Levítico 24:11 - Bible in Tzotzil de Chamula

¹¹ Ti squerem ol ti me' israel antse laj soquesbe yo'nton ti Diose. Laj sbis ta cotol chaval. Va'i un, laj yiq'uic batel ta stojol ti Moisese. Sbi ti sme' taje, ja' Selomit, yantsil nich'on ti Dibrí ti ayan talel sts'unubal ta stojol snitilultac ti Dane.

Levítico 24:11 Iomraidhean Croise

2 Samuel 12:14

Ja'uc le' une, ti ech'em laj asoquesbe yo'nton ti Diose, ti anich'on ti naca to no'ox voq'ue, ta j'ech'el ta xcham.

1 Reyes 21:10

Chotanic ta sts'el Nabot chib jut c'op rexticoetic ta ts'acal to une. Ac'o yalic ta jamal ti chopol ta xc'opoj ta stojol ti Diose, xchi'uc ti laj xa sbis ta cotol chaval ti ajvalile. Jochic loq'uel ta ts'acal to un. Pujbeic ton, milic ya'i.”

1 Reyes 21:13

C'otic chib jut c'op rexticoetic ta ts'acal to un, lic yalic ta sventa scontrainel ti Nabot ta sba ta satic ti c'u yepal tsobolique. Jamal laj yalic ta j'ech'el ti chopol c'opoj ta stojol ti Diose, xchi'uc ta stojol ajvalil ti Nabote. Va'i un, laj xjochic loq'uel ta jteclum. Pujbil laj ta ton yu'unic.

2 Reyes 18:30

Mi ta xac'boxuc ana'ic ti Ezequías ti c'otuc ta avo'ntonic ta spojoxuc ti Diose, ti xi ta xalboxuque: ‘Ma' ti Diose, jbel sc'oplal ta xispojotic, mi ja'uc ta xac' ye sti' ta x'och ta yoc ta sc'ob ajvalil Asiria ti jteclum li'e’,

2 Reyes 18:35

¿Bu jchopucal diosetic ti cuch yu'un ta spojel ti steclumal ta yoc ta sc'ob ti ajvalil Asiriae? ¿C'u cha'al ta to xanopic ti xu' yu'un ti Dios ta stic' sba ta spojel ti Jerusalene?

2 Reyes 18:37

Va'i ti Eliaquim une, ti ja' sbainoj ti chapanobbaile, ti Sebna ti ta xac' ta na'el ti c'usitic ta xc'ot ta pasele, xchi'uc ti Joa yajts'ibajom ti ajvalile, mu xa x'ech' laj ya'iic. Lic xch'i' ta jatel ti sc'u'ique. Batic ta stojol ti Ezequiase yo' jech ta xalbeic ya'i scotol ti c'usi laj yal comel ti banquilal j'opisial yu'un ti Asiriae.

2 Reyes 19:10

ti xi laj stac' ta alele: “Ti Dios ti stsacoj lec yip avo'nton ta stojole, ti ta xalbot ti mu x'och ta coc ta jc'ob ti Jerusalene, c'ajomal no'ox ta xalaj ta lo'lael yu'un.

2 Reyes 19:22

¿Buch'u la laj atsac ta c'op ti avaloj une, ti laj ati'ol-c'optae? ¿Buch'u la ti laj atoy ave ta stojole, ti xnelet no'ox asat laj apasbee? Ja' la ti Ch'ul Dios yu'un ti Israel une.

2 Reyes 19:6

Ti Isaiase xi laj sc'ubanbe ti ac'o yalbeic ya'i ti yajvalic jech c'u cha'al li'e: “Ti Diose xi ta xale: ‘Mu xaxi' yu'un ti va'i s'elan chopol loc' ta yeic ta jtojol yajtuneltac ti ajvalil Asiriae.

Job 1:11

Ja'uc ti le' une, pojbo avil scotol ti c'usi oy yu'une. Ta aba ta asat, ta xavil ta sbisot ta cotol chaval.

Job 1:22

Ti jech c'ot ta stojol scotol ti Job une, va'i un, mu'yuc laj sa' smul. Mi ja'uc oy c'usi chopol jbeluc laj yal ta stojol ti Diose.

Job 1:5

C'alal ta stsuts ti ve'el uch'ubajel c'u sjalile, ta stsob xnich'nab ti Jobe. Sob xa ta xlic ta sva'an sba ta yaq'uel chic'bil matanal ta sventa ti jujunic yo' ta smese stuseic yu'un ti smulique. Jech stalel ta spas ti Jobe, ti ta snopilan ti oy bu xu' laj sta smul ti xnich'nab ta scoj ti mi oy bu ta yut yo'ntonic laj sbisic ta cotol chaval ti Diose.

