Levítico 2:16 - Bible in Tzotzil de Chamula

¹⁶ Ja' yu'un un, ti palee ta xchic' jutebuc ti matanal sat ts'unubil ti chevbile xchi'uc ti aceitee jmoj scotol xchi'uc ti pome. Taje, ja' jun chic'bil matanal sventa svulesobil ta o'ntonal ta yich'el ta muc' ti Diose.

Bible in Tzotzil de Chenalhó with Deuterocanon

¹⁶ Li palee ac'o xchic' c'uuc yepal li juch'bil trigo xchi'uc aceite, xchi'uc li pome. Ja' sventa sna'ubil israeletic chc'ot, xchi'uc ja' chic'bil matanal chc'ot ta jtojol, vu'un li Muc'ul Diosune.

Levítico 2:16 Iomraidhean Croise

Salmos 141:2

Co'oluc smuil pom c'otuc ta atojol ti jc'opojel jti'inele. Ti jnuboj coc jc'obe, jechuc c'otuc ta atojol jech c'u cha'al ti matanal ta xich' aq'uel ta mal c'ac'ale.

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

Levítico 1:9

Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Levítico 2:12

Pisil une, xu' xavaq'uic ta smoton Dios ti yich'oj ti spajubtasobile, ti ajapome jech c'u cha'al sc'oplal ti sba sat ts'unubile, ja' no'ox un, mu spas ta xich' chiq'uel ta sba ti altar ti jun yutsil smuile.

Levítico 2:14

“Mi ja' ta xavac' ta matanal ta stojol Dios ti sba sat ats'unube, ta sc'an ti staoj xa lec syijil ti sjole, ti bacubtasbil ta c'oq'ue, ti ja' jun sba sat ach' ts'unubil ti chevbil ta voch'ele.

Levítico 2:15

“Ta sba ti matanale, ac'bo aceite xchi'uc pom, yu'un ja' jun matanal ti sat ts'unubil no'oxe.

Levítico 2:9

Ti bu taje, ti palee ta stsac juteb ti matanale yo' jech ta xchic' ta sba ti altare, ti ja' jun chic'bil matanal ti bejel ta xc'ot ta o'ntonale, ti jun yutsil smuil ta xich' ac'bel ti Diose.

Hebreos 5:7

Ti c'u sjalil ay cuxiuc li' ta sba banomil ti Cristoe, tsots xvocolet c'opoj ti'in, ep laj smal ya'lel sat ta sc'anbel vocol ti Dios ti Buch'u oy stsatsal ta xpoje c'alal mi xchame. A'yibat sc'opojel ta sventa ti laj spas ti c'usi oy ta yo'nton ti Diose.