Levítico 23:10 - Bible in Tzotzil de Chamula

¹⁰ “Xi xcholet xavalbe ya'i ti israeletic jech c'u cha'al li'e: C'alal mi la'ochic ta banomil ti bu ta xcac'boxuque, mi laj xa atsobbeic ti sat atrigoique, tsots sc'oplal ta xavich'ic batel ta stojol pale ti sba jchuc ti ats'unubique.

Bible in Tzotzil de Chenalhó with Deuterocanon

¹⁰ “Jech xavalbe ya'yic scotol li achi'iltac ta israelale: C'alal me la'ochic xa'ox batel te ta avosilic yo' bu chacac'boxuque, me la sta yorail chatsob atrigoique, li sba chucal atrigoic chatuch'ique ich'ic batel ta stojol li palee.

Levítico 23:10 Iomraidhean Croise

Éxodo 22:29

“Mu xajaliltas ta yich'el talel ta jmoton scotol sba sat ti c'usitic ta xloc' x'ayan avu'une, xchi'uc ti vinoe. “Ac'bun yo' ta xc'ot ta cu'un ti sba anich'one.

Éxodo 23:16

“Ta xapasbeic sq'uinal xtoc ti ts'unubiletique, sc'oplal ti sba satac ti c'usitic laj yich' ts'unel ta osile. Ta xapasbeic sq'uinal xtoc ti c'u yepal loc' ta jun jabil ti laj atsobic ti c'usi laj ats'unique.

Éxodo 23:19

“Ti slequilal sba sat ti c'usitic ch'i ta abanomile, tsots sc'oplal ta xavich' batel ta xch'ulna ti Ajvalil ti ja' Dios avu'une. “Mu me capaluc ta ya'lel xchu' sme' ta xalacan ti ch'in tentsune.

Éxodo 34:22

“Mu xach'ay ta avo'ntonic ta spasel ti oxib q'uine, jech c'u cha'al sq'uinal ti Xemunae, jech c'u cha'al sq'uinal ti sba sat ti trigo ti ta xich' tsobele, xchi'uc sq'uinal ti c'u yepal laj yich' tsobel ta sjunul jabil ti ts'unubile.

Éxodo 34:26

“Tsots sc'oplal ta xavich'ic batel ta xch'ulna Ajvalil Dios avu'unic ti sba sat ti ats'unubalic ti bu jun yutsiquil ta xaq'ue. “Mu xacapic ta lacanel ta ya'lel xchu' sme' ti ch'iom tot tentsunetique.”

Ezequiel 44:30

Ti paleetique oy ta sventaic ta yich'el ti lequil sba sat ts'unubale, xchi'uc scotol ti yan matanaletique. C'alal ta xachapanic ta svots'el ti pane, ta xich' avu'unic ti bu lec t'ujbile. Ti c'uxubinel yu'un ti jlequil cutsilale, snojel no'ox oy ta ana ac'ulebic.

Levítico 14:34

“C'alal mi oyoxuc xa ta banomil Canaán ti ta xcac' avu'ninique, mi oy bu ta xac' cuxinuc junuc anaic ti ta ateclumalique,

Levítico 23:11

Ta yan c'ac'al un, ti ja' xa sc'ac'alil ti cuxob o'ntonale, ti palee ta xich' batel ta stojol Dios ti jun jtunel matanal taje yo' jech ich'bil ta muc' ta xac'otic yu'un ti Diose.

Levítico 23:17

Ma'uc no'ox taje, ti ta anaique, ich'ic batel cha'bejuc pan ti yich'oj nopol chanibuc kilo ti jujubej ti pasbil ta lequil harina ti yich'oj spajubtasobil ti ta'ajesbile, ti ja' jtunel matanal sba sat ts'unubil ti ta xich' aq'uel ta stojol ti Diose.

Levítico 23:9

Ti Diose xi laj yalbe ti Moisés ti c'alal laj sc'opon talele:

Números 15:2

“Xi xcholet xavalbe ya'i ti israeletic jech c'u cha'al li'e: C'alal ta xa'ochic ta jteclum ti bu ta xcac'boxuc yo' ta xanaquiic teye,

Números 28:26

“Ti c'alal ta xc'ot sc'ac'alil sq'uinal ti sba sat ts'unubal ti c'alal ta xavac'beic Dios ti ach' sba sat ti jchop o ta trigoe, ti xcaltique, ja' ti q'uinetic ta x'ech' sjunul xemunae, ta xapasic jun ch'ul tsoblej xtoc. Yu'un ti jech c'ac'al taje, mi jtosuc tsots abtel ta xich' pasel.

Romanos 11:16

Mi c'otem ta sventa Dios ti jbej pan ti c'u yepal laj yich' vots'el ti jarinae, scotol ti c'u yepal vots'bile c'otem ta sventa. Mi c'otem ta sventa Dios yibel ti jpets te'e, c'otem ta sventa ti sc'obtac xtoque.

Deuteronomio 16:9

“C'alal mi ech' xa ox yucubal xemuna ti bu lic talel sc'ac'alil ti lic atsobic ti trigoe,

Santiago 1:18

Yu'un laj xa yac' jcuxlejaltic ta sventa sc'op ti bu ja' melele, yo' jech x'ech' to cajal ta xijc'ot ta stojol scotol ti c'usitic laj xa smeltsane. Jech loc' ta nopel yu'un ti Diose.

Josué 3:15

Ja'uc le' une, ti c'alal ochic batel ta uc'um ti paleetique, ti c'alal ts'ajal c'ot yoquic ta ti' uc'ume, ta jech no'ox yepal lic pajuc ti yoc uc'ume. (Yu'un ti c'alal ta yorail ta xich' tsobel ti sat ts'unubale, ja' o nojem yoc ti uc'um ta j'ech'ele.)

Apocalipsis 14:4

Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.

Rut 1:22

Ja' jech c'ot ta pasel c'alal loc' batel ta Moab ti Noemie, xchi'uc ti jun yalib ti Rut sbie, ja' ti jun moabita antse. C'otic ta Belén ti ja' o xa yorail ta xlic yich' tsobel ti jchop o ta trigoe.