Levítico 22:8 - Bible in Tzotzil de Chamula

⁸ Mu xu' ta sti'be sbec'tal jun chamem chon bolom, mi ja' ti lilinbil ta ti'el yu'un jun te'tical jti'oval chone yo' jech mu soques sba xchi'uc. Yu'un vu'un ti Ajvalilune.

Bible in Tzotzil de Chenalhó with Deuterocanon

⁸ Me oy c'usi jech no'ox chcham stuque xchi'uc me scomelal xa ta ti'el yu'un jti'vanej bolome, mu xu' ta sti'ic yu'un jech mu soques sbaic ta sventa. Jech chcal vu'un li Muc'ul Diosune.

Levítico 22:8 Iomraidhean Croise

Éxodo 22:30

Ja' no'ox jech xapas xtoc ta sventa sba yoltac ti avacaxe, ti achije. Vucub (7) no'ox c'ac'al xu' ta xcom xchi'uc ti sme'e. C'alal mi sta ti xvaxaquibal (8) c'ac'al svoq'uele, ja' xa yorail ta xavac'bun.

Éxodo 22:31

“Ti vo'oxuque, t'ujbil cajtunel lac'otic. “Mu xati'ic sbec'tal ti chon bolometic ti lajemic ta ti'el yu'un ti jti'oval chonetic ti oy ta osiltique. Ac'beic sti' ti ts'i'etique.

Ezequiel 4:14

Xichi laj jtac'bee: “Le' une, Cajval, ti c'u xa sjalil jch'iel jc'opojel talele, j'ech'el mu'yuc jpicoj ti albil sc'oplal mu stac' piquele. J'ech'el mu'yuc jlajesoj ti chon bolometic ta xcham stuque, mi ja'uc ti milbil yu'un ti jti'oval chon bolometique. Mu'yuc jlajesoj ti beq'uet albil sc'oplal mu stac' lajesele.”

Ezequiel 44:31

Ti paleetique j'ech'el mu stac' slajesic ti c'usi oy sc'uc'umale, mi chon bolometic ti cham no'ox stuque, mi lilinbil ta ti'el yu'un ti jti'oval te'tical chon bolome.

Levítico 17:15

“Buch'uuc no'ox ti israeletique, mi jyanlum ti ta sti'be sbec'tal ti c'usiuc no'ox chon bolomal ti chameme, mi ja' ti lilinbil ta ti'el yu'un jun jti'oval te'tical chone, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile. Ts'acal to un, tusbil pocbil ta xc'ot.

Levítico 7:24

Ti xepu'altac ti chon bolometic ti ta xcham stuque, mi ja' scomelal sti'ben ti jti'oval chonetique, xu' xatunesic ta yan o stunel, ja' no'ox ti mu xu' ta xich' ti'ele.

Deuteronomio 14:21

“Ta j'ech'el mu stac' xati'ic scotol ti c'usiuc no'ox chon bolomal ti ta xcham stuque. Yu'un le' cha'e, oy ac'oplalic ti ja' jun lum ti t'ujbiloxuc yu'un ti Ajvalil Dios avu'unique. Ja'uc c'otuc ta pasel avu'unic ti ac'beic ti jyanlumetic ti nacal ta alumalique. Yu'un ti stuquique xu' ta sti'ic. Mi mo'oje, xu' xachonbeic xtoc ti j'ech'el-be jyanlumetique. “Mi ja'uc capal xalacanic xchi'uc ya'lel xchu' sme' ti ch'in tentsune.,