Levítico 24:9 - Bible in Tzotzil de Chamula

⁹ Taje, ja' me ti ta xc'ot ta spuculal ti Aarone xchi'uc ti snitilultaque, ti tsots sc'oplal ta sve'ic ti bu tuc'ulanbil leque. Yu'un ti matanaletic ti ta xich' chiq'uel sventa yich'el ta muc' ti Diose, ja' ti ech'em jelavem ts'uiltasbil ta j'ech'ele.”

Bible in Tzotzil de Chenalhó with Deuterocanon

⁹ Li pane ja' yu'unic o li Aarón xchi'uc xnich'nabe. Te no'ox ac'o sve'ic ta ch'ul banamil, yu'un li matanaletic chich' chiq'uel ta jventae ja' bats'i lequil ch'ul matanal c'otem”, xi li Muc'ul Diose.

Levítico 24:9 Iomraidhean Croise

Éxodo 27:21

Jech ti Aarone xchi'uc ti xnich'nabe ta sbainic ta sq'uelel ti lamparaetique yo' jech tsanal sbejel ac'ubal ta stojol Dios ta ch'ul cuarto ti bu nupel ta be xchi'uc Dios ta yeloval ti bu lich'il ti muc' ta poc' ti ja' smacoj ti xcaxail tratee. Ti va'i s'elan taje, ja' jbel ti tsots sc'oplal ti ch'unbil ta xc'ot ti jech ac'o spasic o ti israeletic xchi'uc ti snitilulique.

Levítico 10:12

Ti Moisese xi laj yalbe ti Aarone xchi'uc ti chib xnich'nab Aarón ti come, ja' ti Eleazare xchi'uc ti Itamare: —Tamic lajesic scomelal ti matanal sat ts'unubil ti laj yich' chiq'uel ta stojol ti Diose. Ti mu'yucuc spajubtasbile, ve'anic ta sts'el ti altare, yu'un c'ot ta ch'ul matanal ta j'ech'el.

Levítico 10:17

—¿C'u cha'al mu teyuc no'ox laj ati'ic ti c'usi laj yich' svocol ta scoj mulil ti bu tuc'ulanbil leque? Yu'un ja' jun matanal ti tsots sc'oplal ta j'ech'ele ti laj yac'boxuc ti Diose yo' jech ta xatabeic ti ch'aybil ta xc'ot smul scotolic ti israeletic ta stojol ti Diose.

Levítico 21:22

Ti buch'u taje, xu' ta sve' ti pan taje, ti c'usi ch'acbile, xchi'uc ti c'usi ts'uiltasbil ta j'ech'ele.

Levítico 24:10

Ti jech yorail ta vo'ne taje, oy jun yol me' israelita ants, ti ja' egipcio vinic ti stote, ti jmoj ch'iic xchi'uc xnich'nab ti israeletique. Ti yol xtoc ti me' israelita antse laj stsac ta c'op jun bats'i israel vinic ti bu lamalic ta nacleje.

Levítico 3:17

“Xi s'elan ta xal ti c'usi tsots albil sc'oplale, ti ich'biluc ta muc' sbatel osil ti ta x'ech'ic ti totil me'iletique, ti alab nich'nabiletic ti buyuc no'ox nacalique: J'ech'eluc mu xati'ic ti xepu'e, ti ch'ich'e.”

Levítico 6:11

Ts'acal to un, ta xlic sjelta ti sc'u'e. Ta sjop loq'uel ti tane. Ta xbat yac' ta spat ti bu lamalic ta naclej ti bu tuc'ulanbile.

Levítico 6:16

Ja'uc scomelal ti matanale, ti mu'yuc ac'bil ti spajubtasobile, ta sve' ti Aarón xchi'uc ti xnich'nab ti bu yavil chapanbil ti oy ta yamaq'uil ti Axibalna ti bu Nupel ta bee.

Levítico 6:9

“Xi s'elan xcholet xabijubtas ti Aarón xchi'uc ti xnich'nabe, sventa sc'oplal ti oy c'usi ta xich' chiq'uele: Ti milbil chon bolome, sjunul ac'ubal cajal ta xcom ta sba yac'alil ti altare yo' ta xc'ac' lec ta c'oc'.

Levítico 8:3

Va'i un, tsobo talel xtoc scotol ti israeletic ta ochebal sti' ti Axibalna ti bu nupel ta bee.”

Levítico 8:31

Ts'acal to un, ti Moisese xi laj yalbe ti Aarón xchi'uc ti xnich'nabe: “Ba lacanic ti beq'uet ta ochebal sti' ti Axibalna ti bu Nupel ta bee. Ti bu taje, tunic lajesic xchi'uc ti pan ti oy ta moch ti c'ot ta sventa ti nupob abtelale jech c'u cha'al yalojbun ono'ox mantal ti Dios ti c'alal xi laj yalbune: ‘Ti beq'uet li'e, ja' ta sti' ti Aarone xchi'uc ti xnich'nabe.’

Malaquías 1:12

Ja'uc ti vo'oxuque ta xasoquesbeicun co'nton. Ta xanopic ti c'otem ta jmexa ti caltar ti bajbil tenbil ta xc'ote, yu'un mu'yuc yutsil ta j'ech'el ti ve'lil ta xich' aq'uel ta stojole.

San Mateo 12:4

Och batel ta xch'ulna ti Diose, laj stsac sve'ic ti ch'ul pan ti c'otem ta sventa ti Diose ti c'alal mu'yuc sc'oplal ta stunes ti Davide, mi ja'uc ti xchi'iltaque. Ja' no'ox xu' ta stun ta slajes ti paleetique.

Marcos 2:26

Ti Davide och batel ta ch'ulna, c'alal ja' o ochem ta banquilal pale ti Abiatare, laj stsac ti pan ti c'otem ta sventa ti Diose, yo' ta sve' xchi'uc ti svinictac c'alal ja' no'ox xu' ta sve' stunic ti paleetique.,

San Lucas 6:4

Och batel ta xch'ulna ti Diose. Laj stam ti pan c'otem ta sventa ti Diose. Laj slajesic xchi'uc ti xchi'iltaque c'alal ja' no'ox oy sc'oplal xu' ta slajesic paleetic ti pan taje.

1 Samuel 21:6

Va'i un, ti palee laj yac'be ech'el ti pan ti c'otem ta yu'un ti Diose. C'ajomal no'ox oy ti t'ujbil pan ta sventa ti Dios ti bu taje, ti ja' o laj stamic loq'uel ta altar ti jech c'ac'al taje, ti c'ac'al pan to laj yich' tic'bel comel ti xq'uexole.