Levítico 2:14 - Bible in Tzotzil de Chamula

¹⁴ “Mi ja' ta xavac' ta matanal ta stojol Dios ti sba sat ats'unube, ta sc'an ti staoj xa lec syijil ti sjole, ti bacubtasbil ta c'oq'ue, ti ja' jun sba sat ach' ts'unubil ti chevbil ta voch'ele.

Bible in Tzotzil de Chenalhó with Deuterocanon

¹⁴ “Me ja' chavac'bicun li sba sat atrigoic xchi'uc li c'usitic yan jech chac c'u cha'al trigoe, bacubtasic ta c'oc' li jujulic c'alal yox toe. Yan me sbec' chavich'ic tale juch'bil ta tse xavich'ic tal.

Levítico 2:14 Iomraidhean Croise

Génesis 4:3

Ech' c'uc sjaliluc un, oy jun c'ac'al, ti Caine laj yich' batel ta smoton Dios sat ti c'usi sts'unojane.

2 Reyes 4:42

Laj taj une, c'ot jun vinic ti liquel ech'el ta Baal-salisá ti yich'ojbe ech'el jtob ta bej pan ti Eliseo ti meltsanbil ta jchop o trigo ti ja' to no'ox ta'ajem ech'ele, xchi'uc yaxal trigo ti tiq'uil ech'el ta snuti'e. Ti Eliseoe xi laj yalbe mantal ti smosove: —Ac'bo sve'ic ti c'u yepal li' oyique.

Levítico 2:15

“Ta sba ti matanale, ac'bo aceite xchi'uc pom, yu'un ja' jun matanal ti sat ts'unubil no'oxe.

Levítico 2:16

Ja' yu'un un, ti palee ta xchic' jutebuc ti matanal sat ts'unubil ti chevbile xchi'uc ti aceitee jmoj scotol xchi'uc ti pome. Taje, ja' jun chic'bil matanal sventa svulesobil ta o'ntonal ta yich'el ta muc' ti Diose.

Levítico 22:29

“C'alal ta xavac' jun matanal sventa ti coliyal ti Diose, ja' me xapas ti lecuc tsacbil ich'bil ta muc' ta xc'ote.

Levítico 23:10

“Xi xcholet xavalbe ya'i ti israeletic jech c'u cha'al li'e: C'alal mi la'ochic ta banomil ti bu ta xcac'boxuque, mi laj xa atsobbeic ti sat atrigoique, tsots sc'oplal ta xavich'ic batel ta stojol pale ti sba jchuc ti ats'unubique.

Levítico 23:13

Ma'uc no'ox taje, yu'un ta xavich'ic talel o'lol yo'obal kilo ti lequil t'ujbil harina ti vots'bil xchi'uc ti aceitee yo' jech ta xich' ac'bel ti Diose, ti ja' jun chic'bil matanal ti jun yutsil ti smuile. Ta sventa ti malbil matanale, tsots sc'oplal ac'o yich' aq'uel junuc litro vino.

Levítico 23:20

Va'i un, ti palee ta xac' jelavel ti chon bolometic ti ta xc'ot ta jtunel matanaletic ta stojol ti Diose, jmoj xchi'uc ti pan ti ja' sba sat ts'unubile, xchi'uc ti cha'cot chije, ti ja' bevbil ta yu'untac Dios yo' ta xich' ti palee.

Malaquías 1:11

Yu'un scotol ti muc'tiquil lum ti oy ta banomile, ta xiyich'ic ta muc'. Buyuc no'ox ta xchiq'uic pom sventa quich'el ta muc, jun yutsiquil ti matanal ta xaq'uique.

Números 28:2

“Albo ya'iic ti israeletique ti mu me xicta sbaic ta yac'belun ti pane, xchi'uc ti chic'bil matanal ti ta xaq'uic ta jujun q'uin ti bu tsots sc'oplale, ti ja' ta xc'ot ta jun matanal ti jun yutsil smuil ta xquich' ac'bele.

1 Corintios 15:20

Ja' melel cha'cuxi ma' ti Cristoe, ja' c'ot ta sliquebal cha'cuxesel yu'un ti animaetic ti oy ono'ox sc'oplal ta xcha'cuxiique.

Deuteronomio 26:2

ti sba sat ti ts'unubal ti loc' ayan ta banomile, ich'ic batel ta junuc alcu moch ta yavil ti bu t'ujbil yu'un ti Ajvalil Dios avu'unic ti staobil ta na'ele.

Apocalipsis 14:4

Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.