Levítico 24:6 - Bible in Tzotzil de Chamula

⁶ Va'i un, cajano ta ba mexa ti ja' meltsanbil ta bats'i oro ti oy ta stojol ti Diose. Cholo ta cha'chol ti vacbej muc'tic pan ti jujuchole.

Bible in Tzotzil de Chenalhó with Deuterocanon

⁶ Te xavaq'uic ta ba mexa ti pasbil ta c'anal taq'uin te oy ta jtojole. Cha'chol xavaq'uic, vacvac yich'oj sba jujuchol.

Levítico 24:6 Iomraidhean Croise

1 Reyes 7:48

Ja' jech xtoc ti Salomone xi s'elan laj yac' ta meltsanel ti c'usitic ta xtun ta ch'ulna yu'un ti Diose: ti oro altare, ti oro mexa ti ta xtun ta scajanobil panetic ti ta xc'ot ta yu'un ti Diose.

2 Crónicas 13:11

Ti stuquique sbainojic xmal sacub ta yac'bel chic'bil matanal ti Diose, ta yaq'uel ti pome, ta yaq'uel ta mexa ti lequil pan ti tsots sc'oplal c'oteme, ta stsanel jujun mal c'ac'al ti lamparaetic ti co'ol s'elan pajleb cantila ti meltsanbil ta oroe. Yu'un ti vu'uncutique ta xc'ot ta pasel c'usi ta sc'an ti Ajvalil Dios cu'untique, ti atenoj ajipoj xa comel ti vo'oxuque.

2 Crónicas 4:19

Ti Salomón xtoque laj yac' ta meltsanel ti c'usitic ta xtun ta xch'ulna ti Diose, ti altar ti meltsanbil ta oroe, ti mexaetic sventa xcholobil pan ti c'otem ta yu'un ti Diose,

Nehemías 10:33

ti pan ta xich' aq'uel ta tojolile, ti matanal sat ts'unubil ta xich' aq'uel jujun c'ac'ale, ti chic'bil matanal ta xich' aq'uel jujun c'ac'ale, ti c'usitic ta xich' svocol ta matanal ta xich' aq'uel ta jujun cuxob o'ntonale, ti ta xich' aq'uel jujun ach' ue, ti ta xich' aq'uel ti ta xtun ta jujun q'uinetic chlaj ech'uc ta sventa ti oy c'usi na'bile, ti matanaletic ta xich' aq'uel ta sventa scotole, ti matanal ta xich' aq'uel ta sventa smul ti Israele, xchi'uc ti c'usitic ta xtun ta sventa stoyel xi'el ti Dios cu'uncutic ta ch'ulnae.

Nehemías 10:34

Jech ec ti paleetique, ti levitaetique, xchi'uc scotol ti jteclume, ti c'u quepal oyuncutic ta jujuvoq'ue, laj jq'uelcutic ta yorail buch'u ta xc'ot ta stojol ta yich'el batel ti si' jujun jabil ta xch'ulna Dios, ti ta xich' chiq'uel ta yaltar ti Ajvalil Dios cu'uncutic jech c'u cha'al ta xal ti ts'ibabil ta jbel tsots albile.

Éxodo 25:30

Ti pan ti c'u yepal ta xc'ot ta cu'une, ta xmexail xavet'esbun talel ta jtojol.

Éxodo 39:36

ti mexae xchi'uc scotol ti c'usitic ta xtun teye, ti pan ti bevbil ta stojol ti Diose,

Ezequiel 41:22

Yich'oj vo'ch'ix (1 m.) sjamlej ti jujujote, vuc-ch'ix xchi'uc jquejlej (1.50 m.) ti stayleje. Yich'oj smac sti'il ta xocontac. Ti spac' xocone xchi'uc ti yacane, naca ta te' meltsanbil. Ti vinique xi laj yalbune: “Ti mexa le'e, ja' ti oy o ta stojol ti Diose.”

1 Corintios 14:40

Ja'uc le'e, scotol oyuc smelol stuq'uil ti c'usi ta xapasique.

Hebreos 9:2

Yu'un ti ch'ulna ti pasbil ta nucule xi s'elan laj yich' meltsanele: Ti ta sliquebale, ja' ti bu comem ti ch'ul cuartoe, ti bu comem ti yavil ti cantilae, xchi'uc ti mexa ti c'otem ta scajleb pan ta sventa ti Diose.