Levítico 21:1 - Bible in Tzotzil de Chamula

¹ Ti Diose xi laj yalbe ti Moisese: “C'oponano ti paleetic snitilultac ti Aarone, albo ya'iic ti mu soques sbaic ta spiquel ti animaetic ta sventa ti yuts' yalaltaque.

Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Moisese: “Albo li paleetic, xnich'nabtac Aarone, mu me xbat scap sbaic ta sq'uelel me oy chcham junuc yuts' yalale yu'un ta soques sbaic me jech tspasique.

Levítico 21:1 Iomraidhean Croise

Ezequiel 44:25

“J'ech'eluc mu stic' sbaic ta spiquel mi junuc anima yo' mu soques sbaic. Mi ja' stot sme'e, mi jun squerem stseb, mi jun vinic, mi jun ants xchi'ilic ta voq'uel mi mu'yuc to nupul ts'acale, yan sc'oplal unbi.

Oseas 5:1

“A'yio ava'iic li'e, paleetic. Ts'etano lec ani' achiquinic, jteclum Israel. A'yio ava'iic, ti vo'oxuc chotoloxuc ta ajvalilale. Xi s'elan ta xc'ot ta atojolique: Lac'otic ta jun pets' ta Mizpa. Lac'otic ta yacobbail ta vits Tabor. Chapal xa ac'oplalic ta xavich'ic chapanel.

Levítico 19:28

“Mu xayayijes abaic ta silel abec'talic ta scoj ti oy buch'u ta xchame. Mi ja'uc oy c'usi jtosucal xabonbe abaic. Yu'un vu'un ti Ajvalilune.

Levítico 21:11

Tsots sc'oplal ti mu ta xbat ta yoc ta soquesbe sc'oplal ti Axibalna yu'un ti Diose, xchi'uc ti ta soques sba ti ta xloc' batel ta Axibalnae yo' jech ta x'och batel ti bu tuts'ul ti junuc animae, mi ja'uc ta sna ti stote, mi ja'uc ta sna ti sme'e. Yu'un laj yich' malbel ti jtunel aceite yu'un Dios ta sjole. Yu'un vu'un ti Ajvalilune.

Malaquías 2:1

Ti Dios ti scotol xu' yu'une, xi ta xale: “Avi tana une, paleetic, xi s'elan sc'oplal ti sc'an xapasique:

Malaquías 2:4

Ja' to jech ta xana'ic ti vu'un laj cal ti mantale yo' jech mu xch'ay ta be ti jtrate laj jpas ta stojol ti Levie.

Números 19:11

“Ti buch'u ta stic' sba ta spiquel ti animae, vucub c'ac'al sjalil ta xc'ot ta stojol ti xcuchoj ti sbolile.

Números 19:14

“Ti smantaliltac ti sc'an pasel ta sventa ti buch'u ta xcham ta yut snaic ti bu lamalic ta nacleje, xi s'elane: Yu'un scotolic ti c'usi x'ayan ta yut axibal na xchi'uc ti buch'u ta x'ochique, vucub c'ac'al sjalil ti xcuchojbe ti sbolile.

Números 19:16

“Ja'uc ti buch'utic ta stic' sbaic ta spiquel ti buch'u lajem ta milele, mi ta lequil chamel no'ox, mi ja' baquetic, mi ta muquinal ti oyic ta osiltique, vucub c'ac'al sjalil, xcuchojbe ti sbolile.

Números 5:2

“Albo ya'i mantal ti israeletique ti ac'o sjipic loq'uel c'alal to sti'il jteclum scotol ti buch'utic ti c'usiuc no'ox chamelal ti ch'iem ta snuculilique, mi ja' ti buch'u oy c'usi xmalmun yu'unique, mi ja' ti buch'u laj soques sba xchi'uc ta scoj ti laj spic ti c'usi chamemique.

Números 6:6

Ti c'u sjalil taje, mi ja'uc xu' ta xnopaj batel ti bu tuts'ul ti animae.