Levítico 19:3 - Bible in Tzotzil de Chamula

³ “Ti jujunoxuque, bic'tajeso abaic ta snijanel xchimanel abaic ta yich'el ta muc' ti atotique xchi'uc ti ame'ique. “Ich'ic ta muc' xtoc ti sc'ac'alil cuxob o'ntonale. Yu'un vu'un ti Ajvalil Diosun avu'unique.

Bible in Tzotzil de Chenalhó with Deuterocanon

³ “Jujunoxuc ich'ic ta muc' li atot ame'ique. “Chabiic me li sc'ac'alil chacux avo'ntonique, vu'un li Muc'ul Diosun avu'unique.

Levítico 19:3 Iomraidhean Croise

Génesis 48:12

Ti Josee laj snit loq'uel ti ololetic quicajtic ta sjol yoc ti stote. Snupilan xa banomil laj snijan sba ta stojol.

Nehemías 9:14

Laj achanubtas c'u s'elan ich'bil ta muc' ta xac'ot ta sc'ac'alil ti cuxob o'ntonal ti t'ujbil avu'une. Laj avac'be ti mantaletique, ti chanubtaseletic ti ja' melele, ti c'usi jbel tsots albile, xchi'uc ti chanubtaseletic ti laj avac' comel ta sventa ti avajtunel Moisese.

Éxodo 16:29

Aq'uic ta venta ti vu'un Ajvalilun ti cac'oj jun c'ac'al ti cuxobil o'ntonale. Jech o xal ti c'alal ta sta ti svaquibal (6) c'ac'ale, ta xcac'boxuc ave'elic sventa chib c'ac'al. Ja' yu'un un, ti yucubal (7) c'ac'ale, mi ja'uc xaloq'uic ta anaic, tey comanic.

Éxodo 20:12

“Ich'o ta muc' ti atote xchi'uc ti ame'e yo' jech ta xnatij acuxlejal ta banomil ti ta xac'bot ti Ajvalil Dios avu'unique.

Éxodo 20:8

“Vuleso ta avo'nton sc'ac'alil ti cuxob o'ntonale yo' jech ich'bil ta muc' ta xc'ot ti Diose.

Éxodo 21:15

“Ti buch'u ta syayijes ti stote, ti sme'e, chapal sc'oplal ta xich' milel.

Éxodo 21:17

“Buch'uuc no'ox ti ta sbis ta cotol chaval ti stote, mi ja' ti sme'e, chapal sc'oplal ti ta xich' milele.

Proverbios 1:8

Cuni nich'on, ich'o ta muc' ti c'u s'elan ta xchanubtasot ti atote, mu xajip ta apat ta axocon ti chanubtasel yu'un ti ame'e.

Proverbios 23:22

Ich'bo ta muc' sc'op atot ti la'ayan talel yu'une; c'alal mi yayilub xa ti ame'e, mu xajip xaten.

Proverbios 30:11

Oy buch'utic ta sbis ta cotol chaval ti stote, mi ja'uc ta slequil-c'optaic ti sme'e.

Proverbios 30:17

Ti buch'u sc'a'epal sat ta xil ti stote, ti ta sbis ta jeche' mu yayil ti sme'e, xtun o ma' taj une ti ts'uts'batuc ya'i sbec' sat yu'un ti ic'al mute, lilineuc ta ti'el ya'i yu'un ti tararane.

Isaías 58:13

“Ich'o ta muc' sc'ac'alil ti cuxob o'ntonale. Ma'uc me xbat avo'nton ta bolomajel ta yorail ti ch'ul c'ac'al cu'une. C'otuc ta avo'nton ti ja' yorail muyubajel ti c'ac'al taje, ti xc'ot o ta yich'obil ta muc' ti jun ch'ul c'ac'al yu'un ti Diose. Xi'tao, yu'un ma'uc yorail ti oy c'usi quechel macalote. Ma'uc yorail ti avac'ojbe xa yipal ta sa'el ti c'usi ta xtun avu'une, ti batem avo'nton ta bolomajele.

Ezequiel 20:12

Sc'ac'alil ti cuxob o'ntonal cu'une, laj cac'be sna'ic svinajeb c'u s'elan oyic ta jtojole, svulesobil ta yo'ntonic ti c'otic ta cu'untaque.

Levítico 11:44

Yu'un vu'un ti Ajvalilune, ti Dios avu'unique, tsots sc'oplal ti oyuc ach'ulelic ta stuc'ulanel abaique, yu'un Ch'ul Diosun. Mu xavac'be aba avocolic ta soquesel abaic ta scoj jtosuc ti chonetic ti xjochet ta banomil ta xanave.

Levítico 19:25

Ta yo'obal to jabil un, xu' xalo'beic ti sate. Jech ti te'e ta xac' ep ti sate. Yu'un vu'un ti Ajvalil Diosun avu'unique.

Levítico 19:30

“Ich'ic ta muc' ti sc'ac'alil cuxob o'ntonale. Nijano chimano abaic ta stojol ti jch'ulnae. Yu'un vu'un ti Ajvalilune.

Levítico 19:31

“Mi ja'uc xanaban abaic ta sts'ac-patiel ti buch'u xilic ti toyol cajale, xchi'uc ti jt'unvanejetique. Mu xasoques abaic yu'un ta scoj ti oy c'usi ta xajac'beique. Yu'un vu'un ti Ajvalil Diosun avu'unique.

Levítico 19:34

Biso ta junuc achi'ilic. Oyuc syail xc'uxul avo'nton ta stojol, yu'un co'ol oy ach'ulelic. Ma'uc no'ox taje, yu'un jyanlum la'ech'ic ta Egipto. Yu'un vu'un ti Ajvalil Diosun avu'unique.

Levítico 23:3

“Vaquib c'ac'al sjalil ti stac' xa'abtejique. Ja'uc ti ta yucubal c'ac'ale, mi ja'uc xa stac' xa'abtejic mi jset'uc. Yu'un ja' jun c'ac'al ti tsots sc'oplal cuxob o'ntonal ta j'ech'ele. Ta xc'ot ta ch'ul tsoblej avu'unic. Ti buyuc no'ox ta xanaquie, ti jech c'ac'al taje, ja' cuxob o'ntonal ta sventa yich'el ta muc' ti Diose.

Levítico 26:2

Ich'ic ta muc' ti sc'ac'alil cuxob o'ntonale. Biq'uit xavac' abaic yu'un ti jch'ulnae. Yu'un vu'un ti Ajvalilune.

Malaquías 1:6

Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

Deuteronomio 27:16

‘Bac svocol chamuc ta banomil ti buch'u mu lecuc xil ti stote, mi ja' ti sme'e.’ Xi ta stac' scotol ti lume: ‘Jechuc.’

Deuteronomio 5:16

‘Bic'tajeso aba ta yich'el ta muc' ti atote, ti ame'e jech c'u cha'al laj yalbot mantal ti Ajvalil Dios avu'une yo' jech ta xnatij ach'iel ac'opojel, yo' jech lec ta xbat ac'oplal ta banomil ti bu ta x'ac'bat yu'un ti Ajvalil Dios avu'une.

Hebreos 12:9

Yu'un ti c'alal biq'uitotic to oxe, laj quich'tic tsitsel yu'un ti jtotic li' ta banomile, ja'uc le'e, laj quich'tic ta muc'. ¿Mi ja' xa mu stac' jts'ictic ti tsitsel yu'un ti Ch'ul Diose yo' jech ta jtatic ti jcuxlejaltique?