Levítico 20:2 - Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: “Buch'uuc no'ox, israeletic, mi jyanlumetic ti capalic ta naclej xchi'uc ti israeletic ti ta xac' ta stojol dios Moloc ti xnich'nabique, tsots sc'oplal ac'o yich'ic milel ta ton yu'un ti xchi'iltac ti nacalic ta lume.

Bible in Tzotzil de Chenalhó with Deuterocanon

² “Jech xavalbe ya'yic li achi'iltac ta israelale: “Boch'ouc no'ox, me israel, o me yanlum ti te nacal ta Israele, me ta xac' xnich'on ta smoton li dios Moloque, ac'o yich' milel ta ton yu'un li achi'iltaquic te ta avosilalique.

Levítico 20:2 Iomraidhean Croise

1 Reyes 11:7

Ti jech yorail ta vo'ne taje, ti Salomone lic smeltsan c'opojebal yu'un Quemos ta vits ti oy ta sloq'ueb c'ac'al yu'un ti Jerusalene, jun jsoquesej o'ntonal loc'obbail dios yu'un ti Moabe, xchi'uc ti Moloc yajdiosic ti amonitaetique.

2 Reyes 17:17

Jech xtoc oy bu laj yaq'uic ta chiq'uel ta matanal ti yalab xnich'nabique, ta xchanel ti t'unvaneje, ta xchanel ta scaj'alel ti c'usi ta xc'ot ta pasel ta ts'acal toe. Laj yac'beic yipal ta spasel ti c'usi chopol ta xil ta sba ta sat ti Dios ti c'ot ta pasel laj sliquesbeic ti sc'ac'al yo'ntone.

2 Reyes 23:10

Ti Josiase laj stubbe sc'oplal ti chic'obbail ti oy ta stenlej yu'un ti Ben-hinome yo' jech mi ja'uc xa junuc ti oy buch'u ta xchic'be ta smoton Moloc ti yalab xnich'nabique.

2 Crónicas 28:3

Laj xchic' pom ta stenlejal yosilal Ben-hinom. C'ot ta pasel yu'un ti laj xchic' ta matanal ti xnich'nabe jech c'u cha'al ta spasic ti yan muc'tiquil jteclumetic ti tenbil loq'uic ta sba ta sat israeletic yu'un ti Diose.

2 Crónicas 33:6

Ma'uc no'ox taj une, laj yac' ta chiq'uel xnich'nab ta sventa matanal ta stenlejal yu'un Ben-himone. Lic xchan sc'oponel sti'inel ti ch'ulelale, ta xchanel sc'oplal ti jt'unvaneje, ta xchanel sc'oponel sti'inel ti pucuje. Laj yac' ye sti' ti ayanuc ti jt'unvanejetique, ti j'ac'-chameletique. Ech'em no'ox chopol ta j'ech'el ti c'usitic laj spas ta sba ta sat ti Diose, ti c'ot ta pasel ti lic ilinuc ti Dios yu'une.

Salmos 106:38

Ta jech yepal, muts'ul sba satic ti buch'u laj smalbeic ti xch'ich'ele, xch'ich'el ti squerem stsebique, laj yac'beic smotonin ti diosetic oy ta Canaane. Balom ch'ich' com yu'unic ti banomil ta xch'ich'elic une.

Jeremías 32:35

Laj sva'anic altaretic xtoc ta sventa Baal ta stenlejal ti Ben-hinome, yo' ta xchic' squerem stsebic ti ta xich' milel ta sventa smoton ti Moloque. Taje, ta sta smul yu'unic ti Judae, ti jelavem xchopolal ta xquil ti mu'yuc calojbeic ya'iique, ti mi ja'uc jutebuc jnopoje.

Jeremías 7:31

Ta stenlejal yu'un ti Ben-himone, laj smeltsanic jun altar ta sventa ti Tofete yo' jech ta xchiq'uic ti squerem stsebique, ti mu jutebuc jech calojbeique, ti mu'yuc jech ta jole.

Ezequiel 20:26

Ch'an xa no'ox xcutic ta soquesel sbaic ta yich'el batel smoton ti loc'tabil diosetique, ta yac'bel svocol xchiq'uel ta c'oc' ti sbanquilal queremique. Yich'uc xi'el ya'iic ma' ti jech laj jpas taj une, sna'icuc ti vu'un Diosune.’

Ezequiel 20:31

Staoj yav ta xasoques abaic ta scoj ti ta xamilic ta xchiq'uel ti avalab anich'nabic ta yaq'uel ta matanal yu'un ti loc'obbail diosetic avu'unique. ¿Mi ja' jech ta xtal ajac' abaic ta jtojol le' une, israeletic? Ta jva'an jba ta yalel ava'iic ti mu jq'uelojuc jba ta xtal ajac' abaic ta jtojol ti vu'un Diosune.

Ezequiel 23:37

Laj xa svalopatinicun comel. Bonol ta ch'ich' ti sc'obique. Laj svalopatinicun comel ta scoj ti laj snijan sbaic ta yich'el ta muc' ti loc'obbail diosetic yu'unique. Ta sventa xi'el stoyel ti diosetic yu'unique, laj yac'be yich' svocol ta xchiq'uel ta c'oc' ti yalab xnich'nab laj quilic xchi'uque.

Ezequiel 23:39

Ti sc'ac'alil taje, laj yac'beic yich' svocol ti yalabic xnich'nabic sventa yich'el ta muc' ti loc'obbail dios yu'unique, talic ta jch'ulna ti laj soquesbeic ti sc'oplale. ¡Ja' jech laj spasic ti ta jna une!

