Levítico 22:1 - Bible in Tzotzil de Chamula

¹ Ti Diose xi laj yalbe ti Moisés ti c'alal laj sc'opon talele:

Bible in Tzotzil de Chenalhó with Deuterocanon

¹ Li Muc'ul Diose la sc'opan yan velta li Moisese, jech laj yalbe:

Levítico 22:1 Iomraidhean Croise

Levítico 21:24

Ti jech taj une, xchapet lic yalilan ti Moisés ta stojol ti Aarone, ta stojol ti xnich'nabe, xchi'uc ta stojol scotol ti israeletique.

Levítico 22:2

“Albo ya'i ti Aarone xchi'uc ti snitilultaque, sc'an bijicuc xchi'uc ti c'usi ta xch'aquic loq'uel ti ta xac'beicun ti israeletique yo' jech mu soquesbeicun ti jc'oplale. Yu'un vu'un ti Ajvalilune.

Levítico 5:15

“Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Números 18:11

“Ja' jech xtoc ti matanaletic ti jelavem stunel ta j'ech'el ti laj yac'beicun ti israeletique, ta xcac'bot avich' xchi'uc ti avalab anich'nab ti oy ta atojole. Taje, bejel ta xcom o ta jbel ti c'usi tsots albile. Buch'uuc no'ox ti avuts' avalal ti mu'yuc soquesoj sbaic xchi'uc jtosuc ti albil sc'oplal ti mu staq'ue, xu' ta sti'ic ec.