Levítico 23:5 - Bible in Tzotzil de Chamula

⁵ “Ta smalil c'ac'al ta xchanlajunebal sc'ac'alil ti sliqueb ue, ta xich' pasel sna'obil ti q'uin Colel sventa yich'el ta muc' ti Diose.

Bible in Tzotzil de Chenalhó with Deuterocanon

⁵ “Ta sbatel c'ac'al ta xchanlajunebal c'ac'al yochel li sliqueb ue, ja' yorail tsc'an chapasic li q'uin Coltael sventa chavich'icun ta muq'ue.

Levítico 23:5 Iomraidhean Croise

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Ezequiel 45:21

“Ta xchanlajunebal (14) c'ac'al yu'un ti sliqueb ue, ta xaliquesic ta spasel q'uin Colel, vucub (7) c'ac'al sjalil mu'yuc yich'oj spajubtasobil ti pan ta xave'ique.

San Mateo 26:17

Sliquebal c'ac'al yu'un ti q'uin c'alal ja' o ta sve'ic pan ti mu'yuc yich'oj ti spajubtasobile, ti yajchanc'optaque nopajic batel ta stojol ti Jesús ti xi laj sjac'beique: —Albun ca'icutic, ¿bu ta xac'an chba jchapancutic ti ve'lil yo' ta xave' sventa ti q'uin Colele?

Marcos 14:12

Ti sba c'ac'al sliqueb q'uine c'alal ja' o ta sve'ic pan ch'abal yich'oj ti spajubtasobile, yorail xtoc ta xich' milel ti chij sventa ti q'uin Colele, ti yajchanc'optaque xi laj sjac'beic ti Jesuse: —¿Bu ta xac'an chba jpascutic ve'lil yo' jech ta xave' ta sventa ti q'uin Colele?

San Lucas 22:7

Sta yorail ti q'uin ta sve'ic pan ti ch'abal yich'oj spajubtasobile, ti ja' o sc'ac'alil ta xich' milel ti chij sventa ti q'uin Colele.

Josué 5:10

C'alal lamalic ta naclej ta Gigal ti israeletique, ta smalil ti xchanlajunebal c'ac'al yu'un ti ue, laj spasic q'uin sventa sna'obil q'uin Colel ta stenlej yu'un Jericó.