Levítico 17:13

Buch'uuc no'ox ti israeletique, mi jyanlumetic ti nacal ta atojolique, ti ta sta ta nutsel ti c'usiuc no'ox chon bolomal ta te'tique, mi ja' jcotuc mut ti stac' ti'ele, ac'o sts'ujesbe comel ta banomil xch'ich'el ti c'usi laj sta ta tsaquele, ac'o smut'i comel ta lum.

Levítico 17:15

“Buch'uuc no'ox ti israeletique, mi jyanlum ti ta sti'be sbec'tal ti c'usiuc no'ox chon bolomal ti chameme, mi ja' ti lilinbil ta ti'el yu'un jun jti'oval te'tical chone, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile. Ts'acal to un, tusbil pocbil ta xc'ot.

Levítico 17:8

“Albo ya'iic xtoc, buch'uuc no'ox ti israeletique, mi jyanlumetic ti nacal ta atojolique, ti ta xac' ti c'usi ta xich' chiq'uele, mi oy c'usi yan ti ta xac'be yich' svocole,

Levítico 18:21

“Mi junuc anich'on xavac' ta smoton ti dios Moloque. Ti jech taje, mu xasoquesbe sc'oplal ti Dios avu'une. Yu'un vu'un ti Ajvalilune.

Levítico 20:1

Ti Diose xi laj yalbe ya'i ti Moisés ti c'alal laj sc'opon talele:

Levítico 20:27

“Mi oy jun vinic, mi jun ants ti uninbil yu'un ti yan snopbenale, mi ja' ti ta xchanic ti t'unvaneje, ta xich'ic milel ta ton. Ja' ta scoj stuquic ti jech ta xchamique.”

Levítico 24:14

“Loq'ueso batel ti bu lamaloxuc ta naclej ti buch'u laj sbisun ta cotol chavale. Scotolic ti buch'u laj ya'iic ti c'u s'elan c'opoje, ac'o scajan sc'obic ta sjol. Mi laj taj une, ac'o lomatuc ta milel ta ton yu'un scotol jteclum ti vinic taje.

Levítico 24:16

Va'i un, ta xich' milel ta ton yu'un scotol ti xchi'iltaque. Ti jech taj une, ja' jech ta xich' ec ti jyanlumetique jech c'u cha'al ti yajval lumetique. Yu'un ti buch'u ta soquesbe yo'nton ti Diose, chapal sc'oplal ta xich' milel.

Levítico 24:23

Va'i un, ti Moisese laj sc'oponan ti israeletique. Tey laj xchechic loq'uel ta sti'il jteclum ti buch'u laj sbis ta cotol chaval ti Diose. Tey laj slomic ta milel ta ton. Jech laj spasic ti israeletic jech c'u cha'al albat mantal ti Moisés yu'un ti Diose.

Hechos 7:43

Bu xata un, ja' no'ox acuchojic batel ti avajdiosic Moloc ti tiq'uil ta xcaxaile, xchi'uc sloc'obbail ti dios Refán sbi ti co'ol s'elan c'anale, loc'obbailetic ti laj ameltsan ta ac'obique yo' ta xanijan xachiman abaic ta yich'el ta muc'. Jech o xal laj jbec'oxuc loq'uel ta avosil abanomilic ti jelavel to ta Babilonia labatique.’

Deuteronomio 12:31

Mu me jechuc xapasbeic ti Ajvalil Dios avu'unic ti va'i s'elan taje. Yu'un ta scotol ti mu ts'icbaj ta xa'i ti Dios ti chopol ta xile, ja' ti va'i s'elan ta spasic ti lum ti nijil chimil ta xich'ic ta muc' ti diosetic yu'unique, ti ta xc'ot ta pasel yu'unic ti ta smilic ti ta xchiq'uic ta c'oc' ti yalab xnich'nabique.

Deuteronomio 17:2

“Xu' van ti oy bu ta xc'ot ta pasel ta alumalic ti bu ta xa'ac'batic yu'un ti Ajvalil Dios avu'unique, ti ta xvinaj sc'oplal mi jun vinic, mi jun ants ti ta xlic xch'ay ta yo'nton ti tratee, ti ja' ta xlic spas ti c'usi mu lecuc ta xil ti Diose,

Deuteronomio 18:10

J'ech'eluc ti mu'yucuc buch'u junucal avu'unic ti ta xac' ta milel ti xnich'on ti c'alal to c'oc' ta sten ochele. Mi ja'uc xachanic ti t'unjvaneje, ta scaj'alel ti c'usi ta xc'ot ta pasel le' ech'ele. Mi ja'uc ta yo'ntolinel ta xachanic ti ac'-chamele.

Deuteronomio 21:21

Va'i un, scotol ti viniquetic ta jteclume ta spujbeic ton ti quereme. Ja' to jech ta xtub sc'oplal ti c'usitic ta soquesvan ta alumalique. C'alal jech ta xa'iic ti israeletique, ta xlic ochuc xi'el yu'unic.

Deuteronomio 22:21

va'i un, ta sloq'uesat ech'el ta sti' sna ti stote yo' jech ti viniquetic yu'un ti jteclume, ta spujbeic ton ta milel ta scoj ti spajebal xa no'ox ti c'usi chopol laj spas ta stojol ti Israele, ti laj scus ta yic'obal ti stote. Ja' to jech ta stsuts sc'oplal ti jsoquesvanej ta atojolique.