Levítico 20:5 - Bible in Tzotzil de Chamula

⁵ vu'un ta xlic jcontrain xchi'uc ti c'u yepal oy ta snae. Ta jten loq'uel ti jech oy ta jteclum jmoj xchi'uc scotol ti buch'utic yan sjol yo'ntonic ta jtojol ti ta sbic'tajesel sbaic ta sts'ac-patiel ti dios Moloque.

Bible in Tzotzil de Chenalhó with Deuterocanon

⁵ vu'un jtuc ta jcontrain xchi'uc yajnil xnich'nab li vinique. Ta jloq'ues o te ta atojolic xchi'uc scotol li boch'otic co'ol chopol c'usitic tspasic xchi'uque, ti ja' chbat yich'ic ta muc' li Moloque.

Levítico 20:5 Iomraidhean Croise

2 Crónicas 21:11

Ma'uc no'ox taje, laj sva'anan c'opojebaletic ta vitstic ta Judá, ti ja' ta scoj yanij yo'ntonic ta stojol Dios ti jnaclejetic ta Jerusalene. Yan laj stamic batel yu'un ti Judae.

Salmos 106:39

Laj soques sbaic yu'un ti c'usi laj spasique, yanijem yo'ntonic ta stojol ti Diose.

Éxodo 20:5

Mu xanijan xachiman aba ta stojolic. Mi ja'uc xamuyubta ta yich'el ta muc', yu'un vu'un ti Ajvalil Diosun avu'unique. Yu'un ti jech Diosune, mu lecuc ta xca'i ti buch'u ta spec'tsanbun jc'oplal ta yich'el ta muc' ti yane. Ta jtsitsic ya'i ta scoj smulic ti totil me'iletic ti xti'et xcapet sjolic ta jtojole, ti ta staic ta maquiel ti yalab xnich'nabique, ti smomique, ti syialmomique.

Jeremías 3:2

Q'uelo batel avil ti c'an t'ajan stselejtique, xi xatuc'ulan quic leque: ¿Mi oy to xana' ti mu'yuc c'otemot ta spasel abolil teye? Xachotet ta be ta xamala ti buch'u ta xavac' aba ta c'upinel xchi'uque, co'ol s'elan jech c'u cha'al jun árabe vinic ti chotol ta sbajtical banomil ta xpa'ivane. Laj xa ats'ile ti jteclum ti laj avac' aba ta c'upinele, xchi'uc ti yan ti c'usi chopol ta xapase.

Jeremías 32:39

Ta jtijbe yo'ntonic ti c'ajomaluc c'otuc ta pasel yu'unic ti yich'icun ta muc' ti c'u sjalil cuxulique, sventa slequilal yutsilal ti stuquique xchi'uc ti snitilulique.

Jeremías 44:11

‘Jech o xal ti Ajvalilun ti scotol xu' cu'une, Dios yu'un ti Israele, xichi ta xcale: Jbel sc'oplal ta jtac talel vocol ta stsutsesel ti Judae.

Oseas 2:13

Ta xcac'be ya'i stoj ti c'usi laj xa spasilan talele, ti laj yac'be chic'bil pom ti meltsanbil loc'obbail diosetique, ti c'alal xch'alet no'ox ta ixtolal c'abale, xchi'uc uiletic ta sts'acliel ti slo'labil sjol yo'ntone, ti laj xa svalopatinun comele. Ti vu'un Diosune, mu me lo'iluc no'ox ta xcal.

Oseas 2:5

Yu'un ti sme'e laj yac' sba ta c'upinel ta yan. Laj soquesbe sba sc'oplal stuc c'alal xi yaloje: ‘Xba jsa' ti buch'utic xitun to yu'unique, ti buch'utic ta xiyac'beicun ti jve'el cuch'ome, ti ta xiyac'bun ti jc'u' jpoq'ue, ti lequil saquil c'u'ile, ti aceitee, ti cuch'bole.’

Levítico 17:10

“Ta jcontrain scotol ti israeletique, mi ja' ti jyanlum ti nacal ta atojolique, ti c'uc no'ox s'elan ta stun ta slajes ti ch'ich'e. Ta jten loq'uel ti ta ateclumalique.

Levítico 17:7

Mi ja'uc xa ta j'ech'el ti ta xac'beic yich' svocol xchon sbolom ta sventa smoton ti jti'oval pucuje, ti laj to ox snijan xchiman sba ta stojole, ti ja' ta scoj ti c'otic ta soquele. Taje, c'ot ta atojolic ta jbel c'usi tsots albil xchi'uc ti avalab anich'nabique.

Levítico 20:4

Mi sat no'ox sq'uelic ti jteclum ti va'i s'elan ta spas taje, ti mu xaq'uic ta milel ti vinic taje,

Levítico 20:6

Mi oy buch'u ta sjac' sba ta stojol ti lajebal ch'ulelale, ti jt'unvanejetic ti yan sjol yo'nton ta jtojol ti jech ta sts'acliique, ta jcontrain ti buch'u jech ta spas taje. Ta jten loq'uel ti jech oy ta slumale.