Levítico 21:5 - Bible in Tzotzil de Chamula

⁵ “Ta jbel sc'oplal mi ja'uc xu' ta xch'ul ta loq'uel ti stsotsil sjole. Mi ja'uc ta xch'ul ta loq'uel ti yisime. Mi ja'uc ta sjot'es sba ta syayijesel ti sbec'tale.

Bible in Tzotzil de Chenalhó with Deuterocanon

⁵ “Mu me xjux sjolic; mu me setbe sni'ni' yisimic, xchi'uc mu me bu xyayij sbec'talic.

Levítico 21:5 Iomraidhean Croise

Isaías 15:2

Ti jnaclejetic ta Dibone ta xmuyic ech'el ta yoq'uitael sbaic ta ch'ulna ti va'anbil ta vitse. Ti lum Maobe mu xa x'ech' ta xa'i svocol xchi'uc ti tub sc'oplal ti jteclum Neboe xchi'uc ti jteclum Medebae. Scotolic sloc'oj ti stsatsal sjolique, ti xch'ulojic ta loq'uel ti yisimique.

Isaías 22:12

Ti jech sc'ac'alil taje, ti Dios ti scotol xu' yu'une, laj staoxuc ta iq'uel ta yoq'uitael abaic, ta svulel avo'ntonic, ta sloq'uel stsotsil ajolic, ta slapel lajemal c'u'il yo' jech ta xvinaj mu x'ech' xjelav ti avocolic ava'iicuque.

Jeremías 16:6

Ta biq'uit ta muc' ta xlajic scotol ti jteclum li'e. Mi junuc ta xich'ic muquel pixel. Mi ja'uc ta xich'ic oq'uitael. Laj to ta alel ti oy buch'u xtuch'et o'ntonal ta stojole, ti utsuc xa syayijes sbae, ti xt'axbun xa ta loq'uel ti sjole.

Jeremías 48:37

Scotolic sloc'oj ti stsatsal sjolique. Scotolic xch'uloj ta loq'uel ti yisimique. Scotolic syayijesojic ti sc'obique. Naca lajemal c'u'il slapojic.

Ezequiel 44:20

“J'ech'eluc mu st'anbun ta loq'uel ti sjolique, mu sq'ueloj xtoc ta xnatub ti stsotsil sjolique. Naca no'ox ac'o sba ta loq'uel.

Ezequiel 5:1

Ti Diose xi laj yalbune: “Tana li' une, yojtot, sa'o junuc cuchilu ti lec va'iem yee, co'oluc s'elan ye jech c'u cha'al ti juxob isimale. Ch'ulo ta loq'uel ti stsatsal ajole xchi'uc ti avisime. Sa'o junuc sbisobil ti c'u yalal ta xloq'ue, paso ta oxch'ac un ti stsotsil ajole.

Levítico 10:6

Va'i un, ti Moisese xi laj yalbe ti Aarone xchi'uc ti xnich'nabe, ja'ic ti Eleazare xchi'uc ti Itamare: —Mu me xapasic ti xch'ebuj ajolic yu'une, ti xach'i'ic xa ta jatel ac'u'ic ta yaq'uel ta ilel ti oyoxuc ta me'unale, naca mi xachamic ec, xu' me ta sloq'ues sc'ac'al yo'nton ti Dios ta stojol ti jteclume. Ja'uc no'ox ti avinquilelique xchi'uc scotol ti israeletique, oyicuc ta vul o'nton yu'un ta scoj ti laj stiles c'oc' ta sc'ac'al yo'nton ti Diose.

Levítico 21:4

Yan ti mi ja' jun yuts' yalal ti ic'bil xae, mu me soques sbaic ta spiquel.

Amós 8:10

Ti q'uin ta xapasique, ta joybin ta oq'uel avanel ta scoj ti oy buch'utic ta xchamique. Ti muyubajel ta q'uejimole, ta joybinbe ya'i ta me'inal oq'uel yu'un ti lajel jtubele. Ta xc'ot ta pasel cu'un ta atojolic ti lamal ta xvul ti avocolique, ti xat'anbunic xa ta loq'uel ti stsotsil ajolic ta scoj ti mu x'ech' xjelav ta xava'iic ti me'inale. Yu'un ta xc'ot ta pasel ti jech ta xa'oq'uic jech c'u cha'al ta x'oc' ti buch'u ch'ay ti c'ajomal no'ox yo jun ti yole. Yu'un mu xnel ta xava'iic ti jech c'ac'al taje.”

Miqueas 1:16

Jnaclejetic yu'un Sión, t'axbuno ta loq'uel ajolic yu'un ti avocolique, ta scoj ti mu xtuch' ta avo'nton ti avalab anich'nabique. T'axbuno ta loq'uel ti ajolic jech c'u cha'al ti t'ax-jol tararane, yu'un ti avalab anich'nabe, bec'bil ta xloq'uic batel ta sbanomilic.”

Deuteronomio 14:1

“Yu'un ti vo'oxuque, yalab xnich'naboxuc ti Ajvalil Dios avu'unique. Mi ja'uc xayayijes abaic. Mi ja'uc xat'anbun ta loq'uel ti stsotsil ajolic ta scoj mi oy buch'u chame.