Levítico 20:11 - Bible in Tzotzil de Chamula

¹¹ “Mi oy buch'u ta sluts'be ta vayel yajnil ti stote, ta scus ta yic'obal ti stote. Ja' yu'un un, ta xich' milel ti vinique xchi'uc ti antse. Ja' scoj stuquic ti jech ta xchamique.

Bible in Tzotzil de Chenalhó with Deuterocanon

¹¹ “Me oy boch'o ta xchi'inbe yajnil stote, laj xa yuts'inta li stote. Ta sventa ti jech la spase, ac'o yich' milel li vinic xchi'uc antse; ja' ta smul stuquic ta xchamic.

Levítico 20:11 Iomraidhean Croise

Levítico 18:6

“Ta jbel sc'oplal mu stac' mi junuc vinic ta xnopaj ta sta ta chi'inel sbaic ti c'alal ja' yuts' yalaltaque. Yu'un vu'un ti Ajvalilune.

Amós 2:7

Ta xilbeic svocol ta j'ech'el ti me'un mu'nate. Mi ja'uc xc'ot ta yo'ntonic ta xchapanic ti buch'u biq'uit yac'oj sbae. Ti totile xchi'uc ti nich'onile, jun no'ox ti ants ta xvayic xchi'uquique. Ja' jech ta xc'ot ta pasel yu'unic ti ta soquesbeicun ti jc'oplale.

1 Corintios 5:1

Oy bu vinajem ac'oplalic ti oy jun vinic ta atojolic ti yic'oj ti xcha'me'e. Ti jech taje, toj ech'em tsots mulil, ti mu ja'uc tey no'ox sq'uelojic ti buch'utic mu xojtiquinic ti Diose.

Deuteronomio 22:30

“Mu'yucuc buch'u junucal ta sta ta chi'inbel yajnil ti stote. Yu'un ti mi jech ta xc'ot ta spasele, ta scusvan ta ic'obal.

Deuteronomio 27:20

‘Bac svocol chamuc ta banomil ti buch'u ta stsac ta ilbajinel yajnil ti stote, yu'un ta scus ta yic'obal.’ Xi ta stac' scotol ti lume: ‘Jechuc.’

Deuteronomio 27:23

‘Bac svocol chamuc ta banomil ti buch'u ta stsac ta yilbajinel yo' ta xchi'in ti sme'ni'e.’ Xi ta stac' scotol ti lume: ‘Jechuc.’