Levítico 26:11 - Bible in Tzotzil de Chamula

¹¹ “Yu'un ta xajchi'inoxuc ta naclej, mi ja'uc xajtenoxuc.

Bible in Tzotzil de Chenalhó with Deuterocanon

¹¹ “Te chajchi'inoxuc o ta naclej; mu'yuc chajbajoxuc.

Levítico 26:11 Iomraidhean Croise

2 Samuel 7:7

Ti c'u xa sjalil laj jchi'inic talel ta xanobale, mi junuc jtsobvanej yu'unic. Mi ja'uc junuc ti buch'u laj jva'anan ta jpas-mantal yu'un ti jteclum Israele ti laj jc'anbe ti ac'o xismeltsanbeicun junuc ch'ulna ti meltsanbil ta ch'ut te'e.’

1 Reyes 6:13

Ta jchi'in ta naclej ti israeletique. Mi ja'uc ta jten ti Israel ti jteclumale.”

1 Reyes 8:13

Ja'uc ti vu'une laj jmeltsanbot jun ach'ulna yo' jech ta xanaqui, ti sbatel osil ta xanaqui ti bu laj yich' va'anele.”

1 Reyes 8:27

“Ja'uc le' une, ¿mi ta melel sna' xnaqui li' ta banomil ti Diose? ¿Mi xu' xa'och ta naclej ta uni ch'ulna ti laj jmeltsan li' une, ti c'alal amacoj scotol ti c'u sjamlej oy ti vinajele?

Salmos 106:40

Lic capuc sjol ti Dios ta stojol ti steclumale; laj sbaj laj sten ti c'otem ta yu'untac to oxe.

Salmos 76:2

Ti xch'ulnae oy ta jol vits Sión yu'un ti Jerusalene.

Salmos 78:59

Ilin ta j'ech'el ti Dios ti c'alal yil va'i s'elan taj une; j'ech'el laj sten laj sbaj ti Israel une.

Éxodo 25:8

Meltsanbeicun junuc Axibalna yo' jech ta xinaqui tey.

Éxodo 29:45

Ta jchi'in ta naclej ti israeletique, Vu'un Diosun yu'unic.

Éxodo 29:46

Ja' jech ta sna'ic ti Vu'un Ajvalil Diosun yu'unique, ja' ti Buch'u loq'uesvan talel ta Egipto yo' jech ta jchi'in ta nacleje, Vu'un ti Ajvalil Diosun yu'unique.

Jeremías 14:21

Ta sventauc ti alequilal avutsilal une, mu xajip xatenuncutic un. Mu xaq'uel no'ox ti jteclum ti c'otem ta yutsil ta apasob mantale. Vuleso ta ajol ti atrate laj apas ta jtojolcutique, c'otuc ta pasel un.

Lamentaciones 2:7

Ti Diose laj sten ta yo'nton ti altar yu'une; bajbil tenbil c'ot yu'un ti xch'ulnae. Och ta yoc ta sc'ob jcontrainvanejetic yu'un smocal smacoj ti jteclume. Oy avanel ta xch'ulna ti Diose, co'ol xa s'elan q'uin ya'yel.

Joel 2:27

Va'i un, ti vo'oxuc une, israeletic, ta xlic ana'ic ti tey ono'ox jchi'inojoxuc ti vu'un Diosune. Vu'un ti Diosun avu'unique, mu'yuc buch'u yan. Laj sc'oplal ti nijil chimil ta xcomic ta q'uexlal ti jteclumale.

Levítico 20:23

Mu ja'uc xachanbeic ta spasel ti c'u s'elan ta spasic ti jnaclejetic ti ta xavilic ta aba ta asatic ti ta jip loq'uele. Yu'un ti stuquique, mu lecuc scotol ti c'usi laj spasique. Mu ts'icbaj xca'i yu'un.

Levítico 26:15

ti mu tsotsuc sc'oplal ta xava'iique, ti ja' no'ox ta xabajic ti c'usi oy jbel tsots albil sc'oplale xchi'uc ti nopbil cu'une, ti mu xc'ot ta pasel junuc ti jmantaltaque, ti mu xavaq'uic ta venta ti jtratee,

Levítico 26:43

ti ja' to jech xocol xc'ot avu'unic ti laloq'uic batele, ti xcuxet xa xa'i ta xcux ti c'alal ch'abal xa nacaloxuque. Yu'un ta xatojic lec ti c'usi chopol laj apasique. Yu'un laj abajic ti c'usi caloje. Mu'yuc laj avaq'uic ta venta ti oy c'usi jbel tsots albil cu'une.

Levítico 26:44

“Ac'o mi jech laj apasic ti va'i s'elan taj une, manchuc mi oyoxuc ta slumal ti avajcontraique, mu'yuc ta xajbajoxuc. Mi ja'uc ta xajtenoxuc. Mi ja'uc ta jtsutses ac'oplalic. Mi ja'uc ta jch'ay ta co'nton ti jtrate ti laj jpas xchi'uc ti amolmuc'totic ta vo'nee. Yu'un vu'un ti Ajvalil Diosun avu'unique.

Zacarías 11:8

Ta jun no'ox u, laj jtuch'be yabtel oxib j'il-chijetic ta scoj ti xcapet no'ox sjolic ta jtojole, yu'un laj ti sts'iquemal xcuchemal cu'une.

Efesios 2:22

Ja' jech ti vo'oxuc ti oyoxuc ta stojol ti Cristoe, co'ol a'elanic jech c'u cha'al jun pac'obal ti xlatset ta xmuy batel jmoj xchi'uc ti yan jch'unolajeletique, yo' jech ta xmeltsaj ti jbej na ti bu ta xnaqui ti Dios ta sventa ti Xch'ul Espíritue.

Deuteronomio 32:19

Ilin ti Dios ti jech laj yil taje, laj xuj loq'uel ti squerem stsebtaque,

Josué 22:19

Mi ta xanopic ti mu stac' ta xanaquiic ta banomil ti bu laj avich'ique, jelavanic talel ta yosilal Dios ti bu oy xch'ulna ti Diose. Ich'ic jsepuc ti banomil ti jmacojcutique. Mu xatoy abaic ta stojol ti Diose. Mi ja'uc xatoy abaic ta jtojolcutic ta sva'anel yan altar ti c'alal oy xa jun altar yu'un ti Dios cu'untique.

Josué 22:31

Va'i un, xi albatic yu'un ti Finees xnich'on ti pale Eleazare: —Avi tana li'e, ta jbel sc'oplal li' xchi'inojotic ti Diose. Yu'un ti vo'oxuque, vinaj lec ti ma'uc ta xatoy abaic ta stojole. Yu'un laj to atic' abaic ta spojeluncutic ti mu'yuc xquich'cutic tsitsel yu'un ti Diose.

Apocalipsis 21:3

Laj ca'i oy buch'u tsots x'avet ta xlic talel ta vinajel ti xi ta xale: “Q'uelo avil li'e, ja' xa ti bu ti Dios ta xchi'in ti jnaclejetique. Ti stuque ta xchi'in ta naclej ti jnaclejetic ti ja' steclumale. Ti stuquique c'otic xa ta yalab xnich'nab ti Diose, xchi'uc ja' xa c'ot ta Dios yu'unic.

Apocalipsis 7:15

Jech o xal un, li' oyic ta sts'el ti bu chotol ti Diose, yu'un c'ac'al ac'ubal ta xac' sbaic ta tunel li' ta xch'ulna ti Diose. Chabibilic yu'un ti Buch'u chotol ta muc' ta chotlebale.