Levítico 22:3 - Bible in Tzotzil de Chamula

³ “Albo ya'i ti li' ta xlic batel ti buch'uuc no'ox junucal snitilultac ti soquesoj sba xchi'uc jtosuc ti albil sc'oplal ti mu staq'ue, mu xu' ta sva'an sba ta yaq'uel ti c'usitic ta xaq'uic ta stojol Dios ti israeletique. Tenbil ta xloc' ta jtojol. Yu'un vu'un ti Ajvalilune.

Bible in Tzotzil de Chenalhó with Deuterocanon

³ “Jech xavalbe ya'ay: Li' ta ora, xchi'uc le' to batele, me oy junuc smomnich'nab mu'yuc lec ti c'alal chtal yac' ta jtojol li ch'ul matanaletic yac'ojbicun achi'iltaque, ac'o yich' loq'uesel o ta jtojol; vu'un li Muc'ul Diosune.

Levítico 22:3 Iomraidhean Croise

Esdras 8:28

Ts'acal to un, xi laj calbe ya'iique: “Ti vo'oxuque, jtuneloxuc yu'un Dios jech c'u cha'al ti c'usitic jtunel meltsanbile. Ti platae, ti oroe, ja' yu'un ti Ajvalil Dios yu'un ti jtot jme'tic ta vo'nee.

Salmos 16:11

Ta xavac'bun quil ta stamel batel sbelel ti cuxlejale. Ta atojol, jelavem ta j'ech'el ti muyubajele; sbatel osil xlaet no'ox ti o'ntonal ta atojole.

Salmos 51:11

Mu xaq'uejun loq'uel ta atojol, mi ja'uc xatam loq'uel ta jtojol ti ach'ul cuxlejale.

Éxodo 30:33

Yan ti mi oy buch'u ta xchapan yan aceite ti co'ol jech c'u cha'al taje, mi ta smalbe ta sba ti buch'uuc no'oxe, tenbil ta xloc' ta stojol ti xchi'iltaque.’ ”

Levítico 22:2

“Albo ya'i ti Aarone xchi'uc ti snitilultaque, sc'an bijicuc xchi'uc ti c'usi ta xch'aquic loq'uel ti ta xac'beicun ti israeletique yo' jech mu soquesbeicun ti jc'oplale. Yu'un vu'un ti Ajvalilune.

Números 19:13

Ti mi oy buch'u laj stic' sba ta spiquel ti animae, ti mi mu smes stus sbae, ta soquesbe sc'oplal ti xch'ulna Dios yu'une. Tsots sc'oplal tenbil ta xloc' ta stojol ti israeletique, ja' ti mu'yuc laj yich' mesel tusel yu'un ti jtusvanej vo'e. Staoj yav ti xcuchoj ti sbolile.

San Mateo 25:41

“Ti vu'un Ajvalilune xi ta jtac'beic ti buch'u oyic ta jts'et c'obe: ‘Ch'aco abaic loq'uel ta jtojol ti bisbiloxuc ta cotol chaval yu'un ti Diose. Sbatel osil, batanic ta c'oc' ti bu chapanbil ta sventa ti pucuje xchi'uc ti yaj'ánjeltaque.

2 Tesalonicenses 1:9

Ti tsitsel ta xich'ic taje, sbatel osil ts'ij xi sc'oplal ta j'ech'el, ta xtenatic loq'uel ta stojol ti Cajvaltique, mi ja'uc ta xilbeic ti smuc'ul stsatsale xchi'uc ti slequilal yutsilale.