Levítico 2:13 - Bible in Tzotzil de Chamula

¹³ “Scotol matanal ti ja' sat ts'unubile, tsots sc'oplal ac'bo yats'mil. Ma'ucuc me ti asat no'ox aq'ueloj ti mu'yuc yats'mil ti sat ts'unubil ta xavac' ta stojol Dios ti c'alal ja' svinajeb sc'oplal ti tratee. Scotol ti matanaletic avu'une, tsots sc'oplal ti oyuc yats'mile.

Bible in Tzotzil de Chenalhó with Deuterocanon

¹³ “Scotol li c'usitic chavac'bicun jmotonine ac'beic yats'amil. Mu me xapasic jech ti mu'yuc chavac'beic yats'amil li jmoton chavaq'uique. Yu'un li ats'ame ja' senyail li c'usi chapanbil cu'un, vu'un li Diosun avu'unique. Scotol li atrigoic chavac'bicun jmotonine ac'beic yats'amil.

Levítico 2:13 Iomraidhean Croise

2 Crónicas 13:5

¿Mi yu'un mu xana'ic ya'yel ti mu sutes ye sti' ti Ajvalil Dios yu'un ti Israele? Laj spas jun trate ta stojol ti Davide, ti xquechcun ta x'ech'ic ta ajvalil sbatel osil ti snitilultaque.

Esdras 7:22

Xu' ta xc'ot ta pasel ti ta xich' oxmil xchi'uc vo'lajunvinic (3,300) ta kilo ti platae, chib xcha'vinic mil (22,000) ta almul ti trigoe, cha'mil xchi'uc lajunvinic (2,200) ta litro ti vinoe, cha'mil xchi'uc lajunvinic (2,200) ta litro ti aceitee, xchi'uc ti c'u yepal ta xtun yu'un ti ats'ame.

Éxodo 30:35

Ti jaytos taje, ja' jech xachapan ti jun pome yo' jech ta xc'ot ta bats'i jtunel pom. Xacap lec scotol jech c'u cha'al junuc jmeltsanej muil poxil ti c'alal ta smeltsan ti muil poxiletique.

Ezequiel 43:24

ti ta xac'beicune. Ti paleetic une ta xac'beic yats'mil yo' ta xchiq'uic sventa quich'el ta muc'.

Números 18:19

Yu'un scotol matanaletic ti ye'bil laj yich' aq'uel ti laj st'ujbeicun ti israeletique, ta xc'ot ta avu'un ec xchi'uc ti anich'nabe, xchi'uc ti avantsiquil nich'nab ti achi'ucanoj ta nacleje. Taje, ta xc'ot ta jbel c'usi tsots albil ti bejel ta xcom ta j'ech'ele. Ja' jun trate ta xc'ot ta atojolic xchi'uc ti anitilultac ti mu stac' jelel sbatel osil ta j'ech'ele.”

San Mateo 5:13

“Ta stojolal ti yane, co'ol s'elan ats'am c'otemoxuc. Mi ta xch'ay yutsil xchi'il ti ats'ame, ¿mi xu' to ta xtun xtoc un? J'ech'el mu'yuc xa c'usi xtun o, jip xi loq'uel, tec' xi yu'un ti jbeinele.

Colosenses 4:6

Ti c'usi ta xavalique, lecuc ta a'yiel, oyuc yutsil. Sc'an xana'ic c'u s'elan ta xatac'avic ta jujun tal.