Levítico 21:6 - Bible in Tzotzil de Chamula

⁶ Yu'un c'ajomal jbeluc sc'oplal ti xchapanoj sba ta sventa ti Dios yu'unique, ti mu soquesbeic ti sc'oplale. Yu'un ti stuquique, ja' jelubtasej matanaletic ti ta xich' chiq'uele, xchi'uc ti pan ti ta xaq'uic ta stojol ti Dios yu'unique. Ja' yu'un un, ja' yabtelic ti tsots sc'oplal ac'o yac' sbaic ta tunele.

Bible in Tzotzil de Chenalhó with Deuterocanon

⁶ Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 21:6 Iomraidhean Croise

Esdras 8:28

Ts'acal to un, xi laj calbe ya'iique: “Ti vo'oxuque, jtuneloxuc yu'un Dios jech c'u cha'al ti c'usitic jtunel meltsanbile. Ti platae, ti oroe, ja' yu'un ti Ajvalil Dios yu'un ti jtot jme'tic ta vo'nee.

Éxodo 19:22

Ja'uc ti paleetic ti oy sc'oplal ta xnopajic ta jtojole, tsots sc'oplal ti ta stus ta smes sbaique, naca mi yilbe sba svocolic cu'un.

Éxodo 28:36

“Meltsano junuc uni pech-pech bats'i oro. Ts'ibao tey ti co'ol s'elan seyo ta xc'ote: ‘C'otem ta yajtunel Dios li'e’ ti xiuc ti c'ope.

Éxodo 29:44

Ch'acbil ta xc'ot cu'un ti Axibalnae xchi'uc ti altare. Ja' jech ch'acbilic ta xc'otic ec ti Aarone xchi'uc ti xnich'nabtaque, yu'un ja' paleetic cu'un.

Isaías 52:11

Loc'anic talel ta Babilonia, loc'anic xa talel. Mu xasoques abaic yu'un ti c'usi ta soquesvane. Loc'anic xa talel ta Babilonia. Stuc'ulanuc sbaic lec ti buch'utic ta xich'ic batel ti c'usitic ja' yu'un ti Diose.

Ezequiel 44:7

Yu'un aq'uelojic no'ox ta xasoquesic ti jch'ulnae, ti ta x'ochic batel avu'unic ta yac'belun xepu', ch'ich' ti jyanlumetique, jnaclejetic ti mu'yuc yich'oj senyail jtrate ta snopbenal, ta sbec'talic. Ta xavalopatinic ti jtrate ta scoj ti mu stac' albel sc'oplal ti c'usitic ta xapasique,

Levítico 10:3

Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Levítico 18:21

“Mi junuc anich'on xavac' ta smoton ti dios Moloque. Ti jech taje, mu xasoquesbe sc'oplal ti Dios avu'une. Yu'un vu'un ti Ajvalilune.

Levítico 19:12

“Mu ta jeche'uc no'ox xava'anun ta rextico ti co'ol s'elan xc'ot xa xac'opoj yilele, yu'un ta xasoquesbe sc'oplal ti Dios avu'une. Yu'un vu'un ti Ajvalilune.

Levítico 20:3

Ta jcontrain ti vinic taje. Ta jten loq'uel ti jech oy ta jteclum ta scoj ti ta soquesbun ti Axibalnae, xchi'uc ti ta soquesbun ti jc'oplal ti c'alal ta xac' junuc xnich'on ta stojol ti dios Moloque.

Levítico 21:17

“Albo ya'i ti Aarone, li' ta xlic batel avi tanae, ti mi ma'uc lec ts'acal vinic junuc ti snitilultaque, mu xu' ta sva'an sba ta yaq'uel ti matanal pan ta stojol ti Dios yu'une.

Levítico 21:21

Ti snitilultac ti pale Aarone, mi ja'uc junuc xu' ta xac' ta stojol Dios ti matanal ti ta xich' chiq'uel ti mi oy c'usi soquem yu'une. Ja' yu'un un, mu xu' ta xac' ti matanal pan ta stojol ti Dios yu'une.

Levítico 21:23

Ja' no'ox un, mu xu' ta x'och batel ta spat ti bu lich'il ti muc' ta poq'ue, mi ja'uc ti ta xnopaj ta sts'el ti altare yo' jech mu spec'tsanbe sc'oplal ti Axibalna cu'un ta scoj ti ma'uc ts'acal vinique. Yu'un vu'un ti Ajvalilune, ti jech t'ujbil c'otic cu'une.”

Levítico 21:8

J'ech'el ch'acalicuc o avu'un ta stojol scotol. Yu'un ti stuquique ja' ta sva'an sbaic ta yaq'uel ti pan ta stojol ti Dios avu'une, ti oyuc yutsilal slequilal ta atojole. Yu'un ti vu'une, Ajvalilun, Ch'ul Diosun, vu'un ta xcac' c'otuc ta ch'ul jtunel.

Levítico 3:11

Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uel ta sventa yich'el ta muc' ti Diose.

Números 16:5

Va'i un, xi laj yalbe ya'i ti Coree xchi'uc ti c'u yepal vololic batel ti xchi'iltaque: —Sob oc'om, ta xac' ta na'el ti Dios buch'u ti yu'untaque, ti buch'u ti t'ujbil yu'une, ti xu' ta xac'beic ti matanale. Ja' no'ox xu' ta xaq'uic matanal ti buch'u t'ujbilic ta xc'ot yu'une.

Números 28:2

“Albo ya'iic ti israeletique ti mu me xicta sbaic ta yac'belun ti pane, xchi'uc ti chic'bil matanal ti ta xaq'uic ta jujun q'uin ti bu tsots sc'oplale, ti ja' ta xc'ot ta jun matanal ti jun yutsil smuil ta xquich' ac'bele.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.