Levítico 2:3 - Bible in Tzotzil de Chamula

³ Scomelal smoton ti Diose, ti ja' c'ot ta yu'un Dios ti laj yich' chiq'uel ta sventa yich'el ta muc' ti Diose, ja' xa ta xich' ti Aarón xchi'uc ti xnich'nabe.

Bible in Tzotzil de Chenalhó with Deuterocanon

³ Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' yu'un li Aarón xchi'uc xnich'nabtaque.

Levítico 2:3 Iomraidhean Croise

Esdras 2:63

Ma'uc no'ox taj une, laj yal mantal ti ajvalile ti mu xu' ta slajesic ti c'usitic ac'bil xa ta ventainele mi mu'yuc to ta st'un ti pale ta sventa ti Urime ti Tumime.

Éxodo 29:37

Vucub c'ac'al sjalil ta xavac' milbil matanal ta altar sventa ti mulile. Ja' jech ta xc'ot ta tunel yu'un ti Diose, ti xi s'elan ch'acbil c'ote: c'usiuc no'ox ti ta xc'ot tey ta altare, ventainbil xa ta xc'ot ec.

Ezequiel 44:29

Xu' slajesic ti sat ts'unubaletic ta xac'beicun ti israeletique, xchi'uc sbec'tal ti chon bolometic ta xich' aq'uel ta scoj ti mulile, xchi'uc ti ta xich' aq'uel ta scoj ti colo'ile. Ja' yu'unic ec, jech c'u cha'al scotol c'usitic c'otem ta jventa ta yac'belun ti israeletique.

Ezequiel 46:20

Xi laj yalbune: “Le' me ma' ti bu ta slacanbeic sbec'tal chon bolometic ti paleetic ti laj yich' svocol ta milele, ti laj yich' aq'uel ta matanal ta scoj ti mulil colo'ile, xchi'uc ta slacanel ti matanal sat ts'unubile. Ta sventa ti yutsil slequilale, mu xu' xloc' batel ta amac'. Jech ti jteclum eque mu xu' ta xba stic' sba ti bu taje.”

Levítico 10:15

Ti sbec'tal yo'e xchi'uc ti xpech-pechul sti' yo'ntone, co'ol ta xich' ye'ilanel jelavel ta lequil matanal ta stojol ti Diose. Tey ta xtal ec ti xepu'etic ti ta xich' chiq'uele. Ti bu ta xc'ot ta avu'unic xchi'uc ti anich'nabe, ja' ti sbec'tal yo'e xchi'uc ti xpech-pechul sti' yo'ntonic jech c'u cha'al yaloj ono'ox mantal ti Diose.

Levítico 14:13

Tsots sc'oplal ti ac'o smil ti ch'iom chij ta yavil ti bu ono'ox ta xich' c'ocbel snuc' ti chon bolometic ti ta xich' svocol ta scoj ti mulil colo'ile, xchi'uc ti ta xich' chiq'uele. Ti c'usi ta xich' svocol ta scoj ti colo'ile, xchi'uc ti c'usi ta xich' svocol ta scoj ti mulile, ja' xa c'ot ta spuculal ti palee, ja' ti c'ot ta ch'ul matanal ta j'ech'ele.

Levítico 2:10

Scomelal ti matanale, ti ja' c'ot ta yu'un Dios ti ta xich' chiq'uel ta sventa yich'el ta muc' ti Diose, ja' xa ta xich' ti Aarón xchi'uc ti xnich'nabe.

Levítico 21:22

Ti buch'u taje, xu' ta sve' ti pan taje, ti c'usi ch'acbile, xchi'uc ti c'usi ts'uiltasbil ta j'ech'ele.

Levítico 5:13

Ja' jech ti palee ta sta ti ta xch'ay smul scolo' ti buch'u jech c'ot ta pasel yu'une. C'ot ta tubel ti smule. Va'i un, ti c'u yepal scomelale, ja' xa yu'un ti palee jech c'u cha'al laj yich' pasel ti matanal ti sat ts'unubiletic ti laj yich' aq'uele.”

Levítico 6:26

Ti pale ti ja' ta xac' ti matanal ta scoj ti mulile, xu' ta sti' ec. Ja' no'ox un, tey ta sti' ti bu chapanbil sc'oplal ti oy ta yamaq'uil ti Axibalna ti bu Nupel ta bee.

Levítico 6:9

“Xi s'elan xcholet xabijubtas ti Aarón xchi'uc ti xnich'nabe, sventa sc'oplal ti oy c'usi ta xich' chiq'uele: Ti milbil chon bolome, sjunul ac'ubal cajal ta xcom ta sba yac'alil ti altare yo' ta xc'ac' lec ta c'oc'.

Levítico 7:7

“Ti c'usi ta xich' svocol ta scoj ti colo'ile, co'ol sc'oplal xchi'uc ti ta xich' svocol ta scoj ti mulile, co'ol s'elan ti xi s'elan ti bijubtasel yu'un ti xchibale: Ti c'usi ac'bil xae, ja' yu'un ti pale ti c'alal ja' o yacal ta spas yabtel ta xch'ayel ti mulile.

Levítico 7:9

Ja' jech xtoc scotol ti matanal sat ts'unubaletic ti ta'ajesbil ta hornoe, xchi'uc scotol ti c'usi ch'ilbil ta muc' ta lech-lech taq'uine, xchi'uc ti ch'ilbil ta xalteme, ja' xa yu'un ti pale ti buch'u laj sva'an sba ta yet'esel ti matanale.

Números 18:9

Yu'un ti matanaletic ti oy sc'oplal ta xich' svocol ta chiq'uele, oy jch'ac ta xc'ot ta avu'un. Ja' avu'un scotol ti matanal sat ts'unubaletique, ti yan matanaletic ti ta xich' svocol ta scoj ti mulile, mi ja' ti colo'il ti ta xaq'uic ti israeletique. Scotol ti matanaletic taje, ja' ta xc'ot ta avu'un ec xchi'uc ti anich'nabe.

1 Samuel 2:28

Ti ta scotol ti jaychop snitilultac ti Israele, laj jt'ujoxuc loq'uel yo' ta xacomic ta cajpaletac, yo' jech ta xavac'beicun chic'bil matanal ta caltar xchi'uc ta xachic'beicun pom, ti alapojic ochel ti luchbil jayal saquil c'u'il ta jtojole. Ma'uc no'ox taje, laj cac' que ta stunesel ti amolmuc'totic scotol ti matanaletic ta xchiq'uic ti israeletic sventa quich'el ta muc' ti vu'un Diosune.