Levítico 24:8 - Bible in Tzotzil de Chamula

⁸ Taje, tsots sc'oplal ti ta xich' aq'uel ta stojol ti Diose ti c'alal ta sta sc'ac'alil ti cuxob o'ntonale, ti ja' jun trate sbatel osil ta sventa ti israeletique.

Bible in Tzotzil de Chenalhó with Deuterocanon

⁸ Ta jujun sc'ac'alil chacux avo'ntonique te me xavaq'uic o scotol c'ac'al li pan ta jtojol, vu'un li Muc'ul Diosune. Ja' jech chapal chcom o ta atojolic, vo'oxuc li israeloxuque.

Levítico 24:8 Iomraidhean Croise

1 Crónicas 23:29

Sbainojic ta sq'uelel ti jtunel pan ta xich' cholele, ti juch'bil trigo matanal sat ts'unubale, ti jayaquil bacubtasbil ascalil pane, ti pan ch'abal ac'bil ti spajubtasobile, ti matanaletic ti c'usitic ta'ajesbil ta xalteme, ti c'usitic vots'bile, xchi'uc scotol ti c'usitic bisbil yalale, ti bisbil no'ox ta sbisoltaque.

1 Crónicas 9:32

Ti jlom yuts' yalaltac coatitaetique sbainojic ta xchapanel c'alal ta xcholic ti pan ti tsots sc'oplal c'otem ti c'alal ta sta yorail ti jujun sc'ac'alil cuxob o'ntonale.

2 Crónicas 13:11

Ti stuquique sbainojic xmal sacub ta yac'bel chic'bil matanal ti Diose, ta yaq'uel ti pome, ta yaq'uel ta mexa ti lequil pan ti tsots sc'oplal c'oteme, ta stsanel jujun mal c'ac'al ti lamparaetic ti co'ol s'elan pajleb cantila ti meltsanbil ta oroe. Yu'un ti vu'uncutique ta xc'ot ta pasel c'usi ta sc'an ti Ajvalil Dios cu'untique, ti atenoj ajipoj xa comel ti vo'oxuque.

2 Crónicas 2:4

A'yio ava'i, ta jva'an jbej ch'ulna sventa ta xc'ot ta yu'un ti Ajvalil Dios cu'une, ti ta jchic'be ti muil poxetic ta sventa ti stoyel xi'ele. Staoj yav ta xcac' ti cholbil pane. Ta xcac' ti chic'bil matanal ta jujun xmal sacube, ta jujun sc'ac'alil ti cuxob o'ntonale, ta sq'uinal ti jujun ach' ue, xchi'uc ti yan q'uinetic ti xlic xcaj no'ox ta xich' spasel yu'un Israel sventa stoyel xi'el ti Ajvalil Dios cu'uncutique.

Nehemías 10:33

ti pan ta xich' aq'uel ta tojolile, ti matanal sat ts'unubil ta xich' aq'uel jujun c'ac'ale, ti chic'bil matanal ta xich' aq'uel jujun c'ac'ale, ti c'usitic ta xich' svocol ta matanal ta xich' aq'uel ta jujun cuxob o'ntonale, ti ta xich' aq'uel jujun ach' ue, ti ta xich' aq'uel ti ta xtun ta jujun q'uinetic chlaj ech'uc ta sventa ti oy c'usi na'bile, ti matanaletic ta xich' aq'uel ta sventa scotole, ti matanal ta xich' aq'uel ta sventa smul ti Israele, xchi'uc ti c'usitic ta xtun ta sventa stoyel xi'el ti Dios cu'uncutic ta ch'ulnae.

Éxodo 25:30

Ti pan ti c'u yepal ta xc'ot ta cu'une, ta xmexail xavet'esbun talel ta jtojol.

Números 4:7

Ta slamanic xtoc jlic ic'-ic' losantic tsajal poc' ta sba mexa ti oy ta jtojolale. Ti ta sbae, ta xaq'uic ti sets'etique, ti muc'tic lechetique, ti bisetique, ti jarruetic ti ja' yaviltac ti vinoe, xchi'uc ti pan ti ta xich' aq'uel jujun c'ac'al ti mu'yuc ac'bil ti spajubtasobile.

1 Samuel 21:7

Ta yorail taje, ja' tey oy jun yajtunel ti Saúl ta ch'ulnae, ti ja' jun edomita ti sbiinoj Doege, banquilal yu'unic ti yajq'uel-chijtac ti Saule.