Levítico 24:4 - Bible in Tzotzil de Chamula

⁴ Tsots sc'oplal ta xchapan lec ta meltsanel ti lamparaetique, ti co'ol s'elan spajleb cantila ti naca bats'i oroe yo' jech ta xtil ta stojol ti Diose.

Bible in Tzotzil de Chenalhó with Deuterocanon

⁴ Jech noxtoc ja' oy ta sventa chchapan lec li candiletic ta candelero pasbil ta c'anal taq'uine yu'un jech te tsanaluc o ta jtojol.

Levítico 24:4 Iomraidhean Croise

1 Reyes 7:49

Ma'uc no'ox taje, ti spajlebtac cantilaetic ti naca ta lequil oro meltsanbil ti oy ta yeloval ti Bats'i Cuxul Ch'ul Cuartoe, vo'ob (5) oy ta stuq'uil bats'i c'ob, vo'ob (5) oy ta stuq'uil ts'et c'ob, naca oro ti xnichimaltac loc'tabile, ti lamparaetique, ti slots'obiltaque,

1 Crónicas 28:15

ti ta stunesic o ta spajleb cantila ti ta xich' meltsanele, xchi'uc ta stunesic ta lampara ti ta xich' meltsanele, jech c'u cha'al ti oroe, ti plata ti jech ono'ox yalal bisbil laj yac'be ta sc'ob jech c'u cha'al ta xich' ti jujune.

2 Crónicas 29:7

Laj smacbeic ti ochebal sti'e. Laj stubbeic ti lamparaetic une. Laj yicta sbaic ta xchiq'uel ti pome, ta yaq'uel ti chic'bil matanal ta ch'ulna ta stojol Dios yu'un ti Israele.

Éxodo 31:8

Ma'uc no'ox taje, ta smeltsan xtoc ti mexae xchi'uc xchaplej ti c'usitic ta xtun teye, ti bats'i oro spajleb cantilae xchi'uc xchaplej ti c'usitic ta xtun teye, ti altar xchic'obil pome.

Éxodo 39:37

ti spajleb cantilaetic ti meltsanbil ta bats'i oroe, xchi'uc ti lamparaetique, (ja' ti lamparaetic ti q'uelbil tuc'ulanbil leque), xchi'uc scotol ti c'usitic ta xtun teye, ti aceite sventa ta xtun ta stilesobile.

Jeremías 52:19

Xi s'elan ti co'ol laj spas ec ti banquilal soldado yu'un ti jchabivaneje, laj yich' batel scotol ti c'usitic meltsanbil ta oroe, ta platae: ti muc'tic lech-lech taq'uine, ti yav ac'aletique, ti tazaetique, ti yav tanetique, ti co'ol s'elan yav pajleb cantilae, ti muc'tiquil leche, ti bisetic ti ja' xch'amobil ti matanal vinoe.

Levítico 24:3

Ja' ta sbain ta xchapanel ti Aarone yo' jech tsanal o sjunul ac'ubal ta stojol Dios ta Axibalna ti bu ti nupel ta bee, ta spat ti bu lich'il ti muc' ta poc' ta sts'el xcaxail ti tratee. Taje, ta xc'ot ta jbel c'usi albil ti tsots sc'oplal ti na'bil ta xcom o ta atojolique, ti ta x'ech' ta stojolic ti totil me'iletique xchi'uc ti alab nich'nabe.

Números 3:31

Ti jvoc' taje, ja' sbainojic ta xchabiel xcaxail ti tratee, ti mexae, ti co'ol s'elan spajleb cantilae, ti altaretique, ti c'usitic t'ujbil ti tsots sc'oplal ta xtun ta sventa ti c'usi ch'unbile, ti poq'uetique, xchi'uc scotol ti c'usitic jujutos stunele.

Números 4:9

Mi laj taj une, ta stsaquic talel jlic ic'-ic' losantic tsajal poc' ti ja' ta smaquic o ti pajleb cantilae, ti lamparaetique, ti slots'obil ac'ale, ti bic'tal sets'etique, xchi'uc scotol ti vasuetic ti ta xtun yu'unic ta yavil aceitee.

Números 8:2

“Albo ya'i ti Aarone, ti c'alal ta sa'anbe yaviltac ti bu ta xcom ti lamparaetique, ac'o yac'be batel xojobal sat ta yeloval ti bu oy ti pajleb cantilae.”

Hebreos 9:2

Yu'un ti ch'ulna ti pasbil ta nucule xi s'elan laj yich' meltsanele: Ti ta sliquebale, ja' ti bu comem ti ch'ul cuartoe, ti bu comem ti yavil ti cantilae, xchi'uc ti mexa ti c'otem ta scajleb pan ta sventa ti Diose.

Apocalipsis 1:20

Le'e, xi smelol ma' ti vucub c'anal ti jtsacoj ta jbats'i c'ob laj avile, xchi'uc ti laj avil ti vucub yavil cantila meltsanbil ta oroe: ti vucbej c'anale, ja' sc'oplal ti buch'u sventainojic ti vuc-chop tsobobbaile. Ti vucub yavil cantile, ja' sc'oplal ti vuc-chop jch'unolajeletique.

Apocalipsis 11:4

Ti cha'vo' rextico taje, ja' sc'oplal ti cha'tec' olivo te'e, xchi'uc ti chib yav cantila oy ta stojol ti Ch'ul Yajval banomile.

Apocalipsis 2:5

Jech o xal un, vuleso ta avo'nton bu layanij. Sutan talel ta stojol ti Diose. Cha'tamo liquel jech c'u cha'al ta sliquebale. Yan mi mu jechuc ta xapase, ta xital no'ox ta atojol, ta jloq'uesbot ech'el ti yav cantila ti oy ta yavil mi mu xasut talel ta stojol ti Diose.