Levítico 26:13 - Bible in Tzotzil de Chamula

¹³ Yu'un vu'un ti Ajvalil Diosun avu'unique, laj jloq'uesoxuc talel ta Egipto yo' jech mu teyuc no'ox mosovinbiloxuc yu'unic. Yu'un vu'un laj jlilin ti chuculoxuc yu'un ti avocolique. Yu'un vu'un laj jpas ti cajal toyol aba asatic ta xaxanavique.

Bible in Tzotzil de Chenalhó with Deuterocanon

¹³ Vu'un Muc'ul Diosun avu'unic ti la jloq'uesoxuc tal ta Egiptoe yu'un mu jc'an ti te tiq'uiloxuc o ta mozoil yu'unique. Jech vu'un la jtuch' ya'yel li slasual yabtejeb vacax ti acuchojic ti toj ole. Laj cac' ti jun xa avo'nton tuc' xateltun chaxanovique.

Levítico 26:13 Iomraidhean Croise

Salmos 116:16

Avajtunelun, Ch'ul Dios. Squerem olun ti me' jtunel avu'une. Laj alilin ta tuch'el caq'uil ti ts'otbilun yu'une.

Éxodo 14:8

Jech ti Diose laj yac' pucujibuc yo'nton ti faraone yo' jech ta snuts batel ti israeletique. Ja' no'ox un, ti israeletique, ta smuc'ul stsatsal xa Dios ti jech loq'uic batele.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Isaías 51:23

Ja' xa ta xcac'be yuch'ic ti buch'utic laj yilbot ti avocole, ti xayutot to oxe: ‘Patano aba ta lumtic, ta xibitcutic jelavel ta aba.’ Laj apatan aba ta lumtic yo' jech ta x'ech' xpech'ot ta teq'uel jech c'u cha'al junuc pucuc.”

Isaías 9:3

Dios, mu no'ox albajuc laj jtacutic avu'un ti smuyubajel co'ntoncutique, ti spajeb xa no'ox ta j'ech'el ti muyubajele. Scotolic xmuyubajic ta atojol jech c'u cha'al yorail ta stsobic ti ts'unubale, jech c'u cha'al xmuyubajic xa ta xch'acbe sbaic ti epal c'ulejale.

Jeremías 2:20

“Le' xa talel ma' ti lic atoy abaic talel ta jtojole, ti mu xac'anic pasel ta mantal une. Xi laj avalbe abae: ‘laj c'op ma' ti ta xcac' jba ta tunel une.’ Ta scotol ti buyuc no'ox ti toyol vitsetique, ta yolon scotol ti limlim te'tique, lic avac' abaic ta stojol yan.

Jeremías 28:2

“Ti Ajvalil ti scotol xu' yu'une, Dios yu'un ti Israele, xi ta xale: ‘Ti jech tsots ta spasvan ta mantal ti ajvalil yu'un ti Babiloniae, ta jtubbe sc'oplal.

Jeremías 28:4

Ja' jech xtoc, ta xc'ot ta pasel cu'un ti ta sut talel li' ta jteclum ti Jeconías ajvalil yu'un Judá, xnich'on ti Joacime, xchi'uc scotol ti jnaclejetic ta Judá ti bec'bil batic ta Babiloniae. Ti vu'un Diosune, mu lo'iluc no'ox ta xcal ti ta jtubbe sc'oplal ti tsots ta spasvan ta mantal ti ajvalil yu'un ti Babiloniae.’ ”

Ezequiel 30:18

C'alal ta jtubbe sc'oplal ti stuc xa no'ox cajal xa'i sba xchi'uc stoyobbail ti Egiptoe, ta xmac sat ti c'ac'al ta jteclum Tafnese. Ta xvoliat ta toc ti jteclumetic ta Egiptoe. Ti jnaclejetic ta steclumale bec'bil ta xbatic ta chuquel.

Ezequiel 34:27

Ti te'etic oy ta osiltique, ta satin lec. Oy no'ox c'usi ta xloc' lec ta banomil. Jun yo'nton ta xcuxiic ta yosilal stuquic. Ta sna'ic unbi ti vu'un Ajvalilun c'alal ta xc'ot yorail ta jpoj loq'uel ti jteclumal ta yoc ta sc'obic ti buch'u smosovinojique.

Oseas 11:4

Ic'bil co'nton yu'un, mu xtuch' ta co'nton ta xc'uxubinel, laj quiq'uic talel ta jtojol. Laj jnabanic ta xocon jsat jech c'u cha'al jchu'nel olol, xye'elet coc jc'ob ta yac'bel ti sve'elique.

Levítico 25:38

Yu'un vu'un ti Ajvalil Diosun avu'unique, ti laj jloq'uesoxuc talel ta Egiptoe yo' jech ta xcac'boxuc ti Canaán banomile, yo' jech ta xic'ot ta Dios avu'unic.

Levítico 25:42

Yu'un ti stuquic taje, ja' cajtuneltac. Yu'un laj jloq'uesic talel ta Egipto. Yu'un tsots sc'oplal mi ja'uc ta xich' chonel jech c'u cha'al junuc mosovile.

Levítico 25:55

Yu'un ti israeletique, ja' cajtuneltac. Yu'un ti jech c'otic ta bats'i cajtuneltaque, yu'un vu'un laj jloq'ues talel ta Egipto. Vu'un ti Ajvalil Diosun yu'unique.

Nahúm 1:13

Ta j'ech'el ta jlilinbot loq'uel ti co'ol s'elan yabtejeb vacax ti ja' ts'otbilot yu'une; ta jlilin ta tuch'el ti acarinaile.”