Levítico 26:1 - Bible in Tzotzil de Chamula

¹ “Mu'yuc c'usi xameltsanic avajdiosic. Mi ja'uc xaloc'taic loc'obbailetic. Mi ja'uc xava'anic ta alumalic ti ta xabis ta ch'ul tonetique, xchi'uc mi oy c'usi ta xaloc'taic ta tonetique. Mu stac' xaquejan abaic ta yich'el ta muc'. Yu'un vu'un ti Ajvalil Diosun avu'unique.

Bible in Tzotzil de Chenalhó with Deuterocanon

¹ “Mu me xapas adiosic; mu me c'usi xava'anic sventa chavich'ic ta muc'. Mu me xava'anic tonetic, ajanbil tonetic te ta avosilalic yu'un chaquejan abaic ta stojol, yu'un vu'un no'ox jtuc Muc'ul Diosun avu'unic.

Levítico 26:1 Iomraidhean Croise

2 Reyes 17:10

Ti ta jujun stseleje, ti ta yolon limajtic te'e, laj sva'anic loc'obbail tonetic xchi'uc sloc'obbailtac ti Aserae.

2 Reyes 17:16

Laj svalopatinic comel scotol smantaltac ti Ajvalil Dios yu'unique. Lic smeltsanic cha'cot sloc'obbail ch'in vacax ti unijesbil ta c'anal taq'uine, xchi'uc jun sloc'obbail ti Aserae, xchi'uc xtoc lic yich'ic ta muc' scotol ti c'usitic oy ta vinajele, xchi'uc ti Baale.

2 Reyes 17:8

Yu'un ja' laj yac'beic yipal ta spasel jech c'u cha'al laj spasic ti yan lumetic ti laj yilic ta sba ta satic ti jipatic loq'uel yu'un ti Diose. Mu yanuc jech laj spasic jech c'u cha'al sliquesojic comel ti ajvaliletic yu'un ti Israele.

Salmos 78:58

Laj sliquesbeic sc'ac'al yo'nton ti laj sva'anic altaretic ti ma'uc c'otem ta sventae; lic snijan sbaic ta yich'el ta muc' ti c'usi meltsanbil ta c'abale, laj syanijesbeic yo'nton un.

Salmos 97:7

Ta x'aq'ueic ta lo'il maxil ti buch'utic ta squejan sbaic ta yich'el ta muc' ti c'usitic meltsanbil ta c'abale, ti cajal xa'i sba xchi'uquique. Scotol ti diosetique ta snijan sbaic ta stojol un.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 23:24

Mu xachanbeic xchopolal ti jteclumetic taje. Mu xaquejan aba ta stojol ti diosetic yu'unique. Mi ja'uc xavich'beic ta muc'. Ja'uc c'otuc ta pasel ti lilinic ta j'ech'el ti loc'tabil diosetic yu'unique, xchi'uc ti c'opojebal ch'ul tonetic yu'unique.

Éxodo 34:17

“J'ech'eluc mi ja'uc xameltsanic ti adiosic ti unijesbil ta taq'uine.

Isaías 2:20

C'alal jech yorail ta xc'ot ta pasel taje, ti viniquetique ta stelanic comel ta na ch'o, ta na sots' ti c'usitic meltsanbil ta c'abal yu'unique, ti laj smeltsanic ta oroe, ta plata ti dios yu'unic ti lic snijan xchiman sbaic ta stojol ta yich'el ta muq'ue.

Levítico 19:4

“Mu xanijan xachiman abaic ta sts'ac-patiel ti c'usi meltsanbil ta c'abale. Mi ja'uc xameltsan ta xrioxinel ti ulesbil ta taq'uine. Yu'un vu'un ti Ajvalil Diosun avu'unique.

Levítico 25:55

Yu'un ti israeletique, ja' cajtuneltac. Yu'un ti jech c'otic ta bats'i cajtuneltaque, yu'un vu'un laj jloq'ues talel ta Egipto. Vu'un ti Ajvalil Diosun yu'unique.

Levítico 7:33

Sbec'tal ti sbats'i o' taje, ja' ta xc'ot ta yu'un ti pale ti buch'u ta xet'es ti xepu'e xchi'uc ti xch'ich'el ti c'usi laj yich' svocol ta sventa ti lajesobil o'ntonale.

Números 33:52

xujic loq'uel scotol ti jnaclejetic ta jteclume. Lilinbeic scotol ti sloc'obbail ti sdiosic ti meltsanbil ta tone, ti unijesbil ta taq'uine. Lilinbeic scotol ti c'usi liquem yu'unic ta yich'el ta muc' ta jujun stseleje.

Hechos 17:29

Yu'un ti jech yalab xnich'nabotic ti Diose, ma'uc xtal ta joltic ta snopel ja' Dios ti c'usitic loc'tabil ta oroe, ta platae, ta tone, ti xvul no'ox ta sjolic c'u s'elan pasbil yu'un ti jnaclejetique.

Deuteronomio 27:15

‘Bac svocol chamuc ta banomil ti buch'u ta smeltsan ti sdiostaque, mi oy c'usi unijesbil ta taq'uin ta sloc'tae, mi ta xac' ta meltsanel ti oy bu c'otem ta pasel ti snac'oj xa leque. Ti jech taje, toj chopol ta xil ti Diose.’ Xi ta stac' scotol ti lume: ‘Jechuc.’

Deuteronomio 5:6

‘Yu'un vu'unun ti Ajvalil Diosun avu'unique ti laj jloq'uesoxuc talel ta Egipto ti bu mosovinbiloxuque.

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.

Jueces 18:30

Ti danitaetique lic sva'anic ti loc'obbail diose yo' jech ta snijan sbaic ta yich'el ta muc'. Ti pale yu'unique, ja' ti Jonatán sbie, xnich'on ti Gersone, smom ti Moisese. Ts'acal to un, snitilultac ti Jonatane ochic ta paleal yu'un ti danitaetique, ja' to ti c'uxi xujbil loq'uique.