Job 2:5

Yaleso avil avoc ac'ob ta stojol. Ta xavil ta xlic sbisot ta cotol chaval.

Salmos 74:18

Mu xch'ay xava'i un, Cajval, mu xicta sba scontrainelot ti avajcontrae; pimunebic ti jnaclejetic ti ta sbisot ta cotol chavale.

Salmos 74:22

Va'lan tec'lan un, Ch'ul Dios, pojo aba ti soquem ac'oplale. Mu xch'ay xava'i ta bet'bunel yeic ta soquesel ac'oplal ti buch'u pimuneb xa'i sbaique.

Éxodo 18:22

Sbainoj ta xc'ot ta xchapanel ti jteclume. Ja'uc ti c'usi tsotsic ti mu xchapaj yu'unique, ta xac' ta avoc ta ac'ob ta xchapanel. Yan ti bic'tal c'opetique, ac'o xchapan ti stuquique. Ja' to jech ta xyoch ti avabtel ti ep abainoje. Yu'un ja' no'ox jech xu' ta scoltaoxuc ta sbainel.

Éxodo 18:26

Va'i un, ti stuquique ja' lic xchapanic ti c'uc no'ox ora ta sc'anic chapanel ti israeletique. Yan ti c'op ti bu tsots ta chapanele, ja' ta xac'beic xchapan ti Moisese. Ti bu mu tsotsuc ta chapanele, ja' ta xchapan stuquic.

Éxodo 20:7

“Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Éxodo 22:28

“Mi ja'uc xasoquesbe yo'nton ti Diose. Mu xabis ta cotol chaval ti ajvaliletic yu'un ti alumale.

Éxodo 3:15

Ma'uc no'ox taje, yu'un ti Diose xi laj yalbe ti Moisese: —Xi xavalbe ya'iic ti israeletique: “Ti Ajvalil Dios yu'un ti amolmuc'totique, ja' ti Dios yu'un ti Abrahame, ti Isaaque, ti Jacobe, ja' laj stacun talel ta atojolic.” Ja' jech ojtiquinbilun ta xic'ot sbatel osil. Ja' jech albil o ti jc'oplale.

Isaías 8:21

Ti jnaclejetique xloc' x'ochic no'ox batel, ilbajinbilic, mu x'ech' xjelav ta xa'iic ti vi'nale. Ti jech mu x'ech' xjelav ta xa'iic ti vi'nale, ta xlic pucujibuquic xchi'uquic. Ta xlic sbisic ta cotol chaval ti ajvalil yu'unique, ti sdiosique. Ti stoy xa satic ta toyole.

Levítico 24:10

Ti jech yorail ta vo'ne taje, oy jun yol me' israelita ants, ti ja' egipcio vinic ti stote, ti jmoj ch'iic xchi'uc xnich'nab ti israeletique. Ti yol xtoc ti me' israelita antse laj stsac ta c'op jun bats'i israel vinic ti bu lamalic ta nacleje.

San Mateo 26:65

Va'i un, ti banquilal palee lic xch'i' ta jatel ti sc'u'e, svinajeb ti toj chopol laj ya'ie, xi laj yale: —Ti vinic li'e, laj xa xchopol-c'opta ti Diose. Mu xa tsotsuc sc'oplal ta jc'antic yan rextico. Laj xa ava'iic ti toj chopol ta xc'opoje.

Romanos 2:24

Oy smelol un cha'e ti xi ta xal ti ch'ul c'ope: “Ta acojic vo'oxuc ti chopol ta xc'opojic ta stojol Dios ti jyanlumetique.”

1 Timoteo 1:13

manchuc mi lichopol-c'opoj ta stojol ta vo'nee, ti laj quilbajine, ti laj jsa'be smule. Ja'uc ti Diose laj xc'uxubinun, yu'un mu jna' ti c'usi ta jpase, yu'un ma'uc jch'unolajelun to ox.

Apocalipsis 16:11

Manchuc mi jech un, mu'yuc laj yicta sbaic ta spasolanel ti c'usitic chopole. Yu'un c'ajomal no'ox yac'ojbeic yipal ta yalel c'usitic chopol ta xloc' ta yeic ta stojol ti Dios ti oy ta vinajele, ta scoj ti mu x'ech' svocolic yu'un yipal xc'uxul ti chin ti oy ta stojolique.

Apocalipsis 16:21

Ti ta vinajele, baj talel muc'tiquil bot ta sbaic ti jnaclejetic ta banomile, ti ech'em ta cha'vinic (40) kilo yalal ti jujubeje. Ti jnaclejetique ech'em no'ox c'usi chopol ta xloc' ta yeic ta stojol ti Diose, ta scoj ti cuxul j'ilbajinvanej vocol ta xich'ic yu'un ti bote.