Levítico 2:2 - Bible in Tzotzil de Chamula

² Ts'acal to un, ac'o yich' talel ta stojol xnich'nab ti Aarón ti ja' paleetique. Ac'o stsac jopuc harina xchi'uc aceite junuc yu'unic jmoj xchi'uc ti pome. Ac'o xchic' ta sba ti altare, ti ja' jun matanal ti bejel ta o'ntonale, ti ta xc'ot ti jun yutsil smuil ti matanal ta xich' ac'bel ti Diose.

Bible in Tzotzil de Chenalhó with Deuterocanon

² Ac'o yich' batel ta stojol li paleetique, ja' li xnich'nabtac Aarone. Jun pale ac'o sjop batel jopuc ta sc'ob li arina capal ta aceite xchi'uc pome. Ac'o xchic' te ta scajleb jmoton sventa sc'anubil vocol ta stojol li boch'o laj yaq'ue; ja' chic'bil matanal chc'ot ta jtojol ti lec mu yiq'ue, vu'un li Muc'ul Diosune.

Levítico 2:2 Iomraidhean Croise

Nehemías 13:14

¡Xichie, Ch'ul Dios: lecuc xavil ti vi s'elan laj jpase. Mu xach'ay ta avo'nton scotol ti c'usi lec laj jpas ta sventa xch'ulna ti Dios cu'une, xchi'uc ti stoyel xi'ele!

Nehemías 13:22

Ts'acal to une, laj calbeic ya'iic ti levitaetique, ti spocuc stusuc sbaique, ti baticuc ta chabiel ti ti'naetique yo' jech mu soquesbeic sc'oplal ti cuxob o'ntonale. ¡Xichie: Ch'ul Dios, mu xatic' ta avo'nton ti jech laj spas li'e! ¡C'uxubinun jech c'u cha'al oy sts'iquemal xcuchemal avu'une!

Éxodo 30:16

Ja' yu'un un, ta xatsob ti plata ti ta xaq'uic ti israeletic ta sventa ti xch'iel sc'opojelique. Ja' yu'un un, ba ac'o yo' jech ta xich' pasel ti quich'obil ta muc' ti bu nupel ta be ti ta Axibalnae. Ti jech taje, mu xch'ayat ta o'ntonal ti israeletic yu'un ti Diose, ja' ti laj yaq'uic ta sventa ti xch'iel sc'opojelique.”

Isaías 66:3

Ja'uc le'e, oy buch'u ta xac'be yich' svocol ta milel jcot tot vacax, ta smil vinic xtoc. Oy buch'u ta spajbe cuchilu ta snuc' ti chije, ta smil ts'i' xtoc. Oy buch'u ta xac' ta matanal ti jchop o ta trigoe, ta xac' ta matanal xch'ich'el chitom xtoc. Oy buch'u ta xchic' ti pome, ta xich' ta muc' loc'obbail xtoc. Ti buch'utic laj yac' sjol ta spasel ti va'i s'elan taj ti mu albajuc xchopolal ta j'ech'ele, jun yutsil ta spasel xa'i.

Levítico 1:13

Va'i un, ti buch'u ta xac' ti chiq'uel ti chon bolome, tsots sc'oplal ta xich' sapbel lec ta vo' ti sbel xch'ute, xchi'uc ti yo'taque. Jech ti palee ta xchic' scotol ta sba ti altare, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:17

Mi laj une, ta sjav ta o'lol ti mute. Ta stsacbe ti jujujot xiq'ue, ti mu xtuch' yu'une. Ta slajeb un, ta xchic' ti mut ta sba si' ti oy ta altar sventa matanale, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:9

Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Levítico 2:16

Ja' yu'un un, ti palee ta xchic' jutebuc ti matanal sat ts'unubil ti chevbile xchi'uc ti aceitee jmoj scotol xchi'uc ti pome. Taje, ja' jun chic'bil matanal sventa svulesobil ta o'ntonal ta yich'el ta muc' ti Diose.

Levítico 2:9

Ti bu taje, ti palee ta stsac juteb ti matanale yo' jech ta xchic' ta sba ti altare, ti ja' jun chic'bil matanal ti bejel ta xc'ot ta o'ntonale, ti jun yutsil smuil ta xich' ac'bel ti Diose.

Levítico 24:7

Ac'bo bats'i pom ti jujuchole, ti ta xtun ta sventa matanal svulesel ta o'ntonal ti ta xich' chiq'uel ta stojol ti Diose.

Levítico 4:31

Ja' jech xtoc tsots sc'oplal ta sloq'uesbe scotol ti xepu'ale jech c'u cha'al laj yich' pasbel ti jcot chon bolom ti laj yich' aq'uel ta matanal ti laj yich' milel ta sventa ti lajesobil o'ntonale. Ta xchic' ta altar ti jun yutsil smuil ta xich' ac'bel ti Diose. Jech ti pale une ta sta ti ta xch'ay smul scolo' ti buch'u taje. Tub ti mulil colo'ile.

Levítico 5:11

“Yan ti mi mu'yuc c'usi x'ayan jutebuc yu'un yo' ta sman o cha'cotuc tórtolae, mi cha'cotuc ch'in palomae, ac'o yac' chibuc kilo harina ti lec t'ujbile ti ta xc'ot ta sventa xch'ayobil mulile. Mu me xac'be aceite, mi ja'uc pom ta sba, yu'un ja' jun xch'ayobil mulil.

Levítico 5:12

Taj une, tsots sc'oplal ac'o yich' batel ta stojol ti palee. Jech ti stuque ta stsac jopuc ti ja' svulesobil ta o'ntonal ti ta xich' chiq'uele, ti jmoj ta xchic' ta sba altar ti bu ta xich' chiq'uel ti yan matanaletic ta sventa yich'obil ta muc' ti Diose. Yu'un ja' jun matanal ta scoj ti mulile.

Levítico 6:15

Ti jun yu'unic ta scotolique ta stsac jopuc ti harina ti ac'bil ta matanale, xchi'uc ti yaceiteale, jmoj xchi'uc scotol ti pom ti capal xchi'uc ti matanale, ta xchic' ta altar ti c'ot ta svulesobil o'ntonal ti jun yutsil smuil ta xich' ac'bel ti Diose.

Números 5:18

Ta xac' va'luc xtoc ti ants ta stojol ti Diose. Ta sjitunbe ti sjole. Ta xac'be ta sc'ob ti matanal yu'un ti it'ixale yo' jech ta xvinaj ti mulile. Jech ti stuc une ta stsac ti ch'ail vo' ti ta xac' bac vocole.

Números 5:26

Ta stsac no'ox xtoc jopuc matanal sat ts'unubil ti jchop o ta trigoe, ti ta xchic' ta sba altar ti ja' jun matanal ti vulesel ta o'ntonale. “Mi laj xa yac'be yuch' ch'ail vo' ants ti pale une,

Hechos 10:4

Ti Cornelioe sq'uel xcha' batel ti ánjele, ti xi'el xa xi laj sjac'bee: —¿C'usi ta xaval, Yojtot? Xi laj yal ti ánjele: —Ich'bil ta venta yu'un Dios ti ac'opojel ati'inele, xchi'uc ti ta xacolta ti buch'u abol sbaique.