Levítico 24:2 - Bible in Tzotzil de Chamula

² “Albo ya'i mantal ti israeletique ti ac'o yich'boxuc talel ti bats'i yaceiteal olivoe yo' jech staoj yav tsanal ti lamparaetique.

Bible in Tzotzil de Chenalhó with Deuterocanon

² “Albo scotol achi'iltac ti ac'o yich'ic tal mero yaceiteal olivaetic sventa candiletic yu'un tsc'an te tsanal o scotol c'ac'al.

Levítico 24:2 Iomraidhean Croise

2 Crónicas 13:11

Ti stuquique sbainojic xmal sacub ta yac'bel chic'bil matanal ti Diose, ta yaq'uel ti pome, ta yaq'uel ta mexa ti lequil pan ti tsots sc'oplal c'oteme, ta stsanel jujun mal c'ac'al ti lamparaetic ti co'ol s'elan pajleb cantila ti meltsanbil ta oroe. Yu'un ti vu'uncutique ta xc'ot ta pasel c'usi ta sc'an ti Ajvalil Dios cu'untique, ti atenoj ajipoj xa comel ti vo'oxuque.

Salmos 119:105

Ti ac'ope yac'oj xojobal bu ta jtec' batel ti coque, sac jaman no'ox ech'el ti jbe yu'une.

Salmos 119:130

Smelol ti ac'optac ta xich' aq'uel ta na'ele, ta xjam yu'un ti snopobile, ta stojobtasatic yu'un ti buch'u ch'abal ti sbijilique.

Éxodo 39:37

ti spajleb cantilaetic ti meltsanbil ta bats'i oroe, xchi'uc ti lamparaetique, (ja' ti lamparaetic ti q'uelbil tuc'ulanbil leque), xchi'uc scotol ti c'usitic ta xtun teye, ti aceite sventa ta xtun ta stilesobile.

Éxodo 40:24

Ja' jech xtoc ti spajleb cantilae, laj yich' ochel ta yut ti Axibalna ti bu nupel ta bee. Laj yac' ta yeloval mexa, ta stuq'uil yolon ti yac'ol xocon sloq'ueb c'ac'al yu'un ti Axibalnae.

Proverbios 6:23

Melel un, ti mantaletique, ti chanubtasele, c'otem ta lampara sac jaman ti yutsile; ti tojobtasel une, ti bijubtasele, j'ic'vanej ta sventa cuxlejal.

Isaías 11:2

Mu xch'ac sba ti xcuxlejal Dios ta stojole. Ta x'ac'bat sbijil, snopbenal, spajesel sba, yipal yu'un, ta yojtiquinel ti c'usi leque, ta xi'tael ti Diose.

Isaías 8:20

yo' jech ta staic tojobtasel, mi ja' ti oy c'usi xu' ta x'albatique?” Ta j'ech'el jeche' ono'ox ti ta xc'opojique, ti c'usi ta xalique, jeche' no'ox lo'il a'yej.

Levítico 24:1

Ti Diose xi laj yalbe ti Moisés ti c'alal laj sc'opon talele:

Levítico 24:3

Ja' ta sbain ta xchapanel ti Aarone yo' jech tsanal o sjunul ac'ubal ta stojol Dios ta Axibalna ti bu ti nupel ta bee, ta spat ti bu lich'il ti muc' ta poc' ta sts'el xcaxail ti tratee. Taje, ta xc'ot ta jbel c'usi albil ti tsots sc'oplal ti na'bil ta xcom o ta atojolique, ti ta x'ech' ta stojolic ti totil me'iletique xchi'uc ti alab nich'nabe.

San Mateo 4:16

scotol ti jnaclejetic taje, ti oyic ta ic'al osile, laj yilic saquilal osil un. Ti buch'utic oyic ta squeoval ti chamel lajebale, c'ot ta stojolic un ti saquilal osile.”

San Mateo 5:16

Ac'beic yipal, vinajuc xojobinel aluzic ta stojol ti yane. C'alal ta xilic ti lec c'usitic ta xapasique, ta slequil-c'optaic ti Dios avu'unic ti oy ta vinajele.

San Lucas 1:79

ta yac'bel saquilal osil ti buch'u oyic ti bu spajebal xa ic' ti osile, xchi'uc ta stael lamajemuc ti o'ntonale.”

San Lucas 12:35

“Chaplucoxuc, meltsan abaic ta slapel ac'u'ic, xchi'uc tsanluc ti alámparaique.

San Juan 1:4

Ja' ta sventa ayan talel ti cuxlejale. Ti cuxlejal taje, ja' c'ot ta saquilal osil yu'un ti jnaclejetic ta banomile.

San Juan 1:9

Talem xa ta banomil ma' ti Buch'u ta xac' ti xojobal ta stojol scotol ti jnaclejetic ta banomile.

San Juan 5:35

Yu'un ti c'usi laj yalboxuc ti Juane, co'ol s'elan jun lámpara ti tsanal ta xac' xojobale. Jech ti vo'oxuque jayib no'ox c'ac'al xamuyubajic xa yu'un ti luz taje.

San Juan 8:12

Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

2 Corintios 4:6

Yu'un ja' laj yal stuc ti Diose ti xojobinuc ti luz ta ic'al osile. Jech xtoc laj yac' xojobinuc ta co'ntontic ti luze yo' jech ta xcojtiquinbetic yutsilal slequilal ti Dios ti xojobin no'ox yutsil ta stojol ti Jesucristoe.