Levítico 23:2 - Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: Ti tsots sc'oplal yorailtac ti ta xich' pasel ta sventa ti Diose, ja' jech s'elan ti ta xavac'be sbiin ch'ul tsobleje:

Bible in Tzotzil de Chenalhó with Deuterocanon

² “Jech xavalbe scotol li achi'iltac ta israelale: Li otoletic xchi'uc li c'ac'aletic ti voc'bil chcom o ta jventa, ja' li ch'ul tsobajeletic sbi chcom avu'unique, ja' li'i:

Levítico 23:2 Iomraidhean Croise

2 Reyes 10:20

Jech o xal laj scaj'al mantal ti ac'o yich' pasbel sq'uinal smuyubtael ti Baale, ti jech laj yich' pasele.

1 Crónicas 23:31

c'alal yorail ta xaq'uic scotol chic'bil matanal ta stojol ti Dios ta sc'ac'alil cuxob o'ntonale, ti jujun q'uin yu'un ach' ue, xchi'uc ti q'uinetic ti tsots sc'oplale, ti j'ech'el tunicuc yu'un Dios c'u yepal tsacbil ti sbiique.

2 Crónicas 2:3

Ta ts'acal to un, ti Salomón une xi laj stac batel mantal ta stojol ti Hiram ajvalil yu'un ti Tiroe: “Jech xapas ta jtojol ec jech c'u cha'al laj apasbe ti jtot Davide, ti ta xatacbe talel te'etic ti naca ch'ut te'e, yo' jech ta xich' va'anel jbej na ti bu xu' ta xinaquie.

2 Crónicas 30:5

Nop yu'unic un ti spucbeicuc batel sc'oplal ta sjunul Israele, ti c'otuc to c'alal Beersebae, xchi'uc c'alal to Dan, ti ic'bilic ta Jerusalén ta spasel q'uin Colebal yu'un ti Ajvalil Dios yu'un ti Israele. Vo'ne xa mu sta jech muc'ul tsobolej ta spasic jech c'u cha'al albil sc'oplal avie.

Esdras 3:5

jech c'u cha'al ti chic'bil matanal jujun c'ac'ale, ta sventa ti jujun ach' ue, ti c'u yepal ta xtun ta jujun q'uinetic ti c'otem ta sventa ti Diose, xchi'uc ti oy buch'u ta xac' ta slequil yo'nton ta stojol ti Diose.

Salmos 81:3

Oq'uisanic oq'ues ta yorail ti ach' ue, ta syijil ti ue, jech yorail ta x'ech' ti muc' ta q'uin cu'untique.

Éxodo 32:5

C'alal jech laj yil ti Aarón taje, tey laj smeltsan jun altar ta yeloval ti loc'tabil ch'in tot vacaxe. Va'i un, xi lic avanuque: —Oc'om ta jpastic q'uin sventa yich'el ta muc' ti Diose.

Isaías 33:20

Ac'o ech'el asat ta jteclum Sión ti ja' jun pasob q'uin cu'untique. Toyo ech'el asat ta jteclum Jerusalén ti chabibil leque, ti co'ol s'elan jun axibal na ti lec va'anbile, ti tsots pajal ti spajob te'altaque, ti mu xtuch' ti yaq'uil snitlebtaque.

Lamentaciones 1:4

Sts'ijlajan ta j'ech'el sbelel ti Sione, mi junuc xa oy buch'u ta xtal ta q'uin. Sti'tac ti jteclume, sts'ijlajan ta j'ech'el, x'oq'uic xa ti paleetique, mu x'ech' svocol ta xa'i ti jva'lej tsebetique. Stuc xa no'ox jech svocol ta xa'i ti Jerusalene.

Ezequiel 44:24

C'otemic ta jchapanvanej mi oy letoe. Ta xchapanvanic jech c'u cha'al ta xal ti oy c'usi jbel tsots albil sc'oplale. C'otuc ta pasel yu'unic scotol ti c'usi jbel tsots albil sc'oplal cu'une, xchi'uc chanubtasvanicuc ta sventa scotol ti q'uinetic cu'une, yich'icuc ta muc' sc'ac'alil ti cuxob o'ntonal cu'une.

Oseas 2:11

Ta xc'ot ta tsutsel cu'un ti xmuyubajic no'oxe, ti mu no'ox xnatij ta spas ti q'uinetique, ti c'u s'elan liquem yu'unic ta jujun ach' ue, ti sc'ac'alil cuxob o'ntonaletique, ti yan q'uinetic ta spasique.

Joel 1:14

Tsobo ti jteclume, albeic ya'iic ti oy ictaej vaje. Ac'o stsob sbaic talel ti moletique xchi'uc scotol ti jteclum ta xch'ulna ti Ajvalil ti ja' Dios yu'unique. Ac'o c'opojicuc ti'inicuc ta stojol ti Diose.

Joel 2:15

Oq'uisanic ti oq'ues ti ta vits Sione. Lo'iltabeic ya'i ti jteclum ti ictaej vaje.

Levítico 23:1

Ti Diose xi laj yalbe ti Moisés ti c'alal laj sc'opon talele:

Levítico 23:21

“Ti jech c'ac'al taj une, tsots sc'oplal ta xapasic jun ch'ul tsoblej. Mi jtosuc abtel stac' xapasic. Taje, ja' jun mantal ti na'bil ta xcom ti ta x'ech' ta stojol ti totil me'ile, xchi'uc ti alab nich'nab ti buyuc no'ox nacaloxuque.

Levítico 23:37

“Yu'un ti jech c'ac'aletic taje, ja' jun c'ac'al ti tsots sc'oplaltac c'otem ta sventa ti Diose, ti jamal ta xavalic ti ja' jun ch'ul tsobleje. Ta xavich'ic talel ta stojol Dios ti chic'bil matanaletique, ti c'usitic yan chic'bil ta xich'e, ti chic'bil matanal sat ts'unubile, ti c'usi ta xich' svocole, xchi'uc ti matanal vinoe, ja' ti c'u s'elan ta xc'ot ti sc'ac'alil jujutose.

Levítico 23:4

“Xi s'elan yorailtac ti tsots sc'oplal ta xapasic ti ch'ul tsoblej ta sventa yich'el ta muc' ti Diose, ti tsots sc'oplal ti xi s'elan ta xatsob abaique:

Levítico 23:44

Ti jech taje, ja' jech xcholet laj yal ti Moisés ta stojol ti israeletic ti bu tsots sc'oplal ti c'ac'aletic ti sc'an pasel ta stojol ti Diose.

Nahúm 1:15

¡Q'uelo avilic, le' xa xtal ta vitstic ti j'al-mantal j'ich'-c'ope, yu'un tal yalbe sc'oplal ti lamaj xa ti c'ope! Ja' yu'un un, lic paso ti q'uinetic avu'une, jteclum Judá. Ti c'usitic avaloj ta xapase, c'otuc me ta pasel avu'un. Ta j'ech'el mi ja'uc xa ta xtal yilbajinot ti jchopol-joletique. Ta j'ech'el tubbat xa ti sc'oplalique.

Números 10:10

Oq'uisanic xtoc ti oq'ues ti c'alal jun avo'ntonic ta x'ech' ti c'ac'ale jech c'u cha'al ti ta sta sc'ac'alic ti q'uine, ti ach' ue, ti jun yutsil smuil ta xich' chiq'uel ti matanale, xchi'uc ti c'usi ta xich' svocol ta sventa ti lajesobil o'ntonale. Ti jech taje, ta jvulesoxuc ta co'nton. Ti vu'un une, ja' ti Ajvalil Dios avu'unique.”

Números 29:39

“Taje, ja' sc'oplal ti tsots albil ta xich' svocol ti matanaletic ti sc'an ta xich' aq'uel ta stojol ti Dios ti c'alal tsots sc'oplal sc'an pasele, xchi'uc ti matanaletic ti yaloj sc'op ta xaq'ue, mi ja' ti matanal ti xloc' x'ayan ta o'ntonal ta xaq'ue, mi ja' ti oy sc'oplal ta xich' chiq'uele, mi ja' ti matanal sat ts'unubal ti jchop o ta trigoe, mi ja' ti vinoe, mi ja' ti yan ti c'usi ta xich' svocol ta sventa ti lajesobil o'ntonale.”

San Juan 5:1

Ech' c'uc sjaliluc un, ti Jesuse sut batel ta Jerusalén ti bu ta spasic q'uin ti israeletique.

Colosenses 2:1

Sc'an xana'ic ti jpasoj ono'ox tsatsal ta atojolic yo' lec oyoxuque, xchi'uc ta sventa ti c'u yepal oyic ta Laodiceae, xchi'uc ti c'u yepal mu to xiyojtiquinique.

Colosenses 2:16

Jech un cha'e, laj ta alel ma' ti oy buch'u junucal ta xa sna'leot ti buch'u tsots sc'oplal ta xa'i ti c'usi ta xavuch'ique, ti c'usi ta xave'ique, sc'oplal xchabiel ti q'uine, ti ach' ue, sc'ac'alil ti cuxob o'ntonale.