Levítico 19:4 - Bible in Tzotzil de Chamula

⁴ “Mu xanijan xachiman abaic ta sts'ac-patiel ti c'usi meltsanbil ta c'abale. Mi ja'uc xameltsan ta xrioxinel ti ulesbil ta taq'uine. Yu'un vu'un ti Ajvalil Diosun avu'unique.

Bible in Tzotzil de Chenalhó with Deuterocanon

⁴ “Mu me xbat avich'ic ta muc' yan velta li yantic diosetique. Mu me xapas sloc'obal adiosic ta unijesbil taq'uin. Vu'un li Muc'ul Diosun avu'unique.

Levítico 19:4 Iomraidhean Croise

1 Reyes 14:9

Ti vo'ote toj ech'em lajelav ta spasel ti c'usi chopole, ja' mu sta ti buch'u ba'yel jch'iel jc'opojele. Yo' jech ta xc'ot ta soquel avu'un ti jole, laj avac' ta meltsanel ti loc'obbailetique, ti loc'obbail diosetic ti unijesbil ta taq'uine. Laj ajip atenun comel.

1 Crónicas 16:26

Ti diosetic yu'unic ti yan jteclumetique, mu'yuc c'usi xu' yu'unic ta j'ech'el; ja'uc ti Diose laj smeltsan ti vinajele.

2 Crónicas 28:2

C'ajomal no'ox lic stam ta spasel jech c'u cha'al laj spas ti ajvaliletic yu'un Israele. Lic yunijesan taq'uinetic ti laj sloc'ta diosetic sventa sloc'obbail ti Baale.

Salmos 96:5

Ti diosetic yu'un ti yan jteclumetique, mu'yuc c'usi xu' yu'unic, ja'uc ti Diose laj smeltsan ti vinajele.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 32:4

Va'i un, och ta yoc ta sc'ob, jech tey laj yac' ta ulesel ti oroe. Lic abtejuc ta yanel ta jun yanobil ja' to ti c'uxi joybij lec yu'un ta sloc'obbail jcot ch'in tot vacaxe. Jech o xal un, scotolic xi lic yalique: —Israel, ti li'e, ja' ti dios ti laj sloq'uesot talel ta Egiptoe.

Éxodo 34:17

“J'ech'eluc mi ja'uc xameltsanic ti adiosic ti unijesbil ta taq'uine.

Levítico 11:44

Yu'un vu'un ti Ajvalilune, ti Dios avu'unique, tsots sc'oplal ti oyuc ach'ulelic ta stuc'ulanel abaique, yu'un Ch'ul Diosun. Mu xavac'be aba avocolic ta soquesel abaic ta scoj jtosuc ti chonetic ti xjochet ta banomil ta xanave.

Levítico 19:25

Ta yo'obal to jabil un, xu' xalo'beic ti sate. Jech ti te'e ta xac' ep ti sate. Yu'un vu'un ti Ajvalil Diosun avu'unique.

Levítico 19:5

“C'alal ta xavac'beic Dios ti oy c'usi ta xich' svocol ta sventa ti slajesobil o'ntonale, ja' me pasic ti c'u s'elan ich'bil tsacbil ta muc' ta xc'ot yu'un ti Diose.

Levítico 26:1

“Mu'yuc c'usi xameltsanic avajdiosic. Mi ja'uc xaloc'taic loc'obbailetic. Mi ja'uc xava'anic ta alumalic ti ta xabis ta ch'ul tonetique, xchi'uc mi oy c'usi ta xaloc'taic ta tonetique. Mu stac' xaquejan abaic ta yich'el ta muc'. Yu'un vu'un ti Ajvalil Diosun avu'unique.

Hageo 2:18

Ti xchanibal xcha'vinic (24) c'ac'al yu'un ti sbalunebal (9) u avi tana li'e, laj yich' aq'uel stsacleb yoc ti jch'ulnae.

1 Corintios 10:14

Ti jech c'uxoxuc ta co'ntone, jchi'iltac, ictaic ta xrioxinel ti c'usitic meltsanbil ta c'abale.

Deuteronomio 27:15

‘Bac svocol chamuc ta banomil ti buch'u ta smeltsan ti sdiostaque, mi oy c'usi unijesbil ta taq'uin ta sloc'tae, mi ta xac' ta meltsanel ti oy bu c'otem ta pasel ti snac'oj xa leque. Ti jech taje, toj chopol ta xil ti Diose.’ Xi ta stac' scotol ti lume: ‘Jechuc.’

Deuteronomio 4:16

Mu ta jechuc to yepal xlic ajolic ta soquesel abaic ta sloc'tael sloc'obbail vinic, mi ja' jun ants,

Deuteronomio 7:25

Ta xachic'beic ya'iic ti sloc'obbail sdiosique. Ja'uc le' une, mu me x'och ta avo'ntonic ta yich'bel comel ti oroe xchi'uc ti plata ti ja' c'otem ta sbontaque. Mu me ja'uc ti xbic'taj avo'nton yu'une. Yu'un ta xatic' abaic ta spasel ti chopol ta xc'ot ta stojol ti Diose.

1 Juan 5:21

Jnich'nabtac, q'uejo abaic loq'uel ta stojol ti albil sc'oplal ja' diosetique. Jechuc.