buch'u ta sbaj ta sten ti chanubtasel taje, ma'uc ta sbajbe sc'op jun vinic, ja' ta sbajbe sc'op Dios ti Buch'u laj yac'botic ti Xch'ul Espíritue.

Hebreos 8:9

Ti trate ta jpas ta stojolique mu xa jechuc jech c'u cha'al laj jpas ta stojol ti smolmuc'totique, ti c'alal laj jnitbe loq'uel talel sc'obic ta Egipto banomile. Yu'un laj jip laj jtenic comel ta scoj ti mu'yuc xc'ot ta pasel yu'un ti jba'yel tratee.

1 Samuel 12:15

Yan ti mi mu xach'unique, ti ja' no'ox ta xabajbeic ti smantaltaque, ta xastsitsoxuc jmoj xchi'uc ti ajvalil avu'unique.