Levítico 23:21 - Bible in Tzotzil de Chamula

²¹ “Ti jech c'ac'al taj une, tsots sc'oplal ta xapasic jun ch'ul tsoblej. Mi jtosuc abtel stac' xapasic. Taje, ja' jun mantal ti na'bil ta xcom ti ta x'ech' ta stojol ti totil me'ile, xchi'uc ti alab nich'nab ti buyuc no'ox nacaloxuque.

Bible in Tzotzil de Chenalhó with Deuterocanon

²¹ “Li jun c'ac'al le'e tsc'an chapasic jun ch'ul tsobajel sventa chavich'icun ta muc'. Mu me boch'o spas jchopuc tsatsal abtel. Li'i ja' jun mantal chcom o ta atojolic c'alal ta avalab anich'nabic ti buyuc no'ox nacaloxuque.

Levítico 23:21 Iomraidhean Croise

Génesis 17:7

Ti jtrate ti ta jpas ta atojole xchi'uc ta stojol ti anitilultac ti ts'acal to ta xch'i xc'opojic talele, j'ech'el ta xic'ot ta Dios yu'unic, yu'un lic'ot ta Dios avu'un.

Éxodo 27:21

Jech ti Aarone xchi'uc ti xnich'nabe ta sbainic ta sq'uelel ti lamparaetique yo' jech tsanal sbejel ac'ubal ta stojol Dios ta ch'ul cuarto ti bu nupel ta be xchi'uc Dios ta yeloval ti bu lich'il ti muc' ta poc' ti ja' smacoj ti xcaxail tratee. Ti va'i s'elan taje, ja' jbel ti tsots sc'oplal ti ch'unbil ta xc'ot ti jech ac'o spasic o ti israeletic xchi'uc ti snitilulique.

Isaías 11:10

Ta yorail taje, ti sc'oplal sq'uelom xchumanil snitilul ti Isaie, ta xlic sva'an sba ti ta xc'ot ta senyail yu'un ti lume. Ta xlic sa'anan talel ti muc'tiquil lumetique, ti bu tiq'uile, jun yutsil ta j'ech'el.

Levítico 23:14

Ti c'u sjalil ti sc'ac'alil ti ta xavich'beic batel smoton ti Diose, mu me xave'ic ti pane, ti bacubtasbil trigoe, mi ja'uc ti yox toe. Taje, ta xc'ot ta jbel ti c'usi tsots albil ti na'bil ta xcom ti ta x'ech' ta stojol ti totil me'iletique, xchi'uc ti alab nich'nabiletic ti buyuc no'ox nacaloxuque.

Levítico 23:2

“Xi xcholet xavalbe ya'i ti israeletic jech c'u cha'al li'e: Ti tsots sc'oplal yorailtac ti ta xich' pasel ta sventa ti Diose, ja' jech s'elan ti ta xavac'be sbiin ch'ul tsobleje:

Levítico 23:20

Va'i un, ti palee ta xac' jelavel ti chon bolometic ti ta xc'ot ta jtunel matanaletic ta stojol ti Diose, jmoj xchi'uc ti pan ti ja' sba sat ts'unubile, xchi'uc ti cha'cot chije, ti ja' bevbil ta yu'untac Dios yo' ta xich' ti palee.

Levítico 23:25

Va'i un, tsots sc'oplal ta xachiq'uic junuc matanal sventa yich'el ta muc' ti Diose. Mi jtosuc abtel xapasic.”

Levítico 23:31

“Mi jtosuc abtel ta xapasic. Taje, yu'un ta xc'ot ta jbel c'usi tsots albil ti na'bil ta xcom ta stojolic ti totil me'iletique, xchi'uc ti alab nich'nabiletic ti buyuc no'ox nacaloxuque.

Levítico 23:4

“Xi s'elan yorailtac ti tsots sc'oplal ta xapasic ti ch'ul tsoblej ta sventa yich'el ta muc' ti Diose, ti tsots sc'oplal ti xi s'elan ta xatsob abaique:

Levítico 23:7

Ti ta sliqueb sba c'ac'ale, ta xich' pasel jun ch'ul tsoblej. Mi ja'uc jtosuc abtel ta xapasic.

Levítico 3:17

“Xi s'elan ta xal ti c'usi tsots albil sc'oplale, ti ich'biluc ta muc' sbatel osil ti ta x'ech'ic ti totil me'iletique, ti alab nich'nabiletic ti buyuc no'ox nacalique: J'ech'eluc mu xati'ic ti xepu'e, ti ch'ich'e.”

Números 18:23

Yu'un c'ajomal no'ox xu' ta xtunic ti levitaetic ta abtel ta Axibalnae. Jech xtoc cajal ta xc'ot ta sbaic ti bu mu lecuc ta xbat yu'unique. Taje, ta xc'ot yu'unic ta jbel c'usi tsots albil ti bejel ta xcom o ta stojol ti totil me'ile, xchi'uc ti alab nich'nabe. Ti levitaetic une mu'yuc yosil sbanomilic ta stojol ti israeletique.

Deuteronomio 16:11

Yu'un ta xapasic q'uin ta sba ta sat ti Ajvalil Dios avu'unique, ta yavil ti t'ujbil yu'un ti bu xba yich' tael ta na'ele, jmoj tsobol ta xabatic xchi'uc ti avalab anich'nabique, ti amosovique, ti levitaetique, ti jyanlumetique, ti buch'u mu'yuc xa buch'u oy yu'une, ti me'unal antsetic ti nacal ta alumalique.