Levítico 23:6 - Bible in Tzotzil de Chamula

⁶ “Ta yo'lajunebal sc'ac'alil ti ja' ono'ox yuale, ta xich' pasel sq'uinal ti pan ti mu'yuc ac'bil ti spajubtasobile ti ja' yich'el ta muc' ti Diose. Yu'un vucub c'ac'al sjalil, mu'yuc ta xich' ve'el ti pan ti ac'bil ti spajubtasobile.

Bible in Tzotzil de Chenalhó with Deuterocanon

⁶ “Ta svo'lajunebal c'ac'ale ja' xa yorail chapasic li q'uin sventa pan ti mu'yuc yich'oj svolesubil xch'ute; ja' sventa chavich'icun ta muc'. Vucub c'ac'al chlic ave'ic pan ti mu'yuc yich'oj svolesubil xch'ute.

Levítico 23:6 Iomraidhean Croise

Éxodo 12:14

Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Éxodo 34:18

“Pasic ti q'uin ti yorail ta xich' ve'el ti pan ti mu'yuc ac'bil spajubtasobile. Co'ol s'elan jech c'u cha'al laj calboxuc ava'iique, vucub c'ac'al sjalil ta xave'ic pan ti mu'yuc ac'bil spajubtasobile. Ti t'ujbil ta sc'ac'alil ta x'ech'e, ja' me ta yual Abib, yu'un ja' jech yual laloq'uic talel ta Egipto.

Deuteronomio 16:3

“Ti milbil chon bolometique, ta xalajesic xchi'uc pan ti ch'abal ac'bil ti spajubtasobile. Vucub c'ac'al sjalil ta xave'ic pan ti ch'abal ac'bil ti spajubtasobile, ti ja' jun pan sventa svinajeb oy ti vocole, yu'un ta jech no'ox yepal laloq'uic talel ta anil ta Egiptoe. Ti jech to cuxuloxuc une, vuleso ta avo'ntonic ti sc'ac'alil laloq'uic talel ta Egiptoe.

Deuteronomio 16:8

Yu'un vaquib c'ac'al sjalil ta xave'ic pan ti ch'abal ac'bil ti spajubtasobile. Ja'uc ta yucubal c'ac'al une, ta xapasic jun muc' ta ch'ul tsoblej sventa stael ta na'el ti Ajvalil Dios avu'unique. Yu'un ti jech c'ac'al taje, mi jtosuc abtel ta xavabtelanic.