Levítico 23:12 - Bible in Tzotzil de Chamula

¹² Ti sc'ac'alil ti ta xich' aq'uel ti jchuc ts'unubile, ja' o ta xac' xtoc jcot chij ti yich'oj jun jabile, ti mu'yuc xchopolile, ti ta xich' chiq'uel sventa yich'el ta muc' ti Diose.

Bible in Tzotzil de Chenalhó with Deuterocanon

¹² Te no'ox ta sc'ac'alil ac'o yac' jcotuc chij ti jun to jabil svoq'uele, ti bu ven leque. Ja' chic'bil matanal chc'ot ta jventa; vu'un li Muc'ul Diosune.

Levítico 23:12 Iomraidhean Croise

Éxodo 12:5

Jech ti chon bolometic ti ta xamilique, sc'an ti jun to no'ox jabil yich'oje, ti mu'yuc jutebuc xchopolile, ti mu'yuc xchamele. Xu' ta chij, mi ta tentsun, ipaluc ti mi ja' yuni tote.

Levítico 1:10

“Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 23:11

Ta yan c'ac'al un, ti ja' xa sc'ac'alil ti cuxob o'ntonale, ti palee ta xich' batel ta stojol Dios ti jun jtunel matanal taje yo' jech ich'bil ta muc' ta xac'otic yu'un ti Diose.

Levítico 23:13

Ma'uc no'ox taje, yu'un ta xavich'ic talel o'lol yo'obal kilo ti lequil t'ujbil harina ti vots'bil xchi'uc ti aceitee yo' jech ta xich' ac'bel ti Diose, ti ja' jun chic'bil matanal ti jun yutsil ti smuile. Ta sventa ti malbil matanale, tsots sc'oplal ac'o yich' aq'uel junuc litro vino.

1 Pedro 1:19

Yu'un ja' ta sventa ta yutsil xch'ul ch'ich'el ti Cristo ti laj yich' aq'uel ta matanal jech c'u cha'al jcot uni chij ti mu'yuc yic'obale, ti mu'yuc jutebuc xchopolale.