Levítico 20:9 - Bible in Tzotzil de Chamula

⁹ “Buch'uuc no'ox ta sbis ta cotol chaval ti stote, mi ja' ti sme'e, oy sc'oplal ti ac'o yich' milele. Yu'un ti jech laj sbis ta cotol chaval ti stote, mi ja' ti sme'e, scoj stuc ti jech ta xchame.

Bible in Tzotzil de Chenalhó with Deuterocanon

⁹ “Li boch'o chchopolc'opoj ta stojol stot, o me sme'e, ac'o yich' milel. Ta sventa ti ichopolc'opoj ta stojol stot, o me sme'e, ja' yu'un ja' ta smul stuc ti chchame.

Levítico 20:9 Iomraidhean Croise

2 Samuel 1:16

—Ta amul atuc lacham, yu'un laj avinajes aba ta jamal ti laj aval ti laj amil ti ajvalil ti t'ujbil yu'un ti Diose —xi albat yu'un ti Davide.

1 Reyes 2:32

Ta xcajanbat ta sba yu'un Dios ti ta smul scolo' stuc ta xcham xlaje. Mu ja'uc jutebuc sna' ti jtot ti xi c'ot ta pasel ti laj smil ta cuchilu cha'vo' vinic ti tuc' sjol yo'ntonique, ti xtojobic leque, ti mu sta ti stuque: ti Abnere xnich'on ti Nere, ti banquilal jpas-mantal yu'un ti soldado Israele, xchi'uc ti Amasa xnich'on ti Jetere, ti banquilal jpas mantal yu'un ti soldado Judae.

Éxodo 21:17

“Buch'uuc no'ox ti ta sbis ta cotol chaval ti stote, mi ja' ti sme'e, chapal sc'oplal ti ta xich' milele.

Proverbios 20:20

Ti buch'u ta sbis ta cotol chaval ti stot sme'e, ic'uneb ma' ti osil banomil ta j'ech'el xc'ot ta tsutsel ti xcuxleje.

Proverbios 30:11

Oy buch'utic ta sbis ta cotol chaval ti stote, mi ja'uc ta slequil-c'optaic ti sme'e.

Proverbios 30:17

Ti buch'u sc'a'epal sat ta xil ti stote, ti ta sbis ta jeche' mu yayil ti sme'e, xtun o ma' taj une ti ts'uts'batuc ya'i sbec' sat yu'un ti ic'al mute, lilineuc ta ti'el ya'i yu'un ti tararane.

Ezequiel 18:13

Ti xi s'elan ta spase, ti ech'em sjol ta xac' ta ch'om ti staq'uine, ti ta sujvan xa xchi'uc ti sjole, laj c'op ma' ti ta xcuxi ti vinic taje, yu'un laj xa spas scotol c'usi mu lecuc ta xquile, j'ech'el ta xcham. Laj yac'be sba svocol stuc, xvalc'uj sutbij ti lum ach'el yu'une.

Ezequiel 22:7

Mu xaq'uic ta venta stot sme'ic ti jnaclejetic avu'une, naca xilbeic no'ox svocol ti jyanlumetique, ta yilbajinel ti buch'u mu'yuc buch'u x'ayan yu'une, xchi'uc ti me'unal antsetique.

Levítico 20:16

“Mi oy jun ants ti ta sta ta chi'inel junuc chon bolome, jech ti antse xchi'uc ti chon bolome, ta xich'ic milel. Ti jech ta xchamique, ja' ta scoj stuquic.

Levítico 20:27

“Mi oy jun vinic, mi jun ants ti uninbil yu'un ti yan snopbenale, mi ja' ti ta xchanic ti t'unvaneje, ta xich'ic milel ta ton. Ja' ta scoj stuquic ti jech ta xchamique.”

San Mateo 15:4

Yu'un ti Diose xi laj yale: ‘Ich'o ta muc' atot ame'. Ja'uc ti buch'u ta sbis ta cotol chaval ti stot sme'e, jbel sc'oplal chamuc.’

San Mateo 27:25

—Cajluc comuc ta jbacutic xchi'uc calab jnich'nabcutic ti jech ta xchame —xi tac'av scotolique.

Marcos 7:10

Ti Moisese xi laj yale: ‘Ich'o ta muc' atot ame'. Ti buch'u ta sbis ta cotol chaval ti stot sme'e, oy sc'oplal xcham xlaj.’

Deuteronomio 27:16

‘Bac svocol chamuc ta banomil ti buch'u mu lecuc xil ti stote, mi ja' ti sme'e.’ Xi ta stac' scotol ti lume: ‘Jechuc.’

Josué 2:19

Yan ti mi oy buch'u loc' batel ta ana une, sa'bil xa yu'un mi chame. Ma'uc xa cajal ta xc'ot ta jbacutic. Ja'uc le' une, mi oy buch'u laj sta milel ti oy ta yut anae, jbainojcutic ta xc'ot unbi.

Jueces 9:24

Ja' jech stojol laj yich' ti Abimeleque ti mal yu'un xch'ich'el ti laj yac' ta milel ti lajuneb xchanvinic (70) ta vo' xnich'nab ti Jerobaale, ti ac'bat stojic ec ti jnaclejetic ta Siqueme, ti lec ya'iic coltavanique.