Levítico 21:10 - Bible in Tzotzil de Chamula

¹⁰ “Ti banquilal pale yu'un ti paleetic ti laj yich' tsots yabtel ta slapel ti ch'ul c'u'ile, ta sventa ti malbat ti jtunel aceite ta sjole, ja' yu'un un, mu me ja'uc spas ti tey xa no'ox yabinoj xq'uiet ti sjole, mi ja'uc ti xac' ta ilel ta xch'i' ta jatel ti sc'u' ta scoj ti vul o'ntone.

Bible in Tzotzil de Chenalhó with Deuterocanon

¹⁰ “Li banquilal paleetique oy ta sventaic xu' tslapic li ch'ul c'u'iletique yu'un laj xa yich' malbel ta sjolic li aceite sventa ich'ub abtelale. Ja' yu'un tsc'an ti mu me sloq'uesic li xpix sjolique, xchi'uc mu me sli' sc'u'ic ta sventa me oy boch'o chcham yu'unique.

Levítico 21:10 Iomraidhean Croise

Génesis 37:34

Va'i un, ti Jacobe laj xch'i' ta jatel ti sc'u'e. Lic slap at o'ntonal c'u'il. Ep c'ac'al laj yoq'uita. Mu xch'ay ta yo'nton cham ti xnich'one.

2 Samuel 15:30

Ja'uc ti David une muy batel ta stselej vitstic yu'un ti Olivoetique. Mi ja'uc slapoj ech'el ti xonobe, ti x'oc'olet batele, ti smucoj ti sjole, svinajeb ti mu x'ech' ta xa'i ti svocole. Ti c'u yepal ti jteclum ti xchi'inojan batele, x'oc'oletic batel ti smucoj ti sjolic ta xmuyic ech'ele.

Ester 6:12

C'alal tsuts ti xanobal ta ca' une, ti Mardoqueoe sut batel ta chotlej ta sti'na sna ti ajvalile. Ti Amane svoloj xa ta maquel sat, bat ta anil ta sna.

Job 1:20

Ti Job une lic va'iuc. Xtuch'et yo'nton laj ya'i. Mu'yuc xa c'usi x'ech' o ta xa'i ti lic xch'i' ta jatel ti sc'u'e. Laj xch'ul loq'uel ti tsotsil sjole ti snupilan xa banomil laj spatan sba ta lumtique.

Salmos 133:2

Taje, co'ol s'elan jun muil poxil s'elan ta xcocanbat ta sjol ti paleetique, ti xbein to yalel ta yisime, ti ta xc'ot c'alal to ta snuc' sc'u'ique.

Éxodo 29:7

Tamo ti jtunel aceite sventa ich'ob abtelale, malbo ta sjol ti aceitee ti va'anbiluc c'otuc ta pale avu'un ti Aarone.

Ezequiel 24:17

Avo'ntonuc no'ox ti mu x'ech' ta xava'i ti vocole. Mu xachabi sme'unalil jech c'u cha'al ta spas yan ti buch'u ta xcham yu'une. Ma'ucuc ti ch'abal sts'ot ajole, ti ch'abal xa axonob ta xaxanave, ti amacoj xa asat ta scoj sme'unalile, ti xave' pan sventa taje.”

Levítico 13:45

“Va'i un, ti buch'u yayijem xa ta c'a'emale, jatantic xa ta slap loq'uel sc'u'. Mi ja'uc xa ta xpix ti sjole, c'ajomal juteb xa a'bal ti sat smacoj ta pixele, ti xi x'avet ta xale: ‘¡Mu jtac' nopel! ¡Mu jtac' nopel!’

Levítico 16:32

Jech ti pale ti buch'u c'ot ta t'ujele, ti ja' ac'bat yich' yabtel ti ta xich'be comel yabtel ti stote, ja' xa ta xabtelan ta spasel ti c'u s'elan ta tael talel ti ch'aybil ta xc'ot ti mulile. Ta slap ti saquil c'u'il sventa ti paleale,

Levítico 4:3

“Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Levítico 8:12

Ts'acal to un, ti Moisese laj smalbe ta sjol Aarón ti jtunel aceite sventa nupob abtelale yo' jech xc'ot ta yajpale ti Diose.

Números 35:25

Ti jteclume, tsots sc'oplal ac'o spojic ti buch'u laj sta ti svocole yo' jech mu xmilat yu'un yuts' yalel ti buch'u chame. Tsots sc'oplal ac'o sutuc batel yu'unic ta pojobbail jteclum ti bu to ox snac'oj sbae. Ja'uc ti buch'u laj sta ti svocole, tsots sc'oplal ta xcom o ti c'u sjalile, ja' to ti mi c'ot ta pasel cham ti banquilal pale ti buch'u va'anbil lec xchi'uc ti yabtele.

Números 6:7

Mi ja'uc xtoc xu' ta sq'uel mi c'ot ta pasel mi cham ti stote, mi ja' ti sme'e, mi ja' jun xchi'il ta voq'uel, mi vinic, mi ants, yo' jech mu soques sba. Yu'un tsots sc'oplal ta stuc'ulan sba ti jech c'otem ta jtunel yu'un ti Diose.

San Mateo 26:65

Va'i un, ti banquilal palee lic xch'i' ta jatel ti sc'u'e, svinajeb ti toj chopol laj ya'ie, xi laj yale: —Ti vinic li'e, laj xa xchopol-c'opta ti Diose. Mu xa tsotsuc sc'oplal ta jc'antic yan rextico. Laj xa ava'iic ti toj chopol ta xc'opoje